Lɛɛ gbɔwɔ ɓa 22:28 - Yálá laawoo hɛɓɛ (dc)

²⁸ «‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Yálá laawoo hɛɓɛ

²⁸ «‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Bible

²⁸ “Ífe lòno a nyɔ́mɔɔ é pîlaŋ Ɣâla ma. Ífe ínûai túɛ-nuu làraŋ.

Lɛɛ gbɔwɔ ɓa 22:28 ပူးပေါင်းရင်းမြစ်များ

Samia Veerɛi 16:5

Tɔɔmun ə kɛi lɔ həli Bahurimə daai, hulɔnu ta ə kɛ laa, da Saulə ni di kɛ a pɛlɛ tɔ̨nɔ̨ mu nuą, diɛ kɛ naa ɓa a: Simei, diɛ kɛ nąn naa ɓa a: Gera. Gera lon Simei tii, ə kulɔ ə tɔɔ yɛ nɛ̨ŋɛ̨n naa kɛ.

Samia Veerɛi 16:9

Seruya lon Avisai yɛ tɔɔmun ma: «Lə mɛ̨nį ɓa, ɲilɛ powai ŋɛ̨i kaa nwɔ́ mɛ̨nį nąmu tɔɔmun nɛ̨ŋɛ̨n naai! Nɛ́ɛ́ tai laa, ŋą́ li ŋą́ nwun gulɔ ŋą.»

Samia Veerɛi 19:21

Mąąhɔlɔɓo, ə́ wɔ luwɔ kili kaa ɉu, aa nɛ̨ŋɛ̨n ɉəɠə. Kɛlaa, háákələi ŋɛ̨i, ŋą́ą́ tɔɔ Ɉosɛfə yəi bɛlɛ́n nuą ɲɛ̨i tɔwɔ, ə gɛ, ku pa, ku nwɔ́ mɛ̨nį nąmu laakwiɛn.»

Tɔɔɓɛlaa dɔlɔɔ 21:10

Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Mąątɛ̨nɛ̨ 138:1

Davidə nwɔ wələ woo. Gáá ə́ laa tɛi a níi kəlee, gáá ə́ laa tooi a wələ haliɠaa ɲɛ̨i ɓa.

Mąątɛ̨nɛ̨ 32:6

Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Lɛɛ gbɔwɔ ɓa 13:12

Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Lɛɛ gbɔwɔ ɓa 13:2

«Lon ɉinąą dɔlɔɔɠaa kpɔ Israɛlə nuą kaa pai ɉɔlɔɓoi, da di yəi taatɛlɛɛ non dɔlɔɔɠaa kəlee, ka bili gee mɛ̨i, di kɛ a nwɔ́ɔ́.»

Lɛɛ gbɔwɔ ɓa 21:17

«‹Nui a gaamun da lalan, mąąnɛ̨ɛ̨ di baa.

Lɛɛ gbɔwɔ ɓa 23:16

Ka mɔ̨nun dee hɛli pu, ka kɛ kólóɠaa da ɉɛnŋąąi ka ɉin ka pɔ yɛa, di ɓá dɔlɔɔ-tɔlɔɔ hɛli li. Gwɛlan naa kulɔi lɔwai, ɉɛnŋąąi ka ɉin, ka kɛi di ɓáɠaa pui kɛ, ka yili ɉɛli pu.

Lɛɛ gbɔwɔ ɓa 23:19

Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Ikilisiati 10:20

'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ.

Levetekɔ 24:11

Israɛlə nɛ̨ɛ̨nu lon tii, ə Yálá laa ɓɛlɛ too, ə Yálá lalan. Di ɉon di paa la Moisə pɔ. Nɛ̨ɛ̨nui tii laa ɓaa kɛ a Selomitə, Divri lon ni, ə kulɔ Dan huwuhu.

Levetekɔ 24:15

Yili pulu, niɛwooi ŋɛ̨i kɛ Israɛlə lonnii diɛ, yɛ́ diɛ: «Nui lɔpee a nwɔ Yálái lalan, nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Levetekɔ 24:16

Ɛlɛɛ, nui a Yai-Laa laa ɓɛlɛ too woo ɓo, da baa; yɛ ə kɛ a nwɛ̨ą, yɛ ə kɛ a nɔi lon, Israɛlə nuą kəlee da ɉɔɔ, da baa mąąhɔlɔɓo, aa Yálá laa ɓɛlɛ too.

Gɛlaɠaa 23:3

Nąąlɔwai, Polə yɛ mą: «Yálá ɓə pai ə kɛlɛi! Gaa ləi ŋɛ̨i yɛ, da wee tɛ a pɛlɛ́. Ə́ kaa heeni yɛ́ kiti tee yɛ bələi dɔ́n ə mo la, kɛlaa, yɛ́ dɔ́n mɛlɛkpɛɛmą; yɛ́ kɛ diɛ: di gɛ́lɛ?»

Gɛlaɠaa 23:5

Polə ə di woo ŋąapənə yɛ diɛ: «Ną́n nonnii, gíli hvo ti kɛ ɉu, gɛ́ kɛ diɛ: ɉaláá laa həli mun gɛnɛ̨ li. Mąąhɔlɔɓo, bɛ̨ɛ̨i, diɛ: 'Hvó ə́ wɔ lɔi ɲąąwooɓomun nɛ̨ŋɛ̨n naa.»

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zûu 1:8

Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.

Samuɛlə dɔlɔɔ 24:10

Yɛ Saulə ɓa: «Lə mɛ̨nį ɓa nuąi da kɛ kɛi yɛ́: ‹Davidə kaa ə́ kwɛlii a mɛ̨nį ɲɔ̨n, ɛlɛɛ,› yɛ́n, ə́ wəli tɔɔ di woo ɓa?

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»