Lɛɛ gbɔwɔ ɓa 29:18 - Yálá laawoo hɛɓɛ (dc)

¹⁸ Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Yálá laawoo hɛɓɛ

¹⁸ Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.

Bible

¹⁸ Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Lɛɛ gbɔwɔ ɓa 29:18 ပူးပေါင်းရင်းမြစ်များ

Zɛnɛse 22:13

Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Zɛnɛse 22:7

Isaakə ə nąn Abrahamə mąąnikɛ, yɛ mą: «Ną́n!» Abrahamə ə nwoo ŋąąpənə, yɛ mą: «Nón, yɛ́ lə?» Yɛ mą: «Nwɔ̨n gaa gu yəi, kwɛi yɛ ɓo gu yəi, kɛlaa, mɛlaa lon gu kaa lii gulɔi a haláá, gaa mį?»

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Tɔɔɓɛlaa dɔlɔɔ 3:4

Yələ ta, tɔɔmun ə li Gabaɔn, ə gɛ ə haláá kulɔ laa, mąąhɔlɔɓo, nąą ɓə kɛ a nuą di wɔ haláá kulɔi walawala. Haláái da gəlee kələn Salomɔn ə yili ɲɔ̨nwɔ̨mąn nwaa tɔ̨nɔ̨ kulɔ laa Yai-Laa ɓa.

Mąątɛ̨nɛ̨ 50:8

Və́ ə́ hvalai ə́ wɔ halááɠaai mąą mɛ̨nį ɓa, ə́ wɔ haláá hɛnŋaai yá gəlee kələn, di kaa ɲɛ̨́i ɓa a yələ kəlee.

Lɛɛ gbɔwɔ ɓa 29:17

Ə́ mɛlaa hilɛ tee a gbuwulu kpɛa kpɛa, ə́ gbo-yɛliɠaa waa da gɔwɔ kwąnąɠaa, ə́ di laa ɉuwɔ kpuwuluɠaa da nwun galən di mɛ̨i.

Lɛɛ gbɔwɔ ɓa 29:25

Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Levetekɔ 1:17

Da nwɛ̨ni kwəi ɓɛla, goon dɔ̨nɔ̨ ə lɛɛ bələ tɔ̨nɔ̨ dɔ̨nɔ̨ ə lɛɛ bələ tɔ̨nɔ̨, hva ɉu ɓɛla hvo gulɔ gee la. Ɉaláá laa həli mun a gələn gwɛi mɛ̨i, ɉaláá kulɔ kəhi mɛ̨i. Yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Samuɛlə dɔlɔɔ 7:9

Samuɛlə ə ɓɛlaa lon ɉəɠə, naa ə ɓo nii ɲįnį ɓa, ə gələn a gbuwulu, a kwəli hvilɛn ŋąą Yai-Laa ɓa. Samuɛlə ə tomą Yai-Laa bɔ pələ a Israɛlə maa nɛ̨ɛ̨mąą hvə pələ, Yai-Laa ə nwoo mu hon.