Lɛɛ gbɔwɔ ɓa 30:33 - Yálá laawoo hɛɓɛ (dc)

³³ Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Yálá laawoo hɛɓɛ

³³ Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Bible

³³ Ǹúui pâi wúlɔ kpɛtɛ̂i yɛ̂ɛ ǹyaai, kpaa máŋ é da pú ǹúui ma vé a sâla láa-soŋ-nuui, ma nuui ŋɔnûa da pâi gulâi dísama.’ ”

Lɛɛ gbɔwɔ ɓa 30:33 ပူးပေါင်းရင်းမြစ်များ

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Lɛɛ gbɔwɔ ɓa 12:19

«Hvóló mɛ̨ihveelɛ yee mu, lɛɠɛ tɛ hɛn da hvo kɛ ka yəi bɛlɛ́n, nui lɔpee a kɔ̨nɔ̨n da mįi lɛɠɛ tɛ hɛn ə ɓo ɉu, da naa kulɔ Israɛlə lonnii laa pɔ; ə kɛ a Israɛlə lonnii ta, ə kɛ a nwɛ̨ą.

Lɛɛ gbɔwɔ ɓa 29:33

Yii di gɛ a nɛ̨nŋɛ̨n gbɛɛ haláái, ɓɛlɔwai da kɛ ɉaláá kulaa mąą laa tɛɛ la di pɔ, diɛ di hee a ɉaláá kulɔ nuą, da yili mįi. Nu takpɛli lɔpee hva da mįi, mąąhɔlɔɓo, hɛn mąąhəɠɛɛ li.

Lɛɛ gbɔwɔ ɓa 30:34

Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Lɛɛ gbɔwɔ ɓa 30:38

Nui a bɔɔ kɔ́ɔn gɛ, yɛ gun mo, mąąnɛ̨ɛ̨ di gulɔ Israɛlə lonnii lɔwai.»

Lɛɛ gbɔwɔ ɓa 31:14

Mąąnɛ̨ɛ̨ ka túwɔ́ yələ mąąwiɛ, mąąhɔlɔɓo, hvóló mąąhəɠɛɛ li ka yəi. Nui a volói tii ɓɛlɛkpɛɛ mą, mąąnɛ̨ɛ̨ di baa. Ɛlɛɛ, nui a kóló kɛ a mąą yələ, mąąnɛ̨ɛ̨ di naa kulɔ Israɛlə lonnii lɔwai.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 17:14

Mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu, akɛ gaa nii a vulú. Yili mąą mɛ̨nį ɓə ŋą́ kɛ la Israɛlə lonnii diɛ: ‹Ka hva pɛli hɛn da lɔpee ɲąmą lɛɛi ɉu ka hvo mįi; mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu. Nui a da mįi, mąąnɛ̨ɛ̨ di gulɔ mɛlaa lɔwai.›

Levetekɔ 17:4

a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.

Levetekɔ 17:9

a wala gɛ hvo paa la gee kaa kələ laaləi, hvo gɛ a Yai-Laa nwɔ haláá; mąąnɛ̨ɛ̨ di mąą nu kulɔ nwɔ nuą lɔwai.

Levetekɔ 18:29

Yili ɓa, nui lɔpee a dúwɔ́ taaləi tii ta ɓo, mąąnɛ̨ɛ̨ di gulɔ nwɔ nuą lɔwai.

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Levetekɔ 20:17

«Hulɔnu a mąąhala kɛ a nɛ̨ą, di ɓo nąn ɓa, a wala kɛ tii di ɓo lee ɓa; diɛ di kee kpuwulu kaa; nwumɛ̨ mɛ̨nį li, mąąnɛ̨ɛ̨ di di lɛɛ di tɔ̨nɔ̨ kon ɉu di wɔ lɔi hu nuą ɲɛ̨i ɓa, mąąhala kpuwulu mɛ̨i həɠəi ə mo, yili a kɛ nwuɔ̨ a nɛ̨ŋɛ̨n.

Levetekɔ 20:18

«Hulɔnu a ɲąnin nɛɛ nɛ̨ɛ̨nu ɓa a laa la, mąąnɛ̨ɛ̨ di di nu hveelɛi di lɛɛ di tɔ̨nɔ̨ kon ɉu, mąąhɔlɔɓo, di nu hveelɛi di hvaa mą, di nɛ̨ɛ̨nui tii nwɔ ɲąmą nwun gulɔi mɛ̨i həɠə.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 22:3

«'Mo diɛ yɛ́ diɛ: «Tɔn a kɛ ɉaláá laa həli nuą yəi bɛlɛ́n ɉulɔnu ta ɓa, a lɛɠɛ gɔɓo hɛn mąąhəɠɛɛɠaai Israɛlə lonnii da paa la Yai-Laa pɔ da ɓa, mąą nui hva kɛa lɛɛ nwɔ́ kólói hu. Yələ kəlee mɛ̨nį li. Ɲą́ą́ ɓə gáá a Yai-Laa.

Levetekɔ 23:29

Nui lɔpee a wala hin nɔ a mąą yələ, mąąnɛ̨ɛ̨ di gulɔ nwɔ nuą lɔwai.

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Lonon mo 15:31

Mąąhɔlɔɓo, mąą nu a tɛɠɛɓo Yai-Laa woo hu, aa nwɔ tɔ́n gala; gɛ nɛ̨ŋɛ̨n tii wulu a lɛɛ gbɔwɔ nwuɔ̨. Mąąnɛ̨ɛ̨ di nɛɛ dɔ̨nɔ̨ kon ɉu.»

Lonon mo 19:13

Nui lɔpee a tunwɔ̨n nu powa ɓa, ɛlɛɛ hva mąą həɠə a ɲái tii ta, a kɛ tii aa Yai-Laa nwɔ pɛ́lɛ́i mąą liɓi; mąąnɛ̨ɛ̨ di mąą nu lɛɛ dɔ̨nɔ̨ kon ɉu. Yii hvo gɛ li di hvo nu mąą həɠə yá ta taɠa mą, tɔ́n a kɛ mą, nwɔ tɔ́n tii hva kulɔ mą.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.

Lonon mo 4:18

«Ka hvo gɛ di hvo pa Kehatə nwɔ kwəlii hu nuą laa kulɔ Levi nu huwu lɔwai.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.