Lɛɛ gbɔwɔ ɓa 28:30 - Yálá laawoo hɛɓɛ (dc)

³⁰ Ə́ Yai-Laa nwɔ kpɛɛn doo giti həɠə hu, mąąnɛ̨ɛ̨ di kɛ Aarɔn kəŋə la, ɓɛlɔwai a kɛi lɔ la Yai-Laa lííla, a kɛ ti, Israɛlə lonnii di wɔ kitii a kɛ lɔ Aarɔn kəŋə la a yələ kəlee ɓɛlɔwai gaa la Yai-Laa lííla.

Yálá laawoo hɛɓɛ

³⁰ Ə́ Yai-Laa nwɔ kpɛɛn doo giti həɠə hu, mąąnɛ̨ɛ̨ di kɛ Aarɔn kəŋə la, ɓɛlɔwai a kɛi lɔ la Yai-Laa lííla, a kɛ ti, Israɛlə lonnii di wɔ kitii a kɛ lɔ Aarɔn kəŋə la a yələ kəlee ɓɛlɔwai gaa la Yai-Laa lííla.

Bible

³⁰ Mɛni ŋá-tee sãai pú geŋe lá seɣe kpuai ma nyii-ŋai da dítòli a Uliŋ da Tumiŋ, a gɛɛ dí kɛ́ Eelɔŋ keŋe lá tãi a lî la ŋákwaa Maa Waai mai. Fɛ̂ɛ nɔ́ é zeɣe kpuai ŋí pɛ́lɛ geŋe lá a tãi kélee a lí la Gwaa Maa Waai mai a gɛɛ é ǹîa-mɛnii kɔ́lɔŋ ŋánûai Eezuɛ-ŋai mɛni ma.

Lɛɛ gbɔwɔ ɓa 28:30 ပူးပေါင်းရင်းမြစ်များ

Ɛsdrasə 2:63

Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Nehemi 7:65

Gbahanama ə tɔ́n dɔɔ diɛ, di hvo kɔ̨nɔ̨n naakwɛlan ɓoɔ Yálá ɓa, da mįi. Ə lɛɛ la ɉu, ɉaláá laa həli nuą urimə da tumimə di nuą tii mąą mɛ̨nį hu pili.

Lɛɛ gbɔwɔ ɓa 28:29

Aarɔn a kɛi pa lɔi ɓɛi mįnɛ̨ pɛlɛ lon mu, Israɛlə lonnii laa a kɛ gəŋə la giti yɛli ɓa, a kili too ŋą hɛn a yələ kəlee mɛ̨nį Yai-Laa ɲɛ̨i ɓa.

Levetekɔ 8:8

Ə ɉəɠə mɛ̨i yiɓɛ kɛ mą, ə Yálá mąąni kɛ kpɛ̨ɛ̨ gɔw too ɉu.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Korɛntə veelɛ 7:3

Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Nwun mąąɓo 1:1

Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Nwun mąąɓo 20:18

Israɛlə nuą kəlee də li Betɛlə, di Yálá mąąni kɛ, diɛ mą: «Ku lɔwai, ɉuwu nɛlɛ ɓə pai tɛɛi tɔwɔ, yɛ li pɛlɛi Bɛnɉamɛn nu huwu ɓa?» Yai-Laa yɛ diɛ: «Ɉuda nu huwu ɓə tɛɛi tɔwɔ.»

Nwun mąąɓo 20:23

Israɛlə nuą di tɛɛ, də li di wɔlɔ Yai-Laa ɓa, ə lɛɛ la ɉu, yələwulii pɔ. Di Yai-Laa mąąni kɛ, diɛ mą: «A kɛ tii, mąąnɛ̨ɛ̨ kwəli ku kɔ́ pɛlɛ Bɛnɉamɛn nu huwu ɓa nwɔ̨nɔ̨, diɛi di kaa a ku kayɔwɔɠaa?» Yai-Laa yɛ diɛ: «'Ka li.»

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.