Lɛɛ gbɔwɔ ɓa 3:20 - Yálá laawoo hɛɓɛ (dc)

²⁰ Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Yálá laawoo hɛɓɛ

²⁰ Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Bible

²⁰ Mɛni ma ŋa pâi tíi kɛ̂i a ŋáwala-wâla-laai ŋá tɔ̀ŋ-kpɛ-maa tɛ́ɛ Ize pɔ́ a ŋ̀ɛi-kɛ-maa-ŋai ŋa pâi gɛ̂i. Gɛ̀ ní a pâi ká lɛɛ̂i naa ká lí.

Lɛɛ gbɔwɔ ɓa 3:20 ပူးပေါင်းရင်းမြစ်များ

Zɛnɛse 15:14

Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Mąątɛ̨nɛ̨ 105:27

Di kwɛlɛɛn mɛ̨nį kɛ lɔ, a di hvaa woo, Eziptə lɔi hu, di kwəi pili mąą mɛ̨nįɠaa kɛ Kamə nwɔ lɔi hu.

Mąątɛ̨nɛ̨ 105:38

Eziptə kwəi ə nɛ̨ɛ̨, di li mɛ̨nį ɓa, mąąhɔlɔɓo, ɲɔw aa kɛ pili di hu.

Mąątɛ̨nɛ̨ 106:22

Yɛ kwɛlɛɛn mɛ̨nįɠaa kɛ Kamə nwɔ lɔi hu, da mɛ̨nį mąą ɲɔwuɔɠaa Vəəngbɔ̨nɔ̨ gboloyá kwɛlɛ.

Lɛɛ gbɔwɔ ɓa 11:1

Yai-Laa yɛ Moisə ɓa: «Gáá pai mɛ̨nį nwąnąą gbəli laai Eziptə tɔɔmun ma da nwɔ nuą kəlee. Yili pulu, gaa pai ɓoi kaa, ka kulɔ di wɔ lɔi hu. Di kaa pai ka kpɛi kpɔ tɛ̨ɛ̨tɛ̨ɛ̨, ka kulɔ di wɔ lɔi hu.

Lɛɛ gbɔwɔ ɓa 12:39

Nɛɠɛ kpɔlɔi ti kɛ di yəi diɛ həɠə la Eziptə lɔi hu, di kɛi kɛa bɛli bələ ɓa a nwɔ̨nmii. Mąąhɔlɔɓo, di hvo lɛɛ laa hvo tɛ. Ɓɛlɔwai di di kpɛ la Eziptə lɔi hu, di hvo pɛli bələ pɔ kɔ̨nɔ̨n ɉəɠəi.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Lɛɛ gbɔwɔ ɓa 4:21

Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Lɛɛ gbɔwɔ ɓa 6:1

Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 9:15

Ŋą́ ɲee pɛlɛ kɛ yɛ́ yiihu, ká ə́ wɔ lɔi hu nuą ka kwəi kulɔ ɲɔ̨n ɉəɠə, yɛ ə́ laa aa kpɛɛ lɔi mɛ̨i.

Azaya 19:22

Akɛ, Yai-Laa ə Eziptə nuą kɛlɛ a nwala-walaa, bələ lɔ ɓə gaa pai di ɓaloi la; da pənə da pa Yai-Laa pɔ, gaa pai ɲee heei di mu, yɛ di ɓalo.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Mise 7:15

Mɛ̨nį ɲɛ̨i kɛnɛ̨ɛ̨ lɛlɛɛɠaa lɛ kuɔ, yɛ ɲələi ə́ ku kulɔ la Eziptə lɔi hui.

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 6:22

Yai-Laa ə kwəi pili mąą mɛ̨nį kpɛa kpɛa da kpalo mɛ̨nį kpɛa kpɛa kɛ ku ɲɛ̨i ɓa; Eziptə lɔi da dɔɔmun nwɔ pɛ́lɛ́i nwun yɛ lɛɛ ɉu.

Nwun mąąɓo 6:8

Yai-Laa ə gwəi mɛ̨nį hukulɔ mun da tɔɔ, yili yɛ diɛ: «Yai-Laa, yii gaa a Israɛlə nwɔ Yálá, nwoo ka, yɛ diɛ: Ɲą́ą́ ɓə ka kulɔ Eziptə, luwɔlaa hu.

Nwun mąąɓo 8:16

Zedeɔn ə nɛɛ mą, ə daa kalanɉonŋaa hon, ɲąąlən vaɠa walawalai ŋɛ̨i ə dee nɔi pun ɉu, ə ɉəɠə, ə Sukotə kalanɉonŋaa hu waa kpɔ la a neelee.