Lɛɛ gbɔwɔ ɓa 18:21 - Yálá laawoo hɛɓɛ (dc)

²¹ Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Yálá laawoo hɛɓɛ

²¹ Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Bible

²¹ Kpakolo nyii ŋai í laai a diai kúla ǹûai kélee sama, nyii-ŋai da yào Ɣâla ma, dífa yee-pɛlɛ ǹá-sɛŋ soŋ wôya mɛni mai. Dí dítɔɔ núu-kpulu-ŋa láa tuɛ yɛ̂ɛ wála tɔnɔ (1,000), ŋuŋ tɔnɔ (100), buu lɔ́ɔlu da núu puu.

Lɛɛ gbɔwɔ ɓa 18:21 ပူးပေါင်းရင်းမြစ်များ

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Samia Veerɛi 18:1

Davidə ə bɔ nuą lono, ə nwun nąmįną hee nu waa tɛitɛi nwun na, da nu nwun dɛitɛiɠaa.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Tɔɔɓɛlaa dɔlɔɔ 18:3

Akabə ə Ovadiahu təli, ya ɓə kɛ dɔɔ pɛlɛ́ nwun na, Ovadiahu yaan, ə kɛi ɲɔw Yai-Laa ɓa kpɔ kɛnɛ̨.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Nehemi 7:2

Ŋą́ mo di ną́n non Hanani hee a Ɉerusalɛmə ŋąąwoo ɓomun, da Hanania yai kɛ a daa mąąkpɛ pɛlɛ ŋąąwoo ɓomun, ə kɛ a nui a kulɔ nwoo ɓa yɛ ɲɔw Yálá ɓa dɛɛ nu tamąą diɛ.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Mąątɛ̨nɛ̨ 15:1

Davidə nwɔ Yálá mąątɛ̨nɛ̨ wələ. Yai-Laa! Gbɛɛ ɓə pai lɔi ə́ yəi bɛlɛ́n? Gbɛɛ ɓə pai heei Ə́ wɔ yee mąąhəɠɛɛi nwuɔ̨?

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Lɛɛ gbɔwɔ ɓa 17:9

Moisə yɛ Ɉosue ɓa: «Nuą həɠə, tinąą ka diɛni ka li ka Amalɛkə nuą laakwiɛn a kɔ́. Ɲą́ą́ nwɛ́i, gáá pai kɛi tɔɔni ɲee tɔ́na, dunwɔ̨n Yálá ə dɛɛ bɔ́, yɛ ɓo ɲə́i.»

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Izikiɛ 18:8

hva kwələ tɔɔ a tɔ̨nɔ̨ hɔlɔɓo pələ ɉu, hva kwələ kpɛ a da laa pələ mɛ̨i, yɛ ɲee kulɔ hulu mɛ̨nį hu; yɛ nuą lɔwai mɛ̨nįɠaa ɓo a tɛ̨ą,

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Zakari 7:9

«'Mo nɔi lonnii kəlee diɛ, yɛ́ diɛ: Yai-Laa Mɛ̨nį Kəlee ŋą Hééɓomun woo ka, yɛ: 'Ka kiti tee a tɛ̨ą, nu kəlee ə nąn non ɉon a kwəi kwələ laa, da wɛlikɛmąąlaa.

Zakari 8:16

Dɔnŋaai mąąnɛ̨ɛ̨ ka di kɛ, diɛ ka: 'Ka tɛ̨ą ɓo ka kee ɓa, ka kɛi kiti tee, 'ka dee a ɉąŋąą, ə́ gɛ, diɛ pɛli pənəi diɛ pa a liilaa.

Lonon mo 1:16

Diɛ ɓə kɛ a nu huwuɠaa tii ɲɛ̨ikɔw nonon mo mɛ̨nį hu, di kɛ nu waa tɛitɛi nwun na Israɛlə lonnii lɔwai.

Lonon mo 1:4

Nu tɛitɛi həɠə nu huwu kəlee lɔwai diɛ ɓo a pɛlɛ́ nąmįną di hvilɛn ka pɔ.

Lonon mo 10:4

Akɛ dɔ̨nɔ̨ lɔ ɓə di vɛɛ, yili a kɛ a ɲɛ̨itɔwɔ nuą da gɔ́laɠa nwun nąmįnąi di kaa Israɛlə nuą lɔwai, di təli túlú diɛ di ɲąąkpɔn na ə́ lííla.

Lukə 18:2

Ə mo diɛ, yɛ diɛ: «Kiti tee mun da ə kɛ taa ta hu, hvo kɛi ɲɔw Yálá ɓa, dɛɠɛɓoɔ nu kəlee hu.

Lukə 18:4

Hvóló kəlee, nɛ̨ɛ̨nui ə kɛi lɔ li gití tee mun tii pɔɔli. Kɛlaa, hvo kɛi nɛ̨ɛ̨nui tii nwɔ mɛ̨nįi ta ɓo. Gití tee mun tii ə mo gbɔwɔ ɓa, yɛ mą: ‹A tɛ̨ą, vá ɲɔw Yálá ɓa, ə lɛɛ, vá nu ta mąąwiɛ.

Gɛlaɠaa 20:33

Ɲɛ̨́i hvo kɛ kulɔ li, wali pɔ, hɛni pɔ, ə mą kɛ, nu nwɔ həɠə.

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Dutɛrɔnome 22:18

Daa kalanɉonŋąą da ɉulɔnui tii hon, di ɉutɔɔ.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Zasua 22:14

da kalanɉon bow, yiiɠaa kulɔ nu huwu tɛitɛi kəlee lɔwai, gəlee di ɓo a pɛlɛ́ nąmįną Israɛlə kwəliɠaa hu.

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.