Lɛɛ gbɔwɔ ɓa 19:6 - Yálá laawoo hɛɓɛ (dc)

⁶ Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Yálá laawoo hɛɓɛ

⁶ Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Bible

⁶ Ka pâi kɛ̂i a ŋalɔii-ŋuŋ su-ƃela nyii-ŋai pâi tíi kɛ̂i mî yɛ̂ɛ sâla láa-soŋ-ƃelai. Ka pâi kɛ̂i a ŋánûa maa-waa-ŋa. Ŋóo-ŋai ŋí ƃé í m̀ó ǹûai dîa.”

Lɛɛ gbɔwɔ ɓa 19:6 ပူးပေါင်းရင်းမြစ်များ

Tɔɔɓɛlaa dɔlɔɔ 3:8

Ə́ wɔ luwɔi ka ə́ wɔɔ nu kpulu kɛnɛ̨i nwun na, diɛi wɔlɔ ə́ di həɠə ɉu, diɛi di kpulu hu kɛnɛ̨, nu hva pɛli di lonoi.

Tɔɔɓɛlaa dɔlɔɔ 8:53

Hvó gaai, yɛ́ ɓə di tɔɔ a dee, diɛ ɓo a ə́ wɔ, ə́ kwɛlin ɓaa diɛ yɛnɛ̨ɛ̨ nuą kəlee lɔwai, yɛ bələi ə́ bu la ə́ wɔ tímun Moisə la, yɛ mo, ɓɛlɔwai ə́ ku nąnni kulɔ la Eziptə lɔi hu, yɛ́i a Yai-Laa ku wɔ Yálá.»

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Mąątɛ̨nɛ̨ 114:2

Ɉuda ə kɛ kɛa a Yálá hee pɛlɛ́, Israɛlə yɛ kɛ a nwɔ lɔi.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 28:36

«Yili pulu, ə́ hɛni pu, ə́ bɛli a mɛla ŋą kɛnɛ̨ yɛ wulu powa mąąnįnįn, ə́ bɛ̨ɛ̨ yɛ da kɛi hɛn ɉaɠa, yɛ ɓo a Yai-Laa nwɔɔ.

Azaya 43:4

Mąąhɔlɔɓo, ə́ mąą mɛ̨nį nwąnąąi mą́ą́ kɛnɛ̨, ə́ tɔlɔ kaa yɛ́, ɛlɛɛ, ə́ wɛli kaa mą́ą́, yili ɓə a gɛ gɛ́ nu kanŋaa kɛ a ə́ nwun mąąɓo hɛnŋaa, gɛ́ taa kpɛa-kpɛaɠaa tɛɛ a ə́ mąąhvalin.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Azaya 66:21

Gáá lɔ nwɔ̨nɔ̨ pai haláá laa həli nuą həɠəi di lɔwai, Lévi huwu hu nuą, Yai-Laa woo li.

Ɉeremi 13:11

Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Levetekɔ 19:2

«'Mo Israɛlə lonnii diɛ, yɛ diɛ: Ɲą́ą́ Yálá mą́ą́ həɠɛɛi, kaa kpɛli mąn, ka mąą ə həɠə tii.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Levetekɔ 20:26

«Ka kaa a Nwɔ́ɔ́ɠaa, 'ka ka mąąhəɠə, Mąąhɔlɔɓo, Mą́ą́həɠɛɛi, Ɲą́ą́ gáá a Yai-Laa; Ŋą́ ka həɠə ɉu hį́i lɔi kəlee lɔwai, əgɛ, ka kɛ a nwɔ́ɔ́.

Levetekɔ 21:23

Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Egaa 2:5

Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Lonon mo 16:3

Di hvaa pɛlɛ Moisə da Aarɔn diɛ, diɛ kɛ diɛ: «Ka káá kɛa ka yee ɓɔi ɉu, nɔi lonnii kəlee mąąhəɠɛɛ ɓə, ɛlɛɛ, Yai-Laa kaa di lɔwai, lə laa hu ɓə ka káá ka nwun dɛi la Yai-Laa nwɔ nu kpului mɛ̨i?»

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Korɛntə dɔlɔɔ 3:17

Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Dutɛrɔnome 26:19

Nu huwui kpɔ ə bɛli yɛnɛ̨ɛ̨, aa ka həɠə ɉu, gəlee lɔwai, yɛ ka laa tɛ, yɛ ɓaalɔ kaa, yɛ ka kɛnɛ̨, kaa kɛ la a nu huwu mąąhəɠɛɛ, a Yai-Laa ka wɔ Yálá nwɔ nu huwu yɛ bələi ə nwoo kwɛlɛ la.

Dutɛrɔnome 28:9

«Yai-Laa kaa pai ka kɛi a nwɔ nu huwu, yɛ bələi ə gwɛla la kaa, akɛ ka Yai-Laa ka wɔ Yálái nwɔ tɔ́nŋąąi hon, kaa hiɛ a ɲeekpiɛ tənən.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Tɛsalonikə dɔlɔɔ 5:27

Gáá ɉuhvɛlii káá gu Ną́mu nwɛi hu, gɛ́: di ɉɛɓɛ́i ŋɛ̨i hu woo ɓo nąn nonnii kəlee diɛ.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»