Lɛɛ gbɔwɔ ɓa 18:20 - Yálá laawoo hɛɓɛ (dc)

²⁰ Yɛ́ di kalan a Dɔ́n nwooɠaa da díɓoɠaa, yɛ́ di hiɛ pələ lɛ diɛ, da di túwɔ́ pələ.

Yálá laawoo hɛɓɛ

²⁰ Yɛ́ di kalan a Dɔ́n nwooɠaa da díɓoɠaa, yɛ́ di hiɛ pələ lɛ diɛ, da di túwɔ́ pələ.

Bible

²⁰ Ɣâla ŋɔtɔ̂ŋ-ŋai da ŋɔlia-woo-ŋai lɛ́ ǹûai dîa í berei lɛ́ dîa dí sía la da m̀ɛnii da pɔ̂ri gɛ́i.

Lɛɛ gbɔwɔ ɓa 18:20 ပူးပေါင်းရင်းမြစ်များ

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Lɛɛ gbɔwɔ ɓa 18:16

Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Ɉeremi 42:3

Yai-Laa ə́ wɔ Yálái ə ku tənən dɔɔ, kwa gɛ pələ kɛ ləi?»

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Markə 13:34

Nąąlɔwai kɛ pələ kaa pai kɛi yɛ: Hulɔnu ta yii kɛi li hiɛ ɓa, gɛɛ kulɔi ɲəi bɛlɛ́n ə bɛlɛ́n diɓoɠaa kalihvaɓo nwɔ tínuą diɛ. Ə nu kəlee kɛ kólo tɛɛ bɔ, yɛ bɛlɛ́ laaləi mɛ̨i kaa mun mą: ‹Ə ɲɛ̨i kɛ bɛlɛ́ laaləi.›

Dutɛrɔnome 1:18

A kɛ tii, mɛ̨nįi mąąnɛ̨ɛ̨ ka gɛi, ŋį́ gəlee hon bələ lɛ kaa.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:27

A kɛ tii, lɛɠɛ laa, yɛ́ Yai-Laa gu wɔ Yálái woo kəlee mɛ̨n, mɛ̨nįi lɔpee Yai-Laa gu wɔ Yálái a mo yɛ́, ə́ pənə yɛ́ mo kuɔ, a kɛ tii, ku kaa pai ku wəli tɔɔi mą, kuɔ bɔ mɛ̨nį kɛ.»

Dutɛrɔnome 7:11

Yili ɓa tii, díɓoɠaa, da dɔ́nŋąą, da nɔi hu yíi ɓo pələɠaai gáá dɛɛi ka pɔ háákələi, ka ka yee kanąn diɛ, ka di pɔ mɛ̨nį kɛ.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.