Lɛɛ gbɔwɔ ɓa 24:3 - Yálá laawoo hɛɓɛ (dc)

³ Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Yálá laawoo hɛɓɛ

³ Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Bible

³ Nya ƃe Mose è pà é Yâwɛɛ wóo-ŋai da ŋɔtɔ̂ŋ-ŋai su kula ǹûai dîa. Ǹûai kélee dí Mose wóo su tòo dîyɛɛ mai, “Mɛni-ŋai kélee Yâwɛɛ è mòi kwa pâi gɛ̂i.”

Lɛɛ gbɔwɔ ɓa 24:3 ပူးပေါင်းရင်းမြစ်များ

Kɔlɔnikɔ Veerɛi 15:14

Di di woo kwɛlɛ Yai-Laa ɓa a di woo kɛnɛ̨ɛ̨, diɛ tulu hvɛɛ da nįŋɛ̨ mįnɛ̨ɠaa.

Kɔlɔnikɔ Veerɛi 15:15

Ɉuda nuą kəlee kwəi ə nɛ̨ɛ̨, di kwɛla mɛ̨nįi tii hu. Di kwɛlai di mo di kwəi tɔ̨nɔ̨ mɛ̨i, diɛ pa lɛɛi la Yai-Laa pulu a di kwəi kwəlɛɛ, əgɛ, ə gbɔwɔ lɛɛ laa di gaa. Ə liilaa tɛɛ di pɔ pələ kəlee hu.

Mąątɛ̨nɛ̨ 50:5

'Ka nwɔ́ tələnmo nuąi ɲąąkpɔn, a diɛi tii kwa diɛni ku ɲąmą mįnɛ̨ həɠəi.

Lɛɛ gbɔwɔ ɓa 19:8

Nu kpɔn gəlee ə nwoo mu hon a gee, diɛ mą: «Mɛ̨nįɠaai kpɔ Yai-Laa ə mo, ku kaa pai gəlee kɛi.» Moisə ə nuą woo laa həli Yai-Laa ɓa.

Lɛɛ gbɔwɔ ɓa 24:2

Kɛlaa, Moisə yɛ́ tɔ̨nɔ̨ ɓə pai lɛɠɛi Yai-Laa ɓa. Yiiɠaai tii di hva lɛɠɛ laa, ɛlɛɛ, nu kpulu hvo lɛɛ ə́ pulu ka hvo tɛ.»

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Egaa 2:5

Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:31

Ə́ wɛi, gwa yɛ́ gu lɛɛ ɓɛ, gáá díɓo kəlee lɛi yɛ́, dɔ́n nwooɠaa da nɔi hu yíi ɓo pələɠaa. Yá pənə yá li, yɛ́ nɛ diɛ; diɛ pɛli bɔ túwɔ́ ɓoi nɔi gáá dɛɛi di pɔ ɉu. Yai di kaa lii heei ɉu.»

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Zasua 24:21

Israɛlə lonnii diɛ Ɉosue ɓa: «Kpələ! Ku kaa pai lɛɛ a ku kanąn ŋąą Yai-Laa ɓa.»

Zasua 24:22

Ɉosue yɛ nuą diɛ: «Kaa kpinįi ɓə a ka kpɔɔ mąą kɛla, kaa kpinįi ɓə hvaa mą kaa lɛɛ Yai-Laa pɔ, ə gɛ, ka tí mą.» Nuą diɛ Ɉosue ɓa: «Ee! Gəla ɓaa kuɔ!»

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»