Lɛɛ gbɔwɔ ɓa 23:17 - Yálá laawoo hɛɓɛ (dc)

¹⁷ Gwɛlan dɛitɛi yee mu, nɔi nuą kəlee da pa di tɔɔ di Nąmu Yai-Laa lííla gee mɛ̨i haaɓa.

Yálá laawoo hɛɓɛ

¹⁷ Gwɛlan dɛitɛi yee mu, nɔi nuą kəlee da pa di tɔɔ di Nąmu Yai-Laa lííla gee mɛ̨i haaɓa.

Bible

¹⁷ Káai a zinâai fɛ̂ɛ ká tɔ́ɔ ŋɛ́i-tuɛ ǹyãai Yâwɛɛ Káɣâlai gîe saaƃa kóraŋ tɔnɔ su a gúu-ŋai ŋí dítãi.

Lɛɛ gbɔwɔ ɓa 23:17 ပူးပေါင်းရင်းမြစ်များ

Mąątɛ̨nɛ̨ 122:4

Nąą ɓə nɔi lonnii kaa tɛi laa, diɛi a Yai-Laa nwɔ nu huwuɠaai, yɛ bələi gaa la Israɛlə yíi pələ hu, Yai-Laa laa tɛ mɛ̨nį ɓa.

Mąątɛ̨nɛ̨ 42:2

Bələi Lomą kwąną kpalaa a yá kwɛli la, bələ ɓə gáá ə́ kwɛlii la, Ną́mu Yálá.

Mąątɛ̨nɛ̨ 42:3

Yálá ə́ mąą pulu aa ɉón, Yɛ́i a Yálá hvulúmąą. Lə yələ ɓə ŋą́ pai lɔi la, gɛ́ tɔɔ Yálá lííla?

Mąątɛ̨nɛ̨ 84:7

Tɛɛi di kɛi mo kpələ wɛli lɔi hu, di nąą mąą pənə a yá nwun gulɔ lɔi. Dulɔ tolooɠaai pu mą, di lúwɔ́ gboloon naa mɛ̨i.

Lɛɛ gbɔwɔ ɓa 23:14

«‹Kwɛlan dɛitɛi yee mu, mąąnɛ̨ɛ̨ ka mą́ą́wiɛ hɛli pu a hɛli haaɓa.

Lɛɛ gbɔwɔ ɓa 34:23

«Mąąnɛ̨ɛ̨ ɉinąą kəlee di pa Yai-Laa Israɛlə nwɔ Yálá lííla gee mɛ̨i haaɓa, kwɛlan dɛitɛi kəlee yee mu.

Azaya 1:12

Ɓɛlɔwai ka paa la nííla, gbɛɛ ɓə a kɛ kɛi kaa: 'Ka hiɛ nwɔ́ pɛ́lɛ́i nąą kəlee?

Lukə 2:42

Jesus kaa kwɛlan gɛɛ kɛa pow kɔ́w hveelɛ da nwɔ nuą kəlee də li Ɉerusalɛmə daai, pakə pu mɛ̨nį ɓa yɛ pələi da gɛ la a bɔlɔ.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Dutɛrɔnome 31:11

ɓɛlɔwai Israɛlə nuą kəlee kaa pai di ɲąąkpɔn ɉii la Yai-Laa ka wɔ Yálái lííla, ɓɛi ŋɛ̨i ə ɲeekpiɛ lɛ nąąi, nąąlɔwai, ka dɔ́n ŋɛ̨i ɓo Israɛlə lonnii kəlee ɲɛ̨i ɓa, ə too di wəlii.