Lɛɛ gbɔwɔ ɓa 20:17 - Yálá laawoo hɛɓɛ (dc)

¹⁷ «'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Yálá laawoo hɛɓɛ

¹⁷ «'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Bible

¹⁷ “Ífe íƃarâŋ-nuu ŋɔpɛ́rɛ maa liî tèe. Ífe íƃarâŋ-nuu ŋɔnɛnîi maa liî tèe, é pɛ́lɛ ǹyée ŋá surɔ̂ŋ ma, ǹyée ŋá nɛnîi, ŋɔni-ŋai, da ŋɔsoo-falaŋ é pɛ́lɛ gɔ̃liŋ kélee ma.”

Lɛɛ gbɔwɔ ɓa 20:17 ပူးပေါင်းရင်းမြစ်များ

Zɛnɛse 14:23

ŋį́ gwɛla gɛ́ yɛ́, hɛn kpɔ gaa a ə́ wɔɔ, və dɔ̨nɔ̨ kpɛli həɠəi, ə mą kpɛli kɛ a yee kali, ə mą kɛ kpɛli kɛ kɔ́lɔ yɛli tɔ̨nɔ̨, ə gɛ, hvo pa kɛ diɛ: ‹Ŋą́ą́ ɓə Abramə kɛ a hɛn gɔw nąmu.›

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 34:23

Akɛ gwa hvaa di woo ɓa, da pa di hee gu kwɛlɛ; di yəi hɛn gɔw da di yəi taatɛlɛɛɠaa di kɛ a gu wɔɔ.»

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Zôo 31:9

Akɛ nɛ̨ɛ̨nu takpɛli mąą mɛ̨nį aa ta níí kulɔ mą́ą́! Akɛ ŋą́ą́ ta mɛ́lan nwɔ pɛlɛ́ laaləi mąą hɛn!

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Mąątɛ̨nɛ̨ 119:36

'Gíli tɛnɛ̨n dɔɔ ə́ wɔ tíɓoɠaai pɔ pələ! 'Hvó ɲɛ̨i tinɛ̨n hɛngɔw pɔ pələ.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Hanwon 6:29

Bələ lɔ ɓə gaa la, nu hva pɛli hvilɛn ɉii ə́ ɓɛlan nɛ̨ą pulu, a kɛ nąą pɔɔ hvo lɛɛli yɛ́.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Ɉeremi 5:8

Di kaa yɛ hoo hilɛɠaai di hutono, daa kpɔɛ; diɛ di lii pɔ wɔlɔ di kee ni nɛ̨ąni pulu.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Habakukə 2:9

kpalo ɓɛlaai kaa, kaai ka hvulu hɛn gɔw hon, kaa ɲiɓɛi laahvɛɛ la. Gaa ka kwəi, kaa kɛ kɛa a nu kpɛa kpɛa yili hu, mɛ̨nį nwąnąą ŋɛ̨i pai, da hva kɛa həli kaa.

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Gɛlaɠaa 20:33

Ɲɛ̨́i hvo kɛ kulɔ li, wali pɔ, hɛni pɔ, ə mą kɛ, nu nwɔ həɠə.

Gɛlaɠaa 5:4

Gɛɛ hvo nɔi ti lɔwɔ́tɔɔ kɛi, ə kɛ a ə́ wɔ́ɔ́, nɔwɔtɔɔi nwɔ̨nɔ̨ ə́ mo, nwali ə kɛ a ə́ wɔ́ɔ́. Lə mɛ̨nį ɓa, ə́ giliŋąhiɛ yii ŋɛ̨i ɉuwu kɛ? Hvo kɛ lɛɛ kɛ li nuą diɛ, kɛlaa, Yálá ka ti ə́ lɛɛ kɛ mą.»

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Dutɛrɔnome 5:21

«'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 15:19

Lə mɛ̨nį ɓa hvo kɛ Yai-Laa wooi tii hon ni, hvo bɔ mɛ̨nį kɛ? Lə mɛ̨nį ɓa ə́ kɔ́ pulu hɛn ɉəɠə, ə lɛɛ, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, yɛ́ gɛ?»