Lɛɛ gbɔwɔ ɓa 20:9 - Yálá laawoo hɛɓɛ (dc)

⁹ 'Ya ə́ mąą kóló kɛ hvóló mɛ̨ida yee mu.

Yálá laawoo hɛɓɛ

⁹ 'Ya ə́ mąą kóló kɛ hvóló mɛ̨ida yee mu.

Bible

⁹ Ítii-ŋai kélee kɛ́ fólo lɔ́ɔlu mɛi da yée mu.

Lɛɛ gbɔwɔ ɓa 20:9 ပူးပေါင်းရင်းမြစ်များ

Lɛɛ gbɔwɔ ɓa 16:26

Hvóló mɛ̨ida yee mu, ka pɛli mą ka da yɛɠɛ, kɛlaa, voló mɛ̨ihveelɛ yələ, gaa a túwɔ́ yələ, da hva kɛ laa.»

Lɛɛ gbɔwɔ ɓa 23:12

«‹Hvoló mɛ̨ida yee mu, ə́ kɛ kóló kɛ. Kɛlaa, vóló mɛ̨ihveelɛ yələ, ə́ túwɔ́ ə́ ə́ hvįįtɔɔ, ə́ wɔ nįŋɛ̨i da ə́ wɔ hoohvaalən di di hviitɔɔi, ɛlɛɛ, ə́ wɔ luwɔ nɛ̨ą lon da nwɛ̨ą di di hvina kulɔ.

Lɛɛ gbɔwɔ ɓa 31:15

Hvóló mɛ̨ida yee mu, nuą da di mąą kólóɠaa kɛ. Kɛlaa, voló mɛ̨ihveelɛ yələ, vįitɔɔ yələ li. Volói tii kaa a Yai-Laa nwɔɔ. Nui lɔpee a kóló kɛ a túwɔ́ yələ da baa.

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Lɛɛ gbɔwɔ ɓa 35:3

Ka hvo kɔ̨nɔ̨n ɲili nwɔ̨n ɉee ka yəi bɛlɛ́n a vįitɔɔ yələ, ɓɛi lɔpee ka kɛ laa.»

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Dutɛrɔnome 5:13

'Ka ka mąą kóló kəlee kɛ hvóló mɛ̨ida yee mu.