Lɛɛ gbɔwɔ ɓa 28:38 - Yálá laawoo hɛɓɛ (dc)

³⁸ Ɉɛn tii ɓə pai kɛi Aarɔn tɔwɔla, ɓɛlɔwai a kɛ pai la ɲą́ą́ Yai-Laa nííla. Ɉɛn tii haalai, haláá hɛnŋąąi Israɛlə lonnii da naa həli mą́ą́, ŋą́ ɲéé hee mu, ə mą kɛ daa hɔn ɲɔ̨n da kɛ, níí holiɛ ɉu.

Yálá laawoo hɛɓɛ

³⁸ Ɉɛn tii ɓə pai kɛi Aarɔn tɔwɔla, ɓɛlɔwai a kɛ pai la ɲą́ą́ Yai-Laa nííla. Ɉɛn tii haalai, haláá hɛnŋąąi Israɛlə lonnii da naa həli mą́ą́, ŋą́ ɲéé hee mu, ə mą kɛ daa hɔn ɲɔ̨n da kɛ, níí holiɛ ɉu.

Bible

³⁸ Fɛ̂ɛ Eelɔŋ é m̀ɔrɔi ŋí sée ŋ̀ûa a tãi kélee a gɛɛ ńyãa Yâwɛɛ ŋá ńyee sée Eezuɛ-ŋai dísâla-sãai kélee mu da dɛ̀ɛ ḿbɔi, à nɛ̃ɛ ma kpîŋ ǹûai dí pɔara-maa kɛ́ a dɛ́ɛ pere ḿbɔ.

Lɛɛ gbɔwɔ ɓa 28:38 ပူးပေါင်းရင်းမြစ်များ

Lɛɛ gbɔwɔ ɓa 28:37

Ə́ bɛlɛ həɠə ɓɛla ta ɓa, gbɔluɔ mu tɛɠiɛ, ə ɓo nwuɔ̨ ɓɔlɔ ɓa, ɲɛ̨i tɔwɔ pələ.

Lɛɛ gbɔwɔ ɓa 28:43

Aarɔn da nonnii da bu diɛ, ɓɛlɔwai da kɛi lɔ la gɛɛnąą mąąhəɠɛɛ ɓa a wala kɛ ti da kɛi lɛɠɛ ɉaláá kulɔ taɓali ɓa, haláá kulɔ mɛ̨nį ɓa, mįnɛ̨ pɛlɛ́ lon mu. Di hvo pa nɛ̨nŋɛ̨n ɉəɠə, di hvo haa. Yələ kəlee tɔ́n ga tii Aarɔn da ɉuwuɠaa kəlee di mąą mɛ̨nį ɓa.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 10:17

«Lə ɓə kɛ yai ka hvo ɉaláá hɛn tii mįi li kɛɛnąą mąąhəɠɛɛ ɓa? Mąąhɔlɔɓo, hɛn mąąhəɠɛɛ ka tii. Di dɛɛ ka pɔ nɔi lonnii di wɔ nɛ̨ŋɛ̨n mąąhvaalɛɛ haláá kulɔ mɛ̨nį ɓa, a nu mąąhvaalɛɛ kólói ka gɛ ɉaláái tii mɛ̨i Yai-Laa lííla.

Levetekɔ 22:16

Da ɉaláá hɛn mąą həɠɛɛɠaa tii ta mįi, ɓɛlɔwai ɉɛn tii mįi mɛ̨nį mąą laa hvo tɛɛ li la di pɔ, da nɛ̨ŋɛ̨n ɉee Israɛlə nuą nwuɔ̨, yii mąąnɛ̨ɛ̨ di di pɔɔŋą pɛli ɉu. Mąąhɔlɔɓo, ɲą́ą́ ɓə gáá a Yai-Laa, yai a di mąąhəɠə.»

Levetekɔ 22:27

«Taatɛlɛɛ ta a gaa, ə kɛ a nįŋɛ̨ lon, ə kɛ a ɓɛlaa lon a wala kɛ tii, ɓooli lon; a lɛɛ nee ɓa, ə hvóló mɛ̨ihveelɛ kɛ. A kɛ tii, da pɛli di naa həli Yai-Laa ɓa a haláá; da pɛli di yee heei mu.

Levetekɔ 22:9

«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Levetekɔ 23:11

Ɉaláá laa həli mun a mɔ̨nun gɔn tii lɛ Yai-Laa ɓa a naa həli pələ, ə ɲee hee mu, yili yɛ ka wɛli too mą. Ɉaláá laa həli mun a naa həli a túwɔ́ hvóló mąą yələ laa ɓoɔ.

Lonon mo 18:1

Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.