Lɛɛ gbɔwɔ ɓa 25:31 - Yálá laawoo hɛɓɛ (dc)

³¹ «Ka wulɔ nwɔ̨n ɉee hɛn bɛli a hɛni huwaa hva-hva, ka ɉɛnii tii pu, gɔwɔ da gbinį, da nwulɔ pu kpowoɠaa, da nwulu powa mąą nįnįnŋąą di kɛ a di lɔɔ di kee hu, di ɓo tɔ̨nɔ̨.

Yálá laawoo hɛɓɛ

³¹ «Ka wulɔ nwɔ̨n ɉee hɛn bɛli a hɛni huwaa hva-hva, ka ɉɛnii tii pu, gɔwɔ da gbinį, da nwulɔ pu kpowoɠaa, da nwulu powa mąą nįnįnŋąą di kɛ a di lɔɔ di kee hu, di ɓo tɔ̨nɔ̨.

Bible

³¹ Laŋpo see-wûru kpɛtɛ a gôo tee-tee. Gɔ́ɔ da gbono ɣále a kpɔ́kpɔ, í wúru-poa pɔkɔɔŋ-ŋa kpɛtɛ gbono ma a màa ɣiri-sɛŋ.

Lɛɛ gbɔwɔ ɓa 25:31 ပူးပေါင်းရင်းမြစ်များ

Tɔɔɓɛlaa dɔlɔɔ 6:18

Nwulu ɓɛlaɠaa tii kɛ bɛlɛ́ nwąną ɓa, di hɛnŋaa mąąnįnįnŋąą həɠə mą, daɠaa di ɓo a gbąmąɠaa, da wulu powa lɛlɛɛɠaa mąąnįnįn. Nwulu ɓɛlai tii kəlee ə kɛ a kpitili, nu hva pɛli kɛ bɛlɛ́ nwąną kaai.

Tɔɔɓɛlaa dɔlɔɔ 7:24

Ɉɛŋaŋai tii wəli la, di yɛli ta laa laa, ə ɓo a ɓala kwɛli. Dɔɔ ɉu ə ɓo a yee laa mą pow haaɓa, gbinįn ŋąą mą. Gboloyái tii ə bɛli, ə gbąmąɠaa mąąnįnįn ɉəɠə gbon ɉu. Ə pənə ə gbąmąɠaa mąąnįnįn ɉəɠə gɔn mu a ɲɛli hveelɛ. Yee laa mą tɔ̨nɔ̨ nwɛi, ə kɛ a wulu ɓa pow. Dinɛ̨n ŋąą mą, doɔ gee hu. Kolokuintə wulu ɓaɠaa tii kɛ ɉɛɲąŋą hu, di gɛ ɉu, ɓɛlɔwai di kɛ mala kwɛli tii pu la.

Tɔɔɓɛlaa dɔlɔɔ 7:49

Nwulɔ nwɔ̨n ɉee hɛn gɔn ə kɛ pow. Nɔɔli heɛ ɓa-mįi-yee hu, nɔɔli heɛ kɔ́ɓɛyee hu, gɛɛnąą mąąhəɠɛɛ ɲɛ̨itɔwɔ. Wulu powaɠaa, nwulɔ nwɔnɉee hɛnŋąą, gbɛ̨ą pɛlɛɛɠaa, diɛi kɛ a hɛni.

Kɔlɔnikɔ Maa-ŋuŋ 28:15

Nabon ɉee hɛnŋąą tii kɛ a hɛni, da nabonŋąąi kɛ a hɛni, nabon ɉee hɛnŋąą wiɛ pələ, da nabonŋąą wiyə pələ, ə nwaliɠaai tii kɛ lɔ tii, nabon ɉee hɛnŋąą da nabonŋąą, yɛ bələi nabon ɉeei tɛitɛi ŋą kóló ə kɛ la.

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Kɔlɔnikɔ Veerɛi 4:20

nabon ɉee hɛnŋąą da nabonŋąą, diɛ lən bɛlɛ mąąhəɠɛɛ laaləi, yɛ bələi mąąnɛ̨ɛ̨ ə kɛ la; ə bɛli a hɛni huwaa.

Kɔlɔnikɔ Veerɛi 4:7

Ə nabon ɉee hɛnŋąą pɛli pow a hɛni, yɛ bələi mąąnɛ̨ɛ̨ ə kɛ la, ə di hee ɉɛli pɛlɛ mu, ə nɔɔli hee ɓa-mįi-yee hu pələ, ə nɔɔli hee kɛɓɛyee hu pələ.

Lɛɛ gbɔwɔ ɓa 25:34

Gbini leleei tɔɔni ɉamąi, gbulɔn a kɛ ɉu nąąn, di mąą pu pələ ə ɓo yɛ yee powa a kɛi hvólóon.

Lɛɛ gbɔwɔ ɓa 25:36

Gbulɔnŋąą da gɔnŋąą di kaa pai kɛi a di kpɔnŋąą ɉamąi nwɛi ɓa, mąąnɛ̨ɛ̨ gəlee ə kɛ a gbuwulu tɔ̨nɔ̨, yɛ ɓo a hɛni hu waa hva-hva.

Lɛɛ gbɔwɔ ɓa 31:8

Ɉaláá kulɔi da gwɛlɛ hɛnŋąą kəlee, nwulɔ nwɔ̨n ɉee hɛn, yai bɛliɛ a hɛni leelee, da bɔ hɛnŋąą kəlee; lansan gələn ɉaláá kulɔi,

Lɛɛ gbɔwɔ ɓa 35:14

Nwɔ̨n ɉee hɛn da gwɛlɛ hɛnŋąą, nwulɔ nwɔ̨n ɉee hɛn da nwɔ wulɔ.

Lɛɛ gbɔwɔ ɓa 39:37

Nwɔ̨n ɉee hɛn kɛ a hɛni huwaa hva-hva, da gwɛlɛ hɛnŋąą, ə mą kɛ, nwɔ̨n ɉee wulɔ.

Levetekɔ 24:4

Gaa pai naɓonŋąą heei nwulɔ nwɔ̨n ɉeei mɛ̨ihveelɛi tii ɓa, yai gaa a hɛni hu waa hva-hva, yɛ lən a yələ kəlee da nwɔɔ.

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Lonon mo 3:31

Diɛ ɓə mįnɛ̨ kəhi mąą mɛ̨nį ə kɛ di nwuɔ̨, da daɓali, nwɔ̨n ɉee hɛn, ə mą kɛ, ɉaláá kulɔ kəhi, da yiiɠaa kpɔ mąąnɛ̨ɛ̨ ə kɛ a gólói tii kɛ hɛn, ə mą kɛ, ɉəɠəi da ɉɛlɛn naa, da ɉɛnŋąą pɛli kóló kəlee.

Lonon mo 4:10

Da ɉɛnŋąąi tii da gwɛlɛ hɛnŋąą kəlee pu nini kɔ́lɔ paa hu, di naa gbɛa-gbɛan ŋą.

Lonon mo 4:9

Di bənə di həɠə ɓɛla kpɔluɔ mu tɛɠiɛ pɛlɛ nwulɔ nwɔ̨n ɉee hɛn mɛ̨i, yai a kɛ nąą pɔ̨nɔ̨i, nwɔ gbɛ̨ą pɛlɛɛɠaa da nuwu kələ hɛnŋąą, da nwulɔ pu hɛnɲaŋą, yii nuą da kɛ kóló kɛi la laa.

Lonon mo 8:1

Yai-Laa yɛ Moisə ɓa:

Lonon mo 8:4

Bələi nwulɔ nwɔ̨n ɉee hɛn ə kɛ la bələ ka: Di bɛli a hɛni, di ɲɔw, ə həɠə gɔwɔ ɓa ə həli la dona. Di nwulɔ nwɔ̨n ɉee hɛn tii pɛli, yɛ bələi Yai-Laa ə gɔɔn mąą lɛ la Moisə ɓa.

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

M̀ɛni-lɛɛi 1:12

Ŋą́ tínɛ̨n, ə gɛ, nwooi tii kɛli bələ ɓo mą́ą́, ŋą́ gaa, ɛlɛɛ, tínɛ̨n ŋį́ mo, ŋą́ wulɔ nwɔ̨n ɉee hɛn mɛ̨ihveelɛ kaa, ə ɓo a hɛni;

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

Samuɛlə dɔlɔɔ 3:3

Yálá nwɔ nwɔ̨n hvo ni kɛ luwun ni, ə lɛɛ, Samuɛlə ə kɛ laani Yai-Laa hee pɛlɛ́ mu ɓɛi mįnɛ̨ kəhi ə kɛ laa.