Lɛɛ gbɔwɔ ɓa 28:41 - Yálá laawoo hɛɓɛ (dc)

⁴¹ Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Yálá laawoo hɛɓɛ

⁴¹ Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Bible

⁴¹ Zeɣe-ŋai ŋí tóo ílîa Eelɔŋ ma da ǹônii-sinaai. Nàa pôlu ma díseɣe í dítɛɛ ḿbɔ a wúlɔ púɔɔ díŋûa a gɛɛ dí kɛ́ a ŋásâla láa-soŋ-ƃela.

Lɛɛ gbɔwɔ ɓa 28:41 ပူးပေါင်းရင်းမြစ်များ

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Lɛɛ gbɔwɔ ɓa 28:4

Ɉəɠəɠaai mąąnɛ̨ɛ̨ di ɉɔlɔɔn, gɛ pələ ka: Gəŋə mɛ̨i həɠə, kilɛn ɉəɠə, həɠə kwɛaa da mɛ̨i həɠə mąą puɔ gɔwɔ la, nwuɔ̨ ɓɔlɔ, da ɉąą yili həɠəɓɛla. Di haláá kulɔ həɠəɠaa pɛli ti ə́ liɛ Aarɔn da nonnii diɛ, diɛ haláá kulɔ la mą́ą́.

Lɛɛ gbɔwɔ ɓa 29:24

Ə́ gəlee laa Aarɔn da nonnii di yəi ŋą, ə́ mo, di naa həli Yai-Laa ɓa.

Lɛɛ gbɔwɔ ɓa 29:35

Bələ ɓə ə́ kaa pai gɛi la Aarɔn da nonnii di mąą mɛ̨nį hu, yɛ bələi kpɔlɔ tii ŋą́ ə́ tí la, ə́ kaa pai di heei di wɔ kólói hu hvóló mɛ̨ihveelɛ yee mu.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Lɛɛ gbɔwɔ ɓa 29:9

Ə́ ɲala tɔɔ di ləɠəi, ə́ mɔlɔɠaa pɛlɛ Aarɔn da nonnii di nwuɔ̨, ɉaláá kulaa mąą laa ə kɛ kɛa diɛ a yələ kəlee. Ə́ Aarɔn da nonnii di lɔ kɛa di wɔ kólói hu.

Lɛɛ gbɔwɔ ɓa 30:35

Wulɔ kun nɛ̨ɛ̨ pɛli la, yɛ pələi mąątí wulɔ pɛli mun a gɛ la, kpolo yɛ ɓo mą, a nɛlɛɛ mąąhəɠɛɛ.

Lɛɛ gbɔwɔ ɓa 40:13

Ə́ ɉaláá kulɔ həɠəɠaa too Aarɔn kwąną, ə́ nwulɔ ta hiɛ mą, ə́ naakwɛlanmo, ə kɛ nwɔ́ kólói ɓa.

Lɛɛ gbɔwɔ ɓa 40:15

Ə́ di mąątí yɛ bələi ə́ gɛ la a di nąn, ə gɛ, diɛ pɛli nwɔ́ haláái kulɔi, a kɛ ti, nwulɔi ti ya ɉiɛ diɛ, yili ɓə a ɉaláá kulaa mąą laa tɛɛ di pɔ a kwɛlan gəlee mɛ̨nį.»

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Izikiɛ 43:26

Hvóló mɛ̨ihveelɛ yee mu, da kɛi ɉaláá kulɔi waa haláá kulɔi, diɛ nąą mąąhəɠə la, diɛ kɛa goló kpala tɔɔ mɛ̨i.

Levetekɔ 10:7

Ka wɛi, mąą hvo nɛ̨ɛ̨li ka hvo həɠə gee kaa kələ laaləi; ə gɛ ka hvo pa haa, mąąhɔlɔɓo, daa Yai-Laa nwɔ wulɔ mąąhəɠɛɛi hiɛ kaa.» Bələi tii Moisə ə mo la, di gɛ tii.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.

Lonon mo 16:5

Yili pulu, yɛ Kore da bulu nuą kəlee diɛ: «Tínąą yələ wala pɔ, nui gaa a Yai-Laa nwɔ nu, yai mąąhəɠɛɛ yɛ pɛli lɛɠɛi mą, Yai-Laa a tinąą nɛ. Nui a nɛɛ laa yɛ lɛɠɛ mą, mąą nu ɓə a niiɓamun.

Lonon mo 3:3

Diɛ ɓə kɛ a Aarɔn lonnii, diɛi a ɉaláá laa həli nuąi di di hee a nwulɔ mąąhəɠɛɛ, di wɔ kólói ə kɛ lɔ kɛa a ɉaláá laa həli mɛ̨nį.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Hebreu 5:4

Nu hva pɛli yili mąąlaa tɛɛi gbɔwɔ pɔ, Yálá ɓə a nu təli mą, yɛ bələi ə kɛ la, a Aarɔn nwɛi.

Hebreu 7:28

Dɔ́n nwɛi, ə kɛli, nu kanŋaai di mąą mɛ̨nį laa hvo kulɔ li, di hee a haláá laa həli mun gɛnɛ̨; Yálá kwɛla wooi lɛɛ dɔn nwoo pulu, ə Non ɉulɔnu kɛ a ɉaláá laa həli mun gɛnɛ̨ɛ̨ a yələ kəlee mɛ̨nį, ya ɓə mɛ̨nį kəlee pɔ mɛ̨nį kɛ, ə naa kulɔ kpɔ hva-hva.

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.