Lɛɛ gbɔwɔ ɓa 23:31 - Yálá laawoo hɛɓɛ (dc)

³¹ Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Yálá laawoo hɛɓɛ

³¹ Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Bible

³¹ Ŋa pâi kálɔii ŋɔkoyaŋ-perei lɛ̂i é síɣe Ǹyúo Kpɔ̂lui ma é lí Felesia-ŋai dílɔii mâ pere. É kúla vɛ̃ɛ-kpâlaŋ mâ é seri Yufeletii Ya-leei mâ. Ŋa pâi wála-wala tɛɛ̂i kápɔ ǹɔii-namelai mɛi a gɛɛ ká díkpɛ dí kúla káŋɛi.

Lɛɛ gbɔwɔ ɓa 23:31 ပူးပေါင်းရင်းမြစ်များ

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Tɔɔɓɛlaa dɔlɔɔ 11:2

Nɔiɠaa tii hu nɛ̨ąą ɓə wɔlɔ Yai-Laa ə kɛ diɛ: «Ka hvo da həɠə a ka nɛ̨ą, diɛ mɛ̨n, di hvo ka lonnii ta həɠə a di nɛ̨ą. Ka hvo li di pɔɔli, diɛ kpɛli di pa ka pɔɔli, ə gɛ, di hvo pa ka wɔ kiliŋąhiɛ tinɛ̨n di wɔ haliɠaa pɔ pələ.» Nɔiɠaa tii ɓə Salomɔn ə kanąn diɛ nwɔ wɛli mɛ̨nįɠaa hu.

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Tɔɔɓɛlaa dɔlɔɔ 8:65

Ɲąnin mɛ̨ihveelɛ yələ ɓə Salomɔn ə ɉɛli pu la da Israɛlə nuą, ə kɛ a ŋąąkpɔn gɛnɛ̨. Ə həɠə Lebo-Hamatə ə li Eziptə, nuą di kɛi həɠə nąą kəlee. Di kɛ Yai-Laa ku wɔ Yálá lííla hvóló mɛ̨ihveelɛ yee mu, di pənə di hvóló mɛ̨ihveelɛ laa mɛ̨i.

Kɔlɔnikɔ Veerɛi 9:26

Ə hee tɔɔɓɛlaa kəlee mɛ̨i, ə həɠə ɲa kɛnɛ̨ɛ̨i ɓa, ə həli la Filisti nuą di wɔɔ lɔi ɓa da Eziptə nuą ɲɛ̨n mą.

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Lonon mo 21:34

Yai-Laa yɛ Moisə ɓa: «Hvó ɲɔw Ogə ɓa, ŋą́ą́ doo ə́ yee ŋą; yaa, nwɔ nuą kəlee da nwɔ lɔi. Ɉon yɛ bələi ə́ Amɔrə tɔɔmun Sihɔn hon na, yii kɛ heeni Hɛsbɔn.»

Lonon mo 34:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Ka pa lɔi Kanaan lɔi hu, nɔi pai lɛɛi ka yəi a ka wɔɔ, ya ka; bələi Kanaan lɔi tii ɲɛn gaa pai kɛi la bələ ka:

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 11:24

Ɓɛɠaa lɔpee ka kɔ́wɔ kaa pai tɛɛi laa, nąą a lɛɛ a ka wɔɔ. Ə həɠə nɔi pun ɉɛɠɛɛ pələ, ə həli la Liban lɔi ɓa ɲələi pələ, ə həli Eufratə ɲálee ɓa voló həɠəi pələ, ə həli la voló tooi gboloyá ɓa; ka wɔ lɔi ka tii pai kɛi.

Dutɛrɔnome 2:33

Yai-Laa gu wɔ Yálái ə doo gu yee ŋą. Gu yee ə tɛɛ mą, yaa da nonnii da nwɔ nuą kəlee.

Dutɛrɔnome 2:36

Ə həɠə Aroɛrə ɓa, yaai tii Arnɔn yá kwɛlɛ, ə həɠə nwɔ̨nɔ̨ daai tii ɲee lɔwai lɔi hu mą, ə həli Galaadə lɔi ɓa; taa ta hvo kɛ laa, yii gu hvo ɉon. Yai-Laa gu wɔ Yálái aa kɛ gəlee tɛɛ gu pɔ.

Dutɛrɔnome 20:16

Kɛlaa nu huwuɠaai ŋɛ̨i Yai-Laa ka wɔ Yálái kaa di wɔ taaɠaai tɛɛi ka pɔ a ka hee taa, nąąɠaa lɔ ɓə mąą hvo nɛ̨ɛ̨li ka hvo nu kan da lɔpee lɛɛ la a vulú.

Dutɛrɔnome 3:2

Yai-Laa yɛ mą́ą́: «Hvo ɲɔw mą! Mąąhɔlɔɓo, ŋą́ą́ doo ə́ yee ŋą, da nwɔ lɔi hu nuą kəlee, bɛlɛɛ nwɔ lɔi ɓa. Naa mą yɛ bələi ə́ naa la Amɔrə nuą di wɔ tɔɔmun Sihɔn ɓa, yai kɛ heeni Hɛsbɔn daai.»

Dutɛrɔnome 6:19

Gaa pai ka yowoɠaa kəlee kpɛi ka tɔwɔ, yɛ di mąą kwɛa kaa. Bələ ɓə ə naakwɛlanmo la.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Zasua 1:4

Ə́ həɠə kpɔ ɓɛ Liban nɔi pun ma, ə həli la Eufratə ɲá lee ɓa; Hɛtə nuą di wɔ lɔi kəlee ə həli la gboloyá kɛnɛ̨ ɓa voló tooi pələ, yili ɓə pai kɛi a ka wɔ lɔi.

Zasua 10:19

Ka wɛi, ka hvo kpəla ka hvo tɔɔ, 'ka hvilɛn ka yowoɠaa pulu, 'ka laa di tɔwɔ, ka hvo di lɛɛ laa di hvo lɔ di wɔ taaɠaai hu, Yai-Laa gu wɔ Yálá aa di lɔ gu yee ŋą.»

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Zasua 13:6

Nuą kpɔ di kaa heeni ɲee hu, ə həɠə Liban ɓa, ə həli la Misrefotə-Maimə da Sidɔn nuą kəlee. Ɲą́ą́ gbinį lee ɓə pai di wɔ lɔi kulɔi di yəi, gɛ́ dɛɛ Israɛlə pɔ. Nɔi ɲąąkwɛlɛ Israɛlə lonnii diɛ yɛ bələi ŋį́ mo la yɛ́. Ə kɛ a di hee lɔi.

Zasua 2:24

Di mo Ɉosue ɓa, diɛ mą: «Kwaa gaa kpɔ kuɔ diɛ Yai-Laa aa nɔi tii tɛɛ gu pɔ, mąąhɔlɔɓo, gu mąą mɛ̨nį aa kpɛlin doo nɔi nuą kəlee hu.»

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 23:14

Ya ka ŋɛ̨i, gáá pai lii háákələi, yɛ bələi yɛnɛ̨ɛ̨ hɛnŋąą kəlee da li la. Kɛlaa, ka gɔlɔn gbɔ a ka lii kəlee, da ka wɔ yɛnɛ̨ɛ̨ kɛ pələ kəlee, kaa kpinįi, kaa diɛ, mɛ̨nįi kpɔ Yai-Laa ka wɔ Yálái ə mo, yɛ hvilɛn na kaa, dɔ̨nɔ̨ kpɛli hvo lɛɛ li pulu, yii naa hvo hvɛɛ li.

Zasua 24:11

Ka Ɉurdɛn teen, ka həli Ɉeriko, Ɉeriko tɔɔɓɛlaa di kɔ́ pɛlɛ kaa, diɛ ɓaa: Amɔrə nuą, Perizi nuą, Kanaan nuą, Hɛtə nuą, Girgasə nuą, Hivi nuą, da Ɉebusə nuą. Kɛlaa, ŋį́ di lɔ ka yee ŋą.

Zasua 24:12

Ŋį́ gbeapili kpulu tɛɛ ka ɲɛ̨i tɔwɔ, di Amɔrə tɔɔɓɛlaa hveelɛi kpɛ ka ɲɛ̨i tɔwɔ; ka wɔ kɔ́ kɔ́ ɓɔwaɠaa, da ka wɔ kilɛŋąąi hvəi yili kɛ.

Zasua 24:18

Yai-Laa ə nu huwu kəlee kpɛ ku ɲɛ̨i tɔwɔ, gəlee ə mą kɛ, Amɔrə nuą, diɛi a nɔi ŋɛ̨i hu nuą. Kuɔ kpɛli mąn, kwa Yai-Laa ni ɓə ku tɔɔ, ku wɔ Yálá li.»

Zasua 24:8

Yili pulu, ŋį́ pa a kaa Amɔrə nuą di wɔ lɔi hu, diɛi tii hee ni Ɉurdɛn pulu pələ; kɛlaa, di kɔ́ pɛlɛ kaa, ŋį́ di lɔ ka yee ŋą, ka nwɔ lɔi hɔlɔɓo a ka wɔɔ. Ŋį́ di huwu pu ka ɲɛ̨itɔwɔ.

Zasua 8:18

Yai-La yɛ Ɉosue ɓa: «Tínɛ̨n, gbalai ŋɛ̨i ə́ yəi, ə́ ɲɛ̨i hee Ai taa ɓa, mąąhɔlɔɓo, ŋą́ą́ daa kwɛlɛ yɛ́.» Ɉosue ə tínɛ̨n ə nwɔ kpalai ɲɛ̨i hee Ai taa ɓa.

Zasua 8:7

Nąąlɔwai, ka kulɔ ka loo pələi, ka daa hon, Yai-Laa ka wɔ Yálá aa dɛɛ ka pɔ.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»

Nwun mąąɓo 1:4

Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Nwun mąąɓo 11:21

Yai-Laa Israɛlə nwɔ Yálá, ə Sihɔn da nwɔ kɔlaɠai kwɛlɛ Israɛlə nuą diɛ, di yee ə tɛɛ diɛ. Nɔi ŋɛ̨i kɛ Amɔrə nuą di kɛ ɉu, Israɛlə nuą di nąą kəlee həɠə.

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»