Lɛɛ gbɔwɔ ɓa 28:43 - Yálá laawoo hɛɓɛ (dc)

⁴³ Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Yálá laawoo hɛɓɛ

⁴³ Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Bible

⁴³ Fɛ̂ɛ zeɣe-ŋai ŋí dí kɛ́ Eelɔŋ m̀a da ǹônii a tãi kélee dí lɛ́ɛ liî zua-kɔlɔ seɣe pɛrɛi mu kpaa máŋ dí lɛ́ɛ lɛɣɛ̂i ŋ̀âla-teƃelei kɔlɛ a gɛɛ dí tíi kɛ́ mî Gwaa Maa Waai ma. À wàla kɛ́ tí, sɔnyɔ̂ŋ a pâi kɛ̂i dîa, ǹyaŋ gɛ̀ ní da pâi saâi. Tɔ̂ŋ kpanaŋ ká ŋí Eelɔŋ mɛni ma da ŋɔsuui.”

Lɛɛ gbɔwɔ ɓa 28:43 ပူးပေါင်းရင်းမြစ်များ

Lɛɛ gbɔwɔ ɓa 20:26

Ka hvə nwɔ́ haláá kulɔi tɛ yələi kwɛaa la, di hvo pa ɉaláá laa həli mun gbuwulu kaa.›»

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 30:21

Mąąnɛ̨ɛ̨ di di yee ɓa waa da di kɔ́wɔ ɓa, ə gɛ, di hvo pa haa. Bələ ɓə di kaa pai kɛi gɛi la, ɉəɠə mąą hvo mą, yaa da ɉuwu di yəi a kwɛlan gəlee.»

Izikiɛ 44:17

Da tɛɛ bɛlɛ́ laaləi diɛ lɔ ɲiman mu da bɛlɛ́n, da həɠə kwəlɛɛ too di kwąną, di hvo huwɔ ləɠa həɠə too di kwąną; ɓɛlɔwai da kɛi ɉaláá mɛ̨nį kɛ laa ɲiman mu, da bɛlɛ́n.

Levetekɔ 16:13

Ɲee ɲąą hveelɛi tii ə ɉəɠə, ə bu nwɔ̨n ŋą Yai-Laa lííla, nulu yɛ pɛlɛ gəhi da naa kalan di mɛ̨i; yili a kɛ tii, hva haa.

Levetekɔ 17:7

A kɛ ti di hva kɛa di wɔɔ taatɛlɛɛɠaa ta kulɔ a haláá ɲinɛ̨n ma yai a kɛ di ɲąątɔɔi a túwɔ́ pələ ɲɔ̨nŋąą. Yələ kəlee tɔ́n ga tii, a kwɛlan gəlee mɛ̨nį.

Levetekɔ 22:15

«Mąą hvo nɛ̨ɛ̨li ɉɛnŋąąi Israɛlə lonnii da gulɔ di wɔɔ hɛnŋąą lɔwai a Yai-Laa kɔ́ hɛn, ɉaláá laa həli nuą di hvo mąąliɓi.

Levetekɔ 22:9

«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Levetekɔ 5:1

«Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Levetekɔ 5:17

«Nu ta a nɛ̨ŋɛ̨n ɉəɠə, yɛ Yai-Laa nwɔ tiɓo ta kala dɛɠii pələ yɛ ɉɔn gɛ la tii, yɛ nɛ̨ŋɛ̨n nɛ̨ɛ̨ la gbɔwɔ nwuɔ̨,

Lonon mo 15:15

Yɛ bələi ka káá la kɛa a kpulu tɔ̨nɔ̨, ɉɛnŋąą laakwɛlanmo pələ kaa lɔ tanɔ̨n ka yəi, ə kɛ a nwɛ̨ą, ə kɛ a taa hee. Ka wɔ yii pələ ta li hva ɉəɠə mą, ə mą kɛ ka mąą nwɛ̨ąą.

Lonon mo 18:22

A kɛ tii, Israɛlə lonnii di hva kɛa lɛɠɛ gee kaa kələ ɓa, ə gɛ di hvo pa nee nɛ̨ŋɛ̨n ɉəɠə di hvo haa.

Lonon mo 18:32

Mɛ̨nįɠaai tii kəlee hu, ka ɉɛnŋąąi tii nɛlɛɛɠaa kulɔ ɉu, nɛ̨ŋɛ̨n va kɛ kaa yili hu. Israɛlə lonnii di wɔ haláá mąą həɠɛɛɠaa hukalaa hvə li, ɛlɛɛ, ka hva haa yili mąą mɛ̨nį ɓa.»

Lonon mo 18:8

Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.