Lɛɛ gbɔwɔ ɓa 29:25 - Yálá laawoo hɛɓɛ (dc)

²⁵ Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Yálá laawoo hɛɓɛ

²⁵ Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Bible

²⁵ À kɛ̀ tí í dísoŋ díyêei í díkereŋ ŋ̀âla-teƃelei ma géreŋ salai mɛi a gɛɛ é kɛ́ a kéreŋ sala kúŋ nɛ̃ɛ ŋɛ́i. Gáa a ŋɔŋ sala ŋɛ́i-tuɛ.

Lɛɛ gbɔwɔ ɓa 29:25 ပူးပေါင်းရင်းမြစ်များ

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Lɛɛ gbɔwɔ ɓa 29:18

Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Lɛɛ gbɔwɔ ɓa 29:24

Ə́ gəlee laa Aarɔn da nonnii di yəi ŋą, ə́ mo, di naa həli Yai-Laa ɓa.

Lɛɛ gbɔwɔ ɓa 29:41

Mɛlaa lon veelɛnąą nwɛi, ya baa hvitili ɓa, bələi lɔ ə́ yələwala pɔ haláá kulɔ la, yá gɛ lɔ ti, da nɔɔ mɛ̨nį, haláá kun nɛ̨ɛ̨ li, yili kaa a kɔ́ɓo hɛn yii da gələn a Yai-Laa nwɔɔ.

Levetekɔ 1:13

Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 10:13

ka mįi kɛɛnąą mąąhəɠɛɛ ɓa, mąąhɔlɔɓo, kɔ̨nɔ̨n mąąnɛ̨ɛ̨i ə tɛɛ ka pɔ ka ə́ lonnii, diɛ gulɔ Yai-Laa nwɔ haláá kɔ̨nɔ̨n hu, yaa li. Mɛ̨nįi di dí la, yaa li.

Levetekɔ 2:11

«Ɉaláá hɛnŋąąi kpɔ ka káá pai kɛi Yai-Laa kɔ́i la ka hvo lɛɠɛ tɛ hɛn bu da hu. Mąą hvo nɛ̨ɛ̨li da kɛi Yai-Laa kɔ́ hɛn gələn, lɛɠɛ tɛ hɛn da kwɛ̨in nwulɔ di hvo kɛ da hu.

Levetekɔ 2:16

Yili pulu, ɉaláá laa həli mun a da kələn a kili too ɲą hɛn; a nɛɠɛ ta həɠə, ə nwulɔ ta həɠə, ə bɛlɛɛ lansan kəlee ɓa. Yili kaa a haláái da gələn Yai-Laa ɓa.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 2:9

Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 3:11

Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Levetekɔ 3:14

Yii mąąnɛ̨ɛ̨ di naa həli Yai-Laa ɓa, ya ɓaa: nwulɔi a kɛ gboyɛli ɓa, da nwulɔi a kɛ gboyɛli mɛ̨i,

Levetekɔ 3:16

yili pulu, ɉaláá laa həli mun ə ɉuwɔ kpuwɔɠaa tii kələn ɉaláá kulɔ kəhi mɛ̨i. Haláá kɔ̨nɔ̨n ni, yai da gələn, mąą kun nɛ̨ɛ̨, yɛ Yai-Laa liilaa. «Haláá huwɔ, nwulɔ kəlee kaa a Yai-Laa nwɔɔ.

Levetekɔ 3:3

Niilaa haláá tii, nwulɔi gaa gboyɛli ɓa, da yii a kɛ gboyɛli mɛ̨i, ya ɓə da naa həli Yai-Laa ɓa, di gələn.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 3:9

Yii mąąnɛ̨ɛ̨ di naa həli Yai-Laa ɓa niilaa haláá tii hu, ya ɓaa: daatɛlɛɛ nwulɔɠaa, nwon gəlee, di dee kpɔ dɔɔi, nwulɔi tii a kɛ gboyɛli ɓa, da yii a kɛ pɛlɛ ni gboyɛli mɛ̨i,

Levetekɔ 7:25

Nui lɔpee a taatɛlɛɛ ta laa həli Yai-Laa ɓa a haláá, ɛlɛɛ yɛ nwulɔ ta mį́i, mąąnɛ̨ɛ̨ di mąą nu kulɔ nɔi lonnii lɔwai, mąąhɔlɔɓo, aa ɉuwɔi tii ta mį́i.

Levetekɔ 7:5

Ɉaláá laa həli mun a di kələn ɉaláá kulɔi, yili kaa a nu pɔɔŋą pɛli haláá hɛn da gələn a Yai-Laa nwɔɔ.

Levetekɔ 8:28

Moisə ə pənə ə ɉəɠə di yəi, ə gələn ɉaláá kulɔi, ə mą kɛ ɉaláá da gələn. Haláá laa həli mun ɉee hala li, yii mąą kun nɛ̨ɛ̨ yɛ Yai-Laa liilaa. Yili kaa a haláá yii da gələn.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.