Lɛɛ gbɔwɔ ɓa 22:22 - Yálá laawoo hɛɓɛ (dc)

²² Yá di hon a wea pələ, da wɔlɔ, ŋą́ di woo mɛ̨n,

Yálá laawoo hɛɓɛ

²² Yá di hon a wea pələ, da wɔlɔ, ŋą́ di woo mɛ̨n,

Bible

²² Káfe pɔɔ-nɛni sòŋ a nyɔ́mɔɔ kpaa máŋ tee-loŋ.

Lɛɛ gbɔwɔ ɓa 22:22 ပူးပေါင်းရင်းမြစ်များ

Zôo 31:16

A kɛ ŋą́ą́ ta lənə mąąwɛli nuą di wɔ hvɛli ɓo woo ɓa, Ŋą́ą́ ta kalanənŋaa lɛɛ laa di ɲɛ̨i mąą yɛ wɛli,

Zôo 34:28

Ə lɛɛ kpɔ ɉu, mąąwɛli mun nwɔlɔ woo ə həli mą, ɛlɛɛ, təli lon domɔ̨ woo ə həli mą.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Hanwon 22:23

Mąąhɔlɔɓo, Yai-Laa a nuą tii mąąkɔ̨nwɔ̨, nuąi da hɛn gulɔ di yəi, Yai-Laa yaa kpɛli a hɛn gulɔ mąą nuą yəi.

Hanwon 23:10

Ka ɲɛ̨n ŋɛ̨i wɔlɔ di dɔɔ, 'hvó laŋin mɛ̨i, 'hvó təlilon nwɔ kɛɛnąą kulɔ ɲəi.

Hanwon 23:11

Mąąhɔlɔɓo, di tɔɔ bulu kɛmun ɲee walawalaai. Yálá kpinį ɓə a di mąąkɔ̨nwɔ̨mun.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Ɉeremi 7:7

Akɛ ka mɛ̨nįɠaa tii hon, ŋį́ hvaa mą ŋį́ hee ka lɔwai ɓɛ nɔi ŋɛ̨i hu, yii ŋį́ dɛɛ ka nanii pɔ a di wɔɔ a yələ kəlee.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 23:14

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka kɛ tooi kalanin nɛ̨ąą mɛ̨i, kaa hɛn gulɔ di yəi, kaa lamu Yálá hvɛliɛ hu, ə gɛ, nuą di ka káá a nu haɉaaɠaa. Yili ɓə gaa mą, ka wɔ kitii kaa pai walawalai kpɔ kɛnɛ̨.

Dutɛrɔnome 10:18

A təli lon da kalanen di wɔ tɛ̨ąą kulɔ pɔ̨nɔ̨ ŋą, a nwɛ̨ą wɛlila kɛ, yɛ kɔ̨nɔ̨n dɛɛ bɔ da həɠə.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 24:18

Ka ka kiliŋąhiɛ kaa, ka kɛ luwɔlaa hu Eziptə lɔi hu, ɛlɛɛ Yai-Laa ka wɔ Yálái ɓə ka nwun mąąɓo laa. Yili mąą mɛ̨nį ɓə gáá kɛi la kaa, ka díɓoi tii kɛ.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.