Lɛɛ gbɔwɔ ɓa 23:24 - Yálá laawoo hɛɓɛ (dc)

²⁴ Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Yálá laawoo hɛɓɛ

²⁴ Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Bible

²⁴ Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Lɛɛ gbɔwɔ ɓa 23:24 ပူးပေါင်းရင်းမြစ်များ

Tɔɔɓɛlaa veelɛ 17:11

Ɉali kɔ́iɠaa kəlee ɓa, di kɛi lansan kələn naa, yɛ bələi nu huwuɠaai Yai-Laa ə di kpɛ di ɲɛ̨itɔwɔ di kɛi gɛ la. Di kɛi mɛ̨nį ɲɔ̨nŋaa kɛ a Yai-Laa nwąną lɔ pələ.

Tɔɔɓɛlaa veelɛ 17:8

Nuąi di hvo kɛ Yai-Laa kɔ́lɔn, di hvilɛn gɛa di yíi pələ pulu, a nɔiɠaa ŋɛ̨i Yai-Laa ə ɉu nuą hu kala Israɛlə lonnii mąą mɛ̨nį ɓai. Yili ɓə Israɛlə tɔɔɓɛlaa di gɛ.

Tɔɔɓɛlaa veelɛ 18:4

Ezekiasə ɓə ɉali kɔ́iɠaa taɠa nɔi, ə gwɛni kalanŋaa taɠa, nwuluɠaai di kɛi gɔ, ə di pɔn, mala kwɛli kaaləi Moisə ə bɛli, ə ɉuyal-yali; mąąhɔlɔɓo, Israɛlə nuą di lɛɛ haláá kulɔi mą, ə lɛɛ la ɉu nwɔ yələi ə həli. Di kɛi kɛ gaaləi tii laa ɓa a: Nehustan.

Tɔɔɓɛlaa veelɛ 3:2

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Yoramə ə gɛ. Kɛlaa, nwɛi kɛ pələ hvo kɛ yɛ nee da nąn di wɛi, mąąhɔlɔɓo, gwɛnii ŋɛ̨i nąn ə dɔɔ Baalə laa hu diɛ haláá kulɔ mą, ə yili kulɔ laa.

Kɔlɔnikɔ Veerɛi 14:2

Ɉali kɔ́iɠaa da ɉaláá kulɔiɠaai kɛ nɔi, Asa ə di kulɔ laa, ə nąąɠaa taɠa, ə ɉali mąąnínįɠaa wolo, nwuluɠaai di kɛi gɔ́, ə di pɔn.

Kɔlɔnikɔ Veerɛi 25:14

Ɓɛlɔwai gɔ́ ə nɛ̨ɛ̨ la Amasiasə Edɔmə nuą mɛ̨i, ɲali bulu yɛ kɛa pa, ə pa a Seirə lonnii di wɔɔ haliɠaa tii kɛ laa di yəi daɠaa; Amasiasə ə ɉaliɠaa tii kɛ kɛa yɛ nwɔɔ yáláɠaa, yɛ kwɛli hvilɛn diɛ, yɛ lansan kələn diɛ.

Kɔlɔnikɔ Veerɛi 33:2

Ə túwɔ́ a ɲɔ̨nwɔ̨ɔ̨ Yai-Laa ɲɛ̨i ɓa. Nuą tii Yai-Laa ə di wɔɔ lɔiɠaa kulɔ di yəi, yɛ Israɛlə hee laa, ə hvilɛn di yii pələ ɲɔ̨nwɔ̨ɔ̨ɠaa pulu.

Kɔlɔnikɔ Veerɛi 33:9

Manase ə Ɉuda nuą da Ɉerusalɛmə nuą nwun ɉu lan, di túwɔ́ a ɲɔ̨nwɔ̨ɔ̨, di yee ə tɛɛ nuąi wɔlɔ Yai-Laa ə di paa, yɛ di həɠə Israɛlə nuą tɔwɔ di nwɛi ɓa.

Mąątɛ̨nɛ̨ 101:3

Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 23:13

«‹Mɛ̨niɠaa kpɔ ŋą́ mo kaa, ka gəlee hon a nɛlɛɛ, ka hvo kwɛli hvilɛn haliɠaa diɛ, nu ta hvo kpɛli di laa mɛ̨n ka la.

Lɛɛ gbɔwɔ ɓa 23:32

Ka diɛni ka hvo mįnɛ̨ həɠə, ə mą kɛ di wɔ haliɠaai.

Lɛɛ gbɔwɔ ɓa 23:33

Di hvo pai lɛɛi ka wɔ lɔi hu, ə gɛ di hvo pa nɛ̨ŋɛ̨n nɔ ka yee pɔ gwa kaa ni gu lɔwai, ka hvo kwɛli hvilɛn di wɔ haliɠaai diɛ. Yili hvo pa kɛ a hɛlɛn dɛɛ ka tɔwɔ.›»

Lɛɛ gbɔwɔ ɓa 32:20

Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Osia 10:2

Di kwəi hvo kwələ li, ɉu mɔ̨nɔ̨ mį́i hiɛ li di yəi; Yai-Laa yaa kpinįi gaa pai di wɔ haláá kulɔiɠaai woloi, yɛ di wɔ haliɠaai hu kala.

Levetekɔ 18:3

Ka hvo túwɔ́ yɛ bələi ka kɛi gɛ la Eziptə lɔi hu, ɓɛi ka kɛ laa. Ka hvo túwɔ́ yɛ bələi Kanaan nuą da túwɔ́ la, ɓɛi gáá lii laa a kaa, ka hvo hvilɛn di yíi pələ pulu.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 12:3

Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Dutɛrɔnome 7:5

Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.