Lɛɛ gbɔwɔ ɓa 23:7 - Yálá laawoo hɛɓɛ (dc)

⁷ Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Yálá laawoo hɛɓɛ

⁷ Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Bible

⁷ Ífe mɛni kpala pɛ̀lɛ núu ma. Ífe ǹúui pàa nyii zɔŋ fé baa-mɛni sui. Kpɛ́ni fêi, ǹúui a m̀ɛni nyɔ́mɔɔ sii-ŋai ŋí kɛ̂i, ŋa pâi ŋɔmɛnii ŋá teêi.

Lɛɛ gbɔwɔ ɓa 23:7 ပူးပေါင်းရင်းမြစ်များ

Zɛnɛse 18:23

Abrahamə ə mąąlɛɠɛ mą, yɛ mą: «Yai-Laa! Akɛtii ə́ kaa lii tələnmo nuą da nwąnąlɔ nuą kəlee nwun na pilii a gee?

Zôo 22:23

Yá pənə yá pa Huwalawala Kəlee Nąmu pɔ, Yɛ́ mɛ̨nį ɲɔ̨n gəlee kulɔ ə́ túwɔ́ pələ hu, yá ə́ kpɔ hɔlɔɓo.

Mąątɛ̨nɛ̨ 119:29

'Mą́ą́kwɛa lɛɛ mɛ̨nį ɓa, ə́ wɔ tɔn nwooi pulu mɛ̨inɛ̨ɛ̨ kɛ mą́ą́.

Mąątɛ̨nɛ̨ 94:21

Daa yili tələnmomun nwɔ yɛnɛ̨ɛ̨ ɓa, diɛ kiti kala kwəi kwələmun ma.

Lɛɛ gbɔwɔ ɓa 20:13

«'Hvó nu paa.

Lɛɛ gbɔwɔ ɓa 20:16

«'Hvó kɛla hvaa ɲɔ̨nwɔ̨ɔ̨ ɓo a ə́ ɓɛlan gaalon naa.

Lɛɛ gbɔwɔ ɓa 23:1

«‹Mɛ̨nii hvó nwun gɔlɔn, hvó ɉukulɔ; nui a ɉɔn gɛ, hvó tɔɔ bulu.

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Hanwon 11:21

Mąąhɔlɔɓo, mįnɛ̨ həɠɛɛ lɔi kaa a nu haŋąąɠaa di wɔɔ. Diɛ ɓə da hee laa.

Hanwon 17:15

Nui a tɔɔ hɔn mąąmun bulu, da nui a tələnmomun gɛ a hɔn mąąmun, nu hveelɛi tii, di wɛli kpɛɛi kpɔ Yai-Laa ɓa tɛ-tɛ.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Azaya 5:20

Kpalo ɓɛlaai diɛ, da mɛ̨nį ɲɔ̨nwɔ̨ɔ̨ laa hee a nɛlɛɛ, diɛ mɛ̨nį nɛlɛɛ laa hee a ɲɔ̨nwɔ̨ɔ̨, diɛ kɛɛ pɔ̨nɔ̨ laa hee a kpinį, diɛ kpinį laa hee a kɛɛ pɔ̨nɔ̨; ɉɛn nwąnąą, diɛ naa hee a nəɠən ŋąą, ɉɛn nəɠən ŋąą, diɛ naa hee a nwąnąą.

Levetekɔ 19:11

«'Ka hvo nwuɔ̨ kɛ, ka hvo lɛɛ kɛ, ka hvo nu ta ɓowo.

Levetekɔ 19:16

'Hvó ə́ kaayɔwɔ ta laa kala, ə́ ɓɛlan gaalon ɲąmą wulu hvo lɛɛ ə́ nwuɔ̨. Ɲą́ą́ ɓə gáá a Yai-Laa.

Nahumə 1:3

Tɛ̨ą li Yai-Laa liihvoli laa walaai, ɛlɛɛ, vaŋą kɛnɛ̨ɛ̨i, Kɛlaa, Yai-Laa hva mɛ̨nį ta lɛɛ laa hvo tɛɛ lɔ tii, a kɛ hiɛi tulɔ hvaŋą hu, yələi ə ɓo ɉuwu ɉuwu, gɔwɔ mu muluun gbala ka tii a tulɔ kpinįn.

Lukə 3:14

Holahiɠaa di Ɉaan mąąni kɛ diɛ kpɛli diɛ mą: «Lə ɓə mąąnɛ̨ɛ̨ ku gɛ?» Ɉaan yɛ diɛ: «Ka hvo lɛɛ pɛlɛ nu ta ɓa, ka hvo toomɛ̨i hɛn ɉəɠə nu ta yəi. Mąąnɛ̨ɛ̨ ka hvɛla ə ka lii hon.»

Lomaŋ 1:18

Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.

Dutɛrɔnome 27:25

«‹Nui da nɔgwəi hɛn dɛɛ bɔ, ə gɛ, ə kwəi kwələ mun baa, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną.›

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.