Lɛɛ gbɔwɔ ɓa 20:7 - Yálá laawoo hɛɓɛ (dc)

⁷ «'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Yálá laawoo hɛɓɛ

⁷ «'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Bible

⁷ “Ífe Yâwɛɛ Íɣâla láa toli kpɛ́ni-kpɛni. Kpɛ́ni fêi, ǹúui a ǹáa toli kpɛ́ni-kpɛni, ŋa pâi tɔ̂ŋ kpɛ̂i ma.

Lɛɛ gbɔwɔ ɓa 20:7 ပူးပေါင်းရင်းမြစ်များ

Zɛnɛse 27:20

Isaakə yɛ non ma: «Ə́ tɛɛ ləi yɛ́ ɉuwɔi ŋɛ̨i hɔlɔɓo kpɔlɔ tii ɉa?» Ɉakɔbə yɛ nąn ma: «Yai-Laa ə́ wɔ Yálái, ə hvaa mą, ŋį́ kwiɛn a ɉuwɔi ŋɛ̨i, ŋį́ baa.»

Tɔɔɓɛlaa dɔlɔɔ 2:9

Yiihui ŋɛ̨i kɛa, hvó gaa yɛ nui hɔn və mą. Mąąhɔlɔɓo, ə́ wɛi, ə́ kaa a kilimąą mun; mɛ̨nįi mąąnɛ̨ɛ̨ ə́ gɛ la, yɛ́ kpinįi ɓə gɔlɔn. Bələi mąn nwun bowaa la, hvó nɛɛ laa, hvo gbɔwɔ ɓa haa ɓo.»

Tɔɔɓɛlaa veelɛ 5:20

Gehazi yai a Yálá nwɔ nu ŋą tímun, yɛ gbɔwɔ ɓa: «Gálamɔ̨ɔ̨ hvo gɛ li hvo ɲee hee Aramə mun Naaman nwɔ mɛ̨inɛ̨ɛ̨ mu, yai ə paa la bɔ; yii kpɔ Yai-Laa kaa a vulú, gáá gilɛ həɠəi ŋą́ laŋąn mą, ə gɛ, ŋą́ hɛn da hon ɲəi.»

Mąątɛ̨nɛ̨ 139:20

Ə́ yowoɠaa da kɛ ə́ laa ɓoi a nuą ɓowo pələ, diɛ ə́ mąą mɛ̨nį ɓo a ə́ laa kala pələ.

Hanwon 30:9

Hvó gaai, ŋą́ pilɛ hɛn gɔw hu kɛnɛ̨, və́ lənə Yɛ́, gɛ́ kɛ mą: «Gbɛɛ ɓaa Yai-Laa?» A wala kɛ tii, ɲéé la a tee, və́ pa nwuɔ̨ kɛ, və́ ɓɛlɛkpɛɛ nwɔ́ Yálá ə́ laa ɓa.

Ɉeremi 34:16

Kɛlaa, kaa pənə kaa ka woo kala, kaa náá ɓɛlɛ too la tii. Ka kəlee káá pənə káá ka wɔ luwɔɠaai hon nwɔ̨nɔ̨; ɉinąą mąn nɛ̨ą mąn. Diɛi tii kɛ kaa ka yee ɓo diɛ, káá pənə káá di tɔ̨nɔ̨ mį́i yɛ luwɔɠaa.»

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Izikiɛ 39:7

Gáá pai gɛi di Náá mąąhəɠɛɛ kɔ́lɔn, nwɔ́ lɔi a Israɛlə lɔi, ɉu; ɛlɛɛ, vá kɛa Náá mąąhəɠɛɛ lɛɛ laa di hvo mɛlɛ kpɛɛ mą bələ ɓə lɔiɠaa da gili kɔ́lɔn na tii diɛ kɛ, ɲą́ą́ ɓə a Mɛ̨nį kəlee ŋą Hééɓomun. A Mąąhəɠə mun Israwɛlə lɔi hu.

Levetekɔ 19:12

Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Dutɛrɔnome 10:20

Yai-Laa ka wɔ Yálái ɓə mąąnɛ̨ɛ̨ ka ɲɔw mą, kaa tí mą, ya ɓə ka ka kwɛla a naa.

Dutɛrɔnome 5:11

«'Ka hvo Yai-Laa ka wɔ Yálái laa ɓo kpɛli-kpɛli mɛ̨nį hu; mąąhɔlɔɓo, nui a Yai-Laa laa ɓo kpɛli-kpɛli mɛ̨nį hu, Yai-Laa hva nɛɛ lɔ tii, yii hvo ɉutɔɔ li.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Zasua 2:17

Ɉinąą tii diɛ mą: «Ku wooi tii ku gwɛlɛ yɛ́, ku ka pai lɛɛi bulu.

Zasua 9:20

Yii gwa pɛli gɛi, ya ɓaa gu di lɛɛ yɛnɛ̨ɛ̨, Yálá nwɔ liiholi hvo pa nee hee guɔ, gu wooi tii gu gwɛlɛ mąą mɛ̨nį ɓa.»