Lɛɛ gbɔwɔ ɓa 29:20 - Yálá laawoo hɛɓɛ (dc)

²⁰ ə́ mɛlaa hilɛi ti nwun dee, ə ŋąmą ta həɠə, ə da hiɛ Aarɔn ɓa-mįi-yee wəli kpɛlɛ ɓa, ə mą kɛ nonnii wəli kpɛlɛ ɓa, da di ɓa-mįi-yee kpiɛ-ɉɛnɛ̨ ɓa, da di ɓa-mįi-yee kɔ́wɔ kpiɛ-ɉɛnɛ̨ ɓa; ə ŋąmą taɠa ɉaláá kulɔ taɓali ɓa nąą kəlee.

Yálá laawoo hɛɓɛ

²⁰ ə́ mɛlaa hilɛi ti nwun dee, ə ŋąmą ta həɠə, ə da hiɛ Aarɔn ɓa-mįi-yee wəli kpɛlɛ ɓa, ə mą kɛ nonnii wəli kpɛlɛ ɓa, da di ɓa-mįi-yee kpiɛ-ɉɛnɛ̨ ɓa, da di ɓa-mįi-yee kɔ́wɔ kpiɛ-ɉɛnɛ̨ ɓa; ə ŋąmą taɠa ɉaláá kulɔ taɓali ɓa nąą kəlee.

Bible

²⁰ M̀álai páa í ŋãa da sia Eelɔŋ da ǹônii-ni dílaa-mii yee mɛi woli-kpɛrɛi ma. Í da sia dílaa-mii yee kɔɔ-kpua zɛ-kponoi ma, da díkɔɔ yee kɔɔ-gbua kɛ́tɛi mâ. M̀ála ŋãai táɣa ŋ̀âla-teƃelei kɔ́ɔ mu í dínaŋ ma.

Lɛɛ gbɔwɔ ɓa 29:20 ပူးပေါင်းရင်းမြစ်များ

Lɛɛ gbɔwɔ ɓa 29:19

«Yili pulu, ə mɛlaa hilɛ veelɛnąą həɠə, Aarɔn da nonnii di di yee pɛlɛ nwuɔ̨,

Lɛɛ gbɔwɔ ɓa 29:21

Ɲąmąi ti a lɛɛ ɉaláá taɓali mɛ̨i, ə da həɠə, da nwulɔ mąą həɠɛɛ, ə da taɠa Aarɔn da mąą həɠəɠaa diɛ, ə mą kɛ da nonnii da di mąą həɠəɠaa, a kɛ ti, di mąą a həɠə, Aarɔn da mąą həɠəɠaa, nonnii da di mąą həɠəɠaa.

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Levetekɔ 14:14

Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Levetekɔ 14:16

ə mamįiyee kpiɛ bələ kəleen nɔ nwulɔi tii gɔɓɛ yee ɲą ɉu, ə nwulɔ taɠa a ɲeekpiɛ Yai-Laa lííla gee mɛ̨i mɛ̨ihveelɛ.

Levetekɔ 14:17

Gbəlii tii a lɛɛ ɉaláá laa həli mun ɲee ɲą, a da lɔ nui tii ɓa-mįi-yee wəli ɓa, ə da lɔ mamįiyee kpiɛ ɉinɛ̨ ɓa, ə da lɔ nwɔ̨nɔ̨ mamįiyee kɔ́wɔ kpiɛ ɉinɛ̨ ɓa, ɓɛɠaai ti lɔ ə ɉaláá ɲąmą hiɛ laai.

Levetekɔ 14:25

Ə nu pɔɔŋą pɛli haláá ɓɛlaa lon nwun dee, ə daatɛlɛɛ ɲąmą ta həɠə, ə da hiɛ nui di kaa mąą haláá kulɔi mamįiyee wəli ɓa, ə da hiɛ mamįiyee kpiɛ ɉinɛ̨ ɓa, ə da hiɛ mamįiyee kɔ́wɔ kpiɛ ɉinɛ̨ ɓa.

Levetekɔ 14:28

Ə nwulɔi ti ta lɔ nui di kaa mąą haláá kulɔi mamįiyee wəli ɓa, ə da lɔ mamįiyee kpiɛ ɉinɛ̨ ɓa da mamįiyee kɔ́wɔ kpiɛ ɉinɛ̨, gɛɛnąąɠaai tii lɔ ə nu pɔɔŋą pɛli taatɛlɛɛ ɲąmą hiɛ laa.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.

Levetekɔ 16:19

A ɲąmą ta taɠa a ɲeekpiɛ ɉaláá kulɔi kəhi mɛ̨i gee mɛ̨i mɛ̨ihveelɛ, yɛ nąą mąąhəɠə la Israɛlə lonnii di wɔ nɛ̨ŋɛ̨n di ɉəɠə mąą mɛ̨nį ɓa.

Levetekɔ 8:23

Moisə ə nwun dee, ə ɲąmą həɠə, ə da hiɛ Aarɔn ɓa-mįi-yee wəli ɓa, ə mą kɛ mamįiyee kpiɛɉinɛ̨ ɓa, da mamįiyee kɔ́wɔ kpiɛɉinɛ̨ ɓa.

Levetekɔ 8:24

Moisə ə Aarɔn lonnii tɔɔ, ə ɲąmą ta lɔ di ɓa-mįi-yee wəliɠaa diɛ, da di ɓa-mįi-yee kɔ́wɔ kpiɛɉinɛ̨ɠaa. Yili pulu, Moisə ə ɲąmą taɠa ɉaláá kulɔi ɓa.

Markə 7:33

Jesus ə ɉulɔnu tii hon, ə kulɔ la nuą lɔwai, ə ɲee kpiəɠaa lɔ nwəli hveelɛi hu, ə naaya hvilɛn ɉulɔnu tii nɛ̨n ŋą.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!