Lɛɛ gbɔwɔ ɓa 21:20 - Yálá laawoo hɛɓɛ (dc)

²⁰ «‹Nu a nwɔ luwɔ kɛlɛ a gbɔn, ə kɛ a hulɔnu ə kɛ a nɛ̨ɛ̨nu, ə lɛɛ gbɔnɔ mu, mąąnɛ̨ɛ̨ di di nwąną kulɔ mą.

Yálá laawoo hɛɓɛ

²⁰ «‹Nu a nwɔ luwɔ kɛlɛ a gbɔn, ə kɛ a hulɔnu ə kɛ a nɛ̨ɛ̨nu, ə lɛɛ gbɔnɔ mu, mąąnɛ̨ɛ̨ di di nwąną kulɔ mą.

Bible

²⁰ “À kɛ̀ núu à ŋɔluɛ lòkwa a sia-wûru, nɛnî kpaa surɔ̂ŋ, ǹuɛi à sàa ŋ̀á ma, fɛ̂ɛ dí tɔ̂ŋ kpɛ́ maa-nuui ma.

Lɛɛ gbɔwɔ ɓa 21:20 ပူးပေါင်းရင်းမြစ်များ

Zɛnɛse 4:15

Yai-Laa yɛ Kain ɓa: «Kpaa-oo! Nu ta a ə́ paa, ə́ wɔ kwələ a kulɔ gee mɛ̨i mɛ̨ihveelɛ.» Yai-Laa ə nɛɛ mą, ə kɔ́lɔn ɉɛn da kɛ Kain ɓa, əgɛ, nu ta a kwiɛn na hvo baa.

Zɛnɛse 4:24

Akɛ da Kain nwɔ kwələ kulɔ gee mɛ̨i mɛ̨ihveelɛ, da nwɔ́ kwələ kulɔ gee mɛ̨i pow mɛ̨ihveelɛ.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Lɛɛ gbɔwɔ ɓa 21:19

Ɛlɛɛ yɛ pɛli muhəɠəi, yɛ kulɔ yɛnɛ̨ɛ̨, tunwɔ̨n ə ɓo ɲəi, nui gɛlɛɓo kɛ, da nɛɛ laa, kɛlaa, volóɠaai mɛlan a gɛ laani, mąąnɛ̨ɛ̨ ə yili hálá mą, ɛlɛɛ, ə ɉali kɛ, ə lɛɛ ɉu ə ɓalo.

Lɛɛ gbɔwɔ ɓa 21:21

Kɛlaa, nui di gɛlɛ, a hvóló tɔ̨nɔ̨ a wala kɛ ti hvóló hveelɛ kɛ, ə ɓo ni a vulú, di hva di nwąną kulɔ, mąąhɔlɔɓo, di ɲa a wali.

Hanwon 29:19

Di hva luwɔ hutɔɔ a woo kpɛli kpɛli, akɛ kpɔ mɛ̨n ɉii, kɛlaa, hva bɔ mɛ̨nį kɛ.

Lonon mo 35:19

Nwąną kulɔ kɛ mun mə a nu paamun tii paa, ɓɛlɔwai da yaa da kwiɛn na, a baa.

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Dutɛrɔnome 19:21

Ka hvo nu taaləi tii mąąwɛli kaa, mąąnɛ̨ɛ̨ di ɉutɔɔ. Nu nɔ̨ɔ̨ pɔɔi ɓaa nu nɔ̨ɔ̨, nu ɲɛ̨ikɔw pɔɔi ɓaa nu ɲɛ̨ikɔw, nu ɲin bɔɔi ɓaa nu ɲin, nu yee pɔɔi ɓaa nu yee, nu kɔ́wɔ pɔɔi ɓaa nu kɔ́wɔ.