Lɛɛ gbɔwɔ ɓa 29:45 - Yálá laawoo hɛɓɛ (dc)

⁴⁵ Gáá pai heei Israɛlə lonnii lɔwai, ŋą́ kɛ a di wɔ Yálá,

Yálá laawoo hɛɓɛ

⁴⁵ Gáá pai heei Israɛlə lonnii lɔwai, ŋą́ kɛ a di wɔ Yálá,

Bible

⁴⁵ Ŋa pâi kɛ̂i Eezuɛ-ŋai sáma. Ŋá kɛ́ a Díɣâla.

Lɛɛ gbɔwɔ ɓa 29:45 ပူးပေါင်းရင်းမြစ်များ

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Tɔɔɓɛlaa dɔlɔɔ 6:13

Ɛlɛɛ, akɛ tii, ŋą́ kɛ kɛa Israɛlə lonnii lɔwai; nwɔ́ nu huwui ŋɛ̨i a diɛ, vá di lɛɛ laa tɔ̨nɔ̨ kpɛli.»

Kɔlɔnikɔ Veerɛi 6:18

Yálá a pɛli mɔ̨ɔ̨ heei nuą lɔwai ɓɛ yɛnɛ̨ɛ̨ kpɔ a neelee? Yələ kɔ́lɔn yaa kpįnįle, da yələ kɔ́lɔn mɛ̨i pələ, di hva pɛli Ə́ mu! Gu hvo mun kɛ bɛlɛi ɲɛ̨i ŋį́ dɔɔ yɛ́i!

Mąątɛ̨nɛ̨ 114:2

Ɉuda ə kɛ kɛa a Yálá hee pɛlɛ́, Israɛlə yɛ kɛ a nwɔ lɔi.

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 29:44

Gáá pai gee kaa pɛlɛ da ɉaláá kulɔ kəhi kɛi a hɛnŋąą mąą həɠɛɛɠaa, gɛ́ Aarɔn da nonnii di kɛ a nu mąą həɠɛɛɠaa.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Izikiɛ 43:7

Nwooi tii yɛ mą́ą́: Hulɔnu lon, nwɔ́ tɔɔkpəlin hvilɛn ɉii ka, da ɓɛi gáá pai gɔ́wɔ tɔɔi laa; nąą ɓə gáá pai heei laa, Israɛlə lonnii lɔwai a yələ kəlee da nwɔɔ. Israɛlə nwɔ pɛlɛ́i hva kɛa náá mąąhəɠɛɛi mąąliɓi, yaa mąn, ə mą kɛ nwɔ tɔɔɓɛlaa da di wɔ túwɔ pələ ɲɔ̨nŋaa; ə mą nwɔ̨nɔ̨ kɛ nwɔ tɔɔɓɛlaa powaɠaa, da di kámąɠaa.

Izikiɛ 43:9

Yiihu kɛa, di kaa pai di wɔ túwɔ pələ ɲɔ̨nŋaai maakwɛai mą́ą́, da di wɔ tɔɔɓɛlaaɠaai powaɠaa, gɛ́ pɛli kɛa heei di lɔwai a yələ kəlee mɛ̨nį.

Danîa 2:11

Mɛ̨nįi ŋɛ̨i tɔɔmun gaa ɉu hvɛlii, nwalawalaai, nui lɔpee ta hva pɛli gɛi; nui lɔ a pɛli ə mɛ̨nįi tii kɛ, ya ɓaa: Yáláɠaai di hvo ɓɛ lɔi mɛ̨i nuą lɔwai.»

Levetekɔ 26:11

Gáá pai ɉééi kulɔi ka lɔwai, və́ pai wɛli kpɛɛmąąlaa kulɔi a kaa.

Levetekɔ 26:12

Gu kaa pai kɛi gu kee ɓa; Ŋą́ ɓo a ka wɔ Yálá, kaan ka ɓo a nwɔ́ nu huwu.

Egaa 2:5

Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Zakari 2:10

'Ka li 'ka li! 'Ka ká kɔ́wɔ mąąhulɔ, ka kulɔ ɲələi pələ lɔi tii hu, Yai-Laa woo li, Yai-Laa yɛ diɛ: ŋį́ ka taɠa taɠa yələkɔlɔn mu nąą kəlee.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lonon mo 35:34

Mąą hvo nɛ̨ɛ̨li nɔi ka káá ɉu ka hvo mąą liɓi, ɓɛi gáá laa heeni, mąąhɔlɔɓo gáá a Yai-Laa. Ɛlɛɛ gáá heeni Israɛlə lonnii lɔwai.»

Lonon mo 5:3

Ka di kpɛ, ɉinąą mąn, nɛ̨ąą mąn, ka di kpɛ taai. Di hvo Israɛlə lonnii di wɔ taai mąąliɓi. Mąąhɔlɔɓo, gáá Israɛlə lonnii lɔwai.»

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 14:20

Volói tii a pa ɉəli, ka káá pai gɔlɔn ɉi kaa diɛ: kwa Yálá ku kaa tɔ̨nɔ̨, ə lɛɛ, gwa kaa ni gu ɓo tɔ̨nɔ̨.

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Kilii háálai.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.