Lɛɛ gbɔwɔ ɓa 19:21 - Yálá laawoo hɛɓɛ (dc)

²¹ Yai-Laa yɛ Moisə ɓa: «Yɛɛ, ə́ mo nuą diɛ, yɛ diɛ: ‹Di hvo kpuluun, diɛ kɛ di li Yai-Laa pɔ gaa mɛ̨nį ɓa; da gɛ ti, da ləi haa.

Yálá laawoo hɛɓɛ

²¹ Yai-Laa yɛ Moisə ɓa: «Yɛɛ, ə́ mo nuą diɛ, yɛ diɛ: ‹Di hvo kpuluun, diɛ kɛ di li Yai-Laa pɔ gaa mɛ̨nį ɓa; da gɛ ti, da ləi haa.

Bible

²¹ È mò Mose ma ǹyɛɛi, “Yèŋ ǹyéei kwára í ǹûai lia-woo-ƃô a gɛɛ dífe bòniŋ maa tîyeŋ a gɛɛ dí pá ŋgáa mɛni ma. Dà gɛ̀ tí gɛ̀ ní dítamaa ɣele da pâi saâi.

Lɛɛ gbɔwɔ ɓa 19:21 ပူးပေါင်းရင်းမြစ်များ

Lɛɛ gbɔwɔ ɓa 3:3

Moisə yɛ mą: «Gáá tinɛ̨n ɉi, ŋį́ li ŋį́ gwɛlɛɛn mɛ̨nįi ŋɛ̨i mąą kpɛɛ; lə ɓə kɛ yai nwɔ̨n gaa nwulu lon tii hu, hvo gələn ɉii.»

Lɛɛ gbɔwɔ ɓa 3:5

Yálá yɛ mą: «'Hvó kɛ ə́ kaa lɛɠɛi ɓɛ. 'Gɔlɔ kulɔ ə́ kɔ́wɔ ŋą. Mąąhɔlɔɓo, ɓɛi tii ə́ kaa laa, lɔi mąąhəɠɛɛ li.

Lɛɛ gbɔwɔ ɓa 33:20

Yálá yɛ mą: «Hvá pɛli ɲɛ̨́i lai gaai, mąąhɔlɔɓo nu hva pɛli gáái, hvo lɛɛ a vulú.»

Ikilisiati 5:1

'Hvó hvaa ɉą, 'hvó ə́ laa mąąhulɔ ə́ woo kwɛlɛi Yálá ɓa; Mąąhɔlɔɓo, Yálá kaa yələi, ɛlɛɛ, yɛ́n ə́ ɓo ɓɛ lɔi mɛ̨i. Yili mąą mɛ̨nį ɓa, Mąąnɛ̨ɛ̨ ə́ hvaa a bɛliɛ mą.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Lonon mo 4:18

«Ka hvo gɛ di hvo pa Kehatə nwɔ kwəlii hu nuą laa kulɔ Levi nu huwu lɔwai.

Lonon mo 4:19

Ka gɛ pələ kwɛli mą, ə gɛ, da lɛɠɛ gɛɛnąą mąąhəɠɛɛ kpɔ hva-hva mą, di hvo pa haa. Yii ka gɛ, ya ka: Aarɔn da nonnii ɓə da pa di nu tɛitɛi tɔɔ gɛ kóló ɓa, da yii a ɉəɠə.

Lonon mo 4:20

Bələ ɓə da gɛ la, ə gɛ, di hvo pa di ɲɛ̨i pili gɛɛnąą mąąhəɠɛɛ mɛ̨i, akɛ da nąą kaa, da haa.»

Dutɛrɔnome 5:5

Ɛlɛɛ ɲą́ą́n, ŋį́ ɓo tɔɔni ka Yai-Laa ni ka lɔwai. Gɛ́ Yai-Laa lawoo laa həli kaa. Mąąhɔlɔɓo, ka kɛi ɲɔw nwɔ̨n ma, yili ɓə gɛ ka tɛ ɲee ɓa. «Ə mo yɛ diɛ:

Samuɛlə dɔlɔɔ 6:19

Bɛtə-Sɛmɛsə nuą lɔwai, Yekonia lonnii di hvo gɛ di hvo di kwəinɛ̨ɛ̨ ɓɛlɔwai di Yai-Laa nwɔ kəhii kaa la. Yili ɓə gɛ, Yai-Laa ə nu pow mɛ̨ihveelɛ paa di lɔwai. Nuąi lɛɛ a di hvulú, di wɔlɔ, mąąhɔlɔɓo, Yai-Laa aa kɛ mɔ̨nɔ̨ kɛnɛ̨ laa di mɛ̨i.