Lɛɛ gbɔwɔ ɓa 28:1 - Yálá laawoo hɛɓɛ (dc)

¹ «Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Yálá laawoo hɛɓɛ

¹ «Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.

Bible

¹ “Ílîa Eelɔŋ da ǹônii-sinaai kúla Eezuɛ-ŋai sáma í pá a dia a gɛɛ dí kɛ́ a ŋásâla láa soŋ-ƃela. Pá a Eelɔŋ da ǹônii Nada, Abiyu, Ilieazɛ é pɛ́lɛ Itama ma.

Lɛɛ gbɔwɔ ɓa 28:1 ပူးပေါင်းရင်းမြစ်များ

Kɔlɔnikɔ Maa-ŋuŋ 23:13

Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.

Kɔlɔnikɔ Maa-ŋuŋ 6:10

Ɛlkana lonnii ɓaa: Amasai da Ahimotə.

Kɔlɔnikɔ Maa-ŋuŋ 6:34

Aarɔn da nonnii ɓə di yee ə kɛ ɉaláá koló ɓa, Yálá mąąwiɛ haláá kulɔi, da nwulɔ kun nɛ̨ɛ̨ haláá kulɔi; ə mą kɛ, gɛɛnąą mąąhəɠɛɛ koló. Diɛ lɔ ɓə kɛi Israɛlə nuą mąąnɛ̨ɛ̨ mąą hvə Yálá ɓa, yɛ bələi, Yálá ŋą tímun Moisə, ə mąą hiɛ ɓo pələ tɛɛ la di pɔ.

Kɔlɔnikɔ Veerɛi 11:14

Levi lonnii di di wɔɔ taatɛlɛɛɠaa laa mį́i lɔwɔɠaai lɛɛ laa, da di yə hɛnŋąą kəlee di pa Ɉuda da Ɉerusalɛmə; mąąhɔlɔɓo Ɉeroboamə da nonnii di hvo hvaa mą, diɛ Yai-Laa nwɔ haláá kolói kɛ.

Mąątɛ̨nɛ̨ 115:10

Aarɔn yəi bɛlɛ́n nuą! 'Ka ka kilitɔɔ Yai-Laa ɓa, Yaa ɓə a di mąąkpɔmąą ɓomun da di mąą kpɛ kpanąn.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Lɛɛ gbɔwɔ ɓa 28:41

Ə́ ɉəɠəɠaa tii kɛ ə́ liɛ Aarɔn da lonnii diɛ, ə́ nwulɔ mąą həɠɛɛ hiɛ diɛ, ə́ ɉaláá kulaa mąą laa tɛɛ di pɔ, ə́ di hee a nwɔ́ haláá laa həli nuą.

Lɛɛ gbɔwɔ ɓa 29:1

«Bələi ə́ kaa pai gɛi la yɛ́ Aarɔn da nonnii di hee a nwɔ́ haláá laa həli nuą ə gɛ di lɛɛ lɔ kɛa nwɔ́ kólói hu, bələ ka: Nįŋɛ̨ hilɛ tɔ̨nɔ̨ həɠə da ɓɛlaa hilɛ hveelɛ, yii kpɛɠii hva kɛ diɛ.

Lɛɛ gbɔwɔ ɓa 29:44

Gáá pai gee kaa pɛlɛ da ɉaláá kulɔ kəhi kɛi a hɛnŋąą mąą həɠɛɛɠaa, gɛ́ Aarɔn da nonnii di kɛ a nu mąą həɠɛɛɠaa.

Lɛɛ gbɔwɔ ɓa 29:9

Ə́ ɲala tɔɔ di ləɠəi, ə́ mɔlɔɠaa pɛlɛ Aarɔn da nonnii di nwuɔ̨, ɉaláá kulaa mąą laa ə kɛ kɛa diɛ a yələ kəlee. Ə́ Aarɔn da nonnii di lɔ kɛa di wɔ kólói hu.

Lɛɛ gbɔwɔ ɓa 30:30

Ə́ nwulɔi tii ta hiɛ Aarɔn da nonnii diɛ, ə́ di laakwɛlanmo mą́ą́, di kɛ a nwɔ́ haláá kulɔ nuą.

Lɛɛ gbɔwɔ ɓa 31:10

Ɉaláá laa həli həɠəɠaa yai a Aarɔn nwɛi, da nonnii,

Lɛɛ gbɔwɔ ɓa 35:19

ɉaláá həɠəɠaai da kɛ góló kɛi ɉu, ɲokolo həɠəi a Aarɔn da nonnii di wɔɔ, yai da gɛ diɛ bɛlɛ́ mąąhəɠɛɛ mu.»

Lɛɛ gbɔwɔ ɓa 6:23

Aarɔn ə Aminadavə lon Elisabɛtə həɠə a nɛ̨ą, Nasɔn mąąhala. Da yaa di lon ɉinąą nąąn ɉɔlɔɓo, di laa ka: Nadavə, Avihu, Eleazarə da Itamarə.

Levetekɔ 10:1

Aarɔn lonnii, Nadavə da Avihu di di wɔ lansan kələn hɛnŋąąi həɠə, di nwɔ̨n naa ɉu, di lansan pu ŋą, nwɔ̨n lúwɔ́ hvo mą, diɛ naa həli Yai-Laa ɓa; Yaan hvo kɛ di tí li a yili.

Levetekɔ 10:12

Moisə yɛ Aarɔn da nonnii yiiɠaai tii lɛɛ ɲəi, Eleazarə da Itamarə diɛ: «Ka Yai-Laa nwɔ haláá kɔ̨nɔ̨n kulɔ kɛa ɉaláá hɛn ɉui, gbəlii tii a lɛɛ, ka ɉəɠə, ka mįi a lɛɠɛi dɛ hɛn va kɛ ɉu, ɉaláá kulɔi kwɛlɛ; mąąhɔlɔɓo, mąąhəɠɛɛi kpɔ kpąą;

Levetekɔ 7:35

Aarɔn da nonnii di wɛi ka tii Yai-Laa nwɔ haláá kɔ̨nɔ̨nŋąąi hu, ə həɠə kpɔ ɲələi da di tɔɔ la Yai-Laa nwɔ kólói ɓa, ɉaláá kulɔ mɛ̨nį ɓa.

Levetekɔ 8:1

Yai-Laa yɛ Moisə ɓa:

Levetekɔ 8:2

«Aarɔn həɠə da nonnii, ə́ ɉəɠəɠaa da nwulɔ mąąhəɠɛɛ həɠə, ə́ nɛ̨ŋɛ̨n ɉaláá nįŋɛ̨ hilɛ lon da mɛlaa hilɛ hveelɛi həɠə, ɛlɛɛ, ə́ gbɔlɔi tii nɛɠɛi hvo tɛ li gaa ɉu, ə́ ɉəɠə.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lonon mo 2:4

Nwɔ kuláaɠaai di kɛ a nu waa pow mɛ̨ihveelɛ kɔ́w nąąn pulu nwun mɛ̨ida (74600);

Lonon mo 26:61

Nadavə da Avihu di haa, ɓɛlɔwai di paa la Yai-Laa lííla a nwɔ̨n lúwɔ́ hvo kɛ too li mą.

Lukə 1:8

Yələ ta, Zakari ə kɛ Yálá hee pɛlɛ́ mu yɛ gɛ góló kɛ Yálá ɲɛ̨i ɓa, mąąhɔlɔɓo, diɛi tii di wɔ hvólói li kɛ.

Dutɛrɔnome 10:6

Israɛlə lonnii di həɠə Bene-Yaakan yálɔwa la, diɛ li Mosera. Nąą ɓə Aarɔn ə haa laa di noo laa. Aarɔn lon Eleazarə ɓə tɔɔ nąn dɔɔi a ɉaláá laa həli mun.

Dutɛrɔnome 18:5

Mąąhɔlɔɓo, Levi ɓə Yai-Laa ka wɔ Yálá ə ɉəɠə ɉu da nonnii ka huwu kəlee lɔwai, diɛ ɓo la Yai-Laa lííla a yələ kəlee, diɛ haláá kulɔ Yai-Laa laa hu.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.