Lɛɛ gbɔwɔ ɓa 18:12 - Yálá laawoo hɛɓɛ (dc)

¹² Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Yálá laawoo hɛɓɛ

¹² Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Bible

¹² Nya ƃe Zɛtulo è kéreŋ sala da sâla da kpɛ́ni-ŋa kùla Ɣâla ma. Eelɔŋ da Eezuɛ núu pɔlɔ-ŋai kélee dí pà a gɛɛ da dîani dí dílaa mii gîe ma Ɣâla ŋɛ́i-tuɛ.

Lɛɛ gbɔwɔ ɓa 18:12 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 26:25

Isaakə ə haláá kulɔi pɛli laa, ə Yai-Laa hvɛli a naa. Ə taa pu laa. Nwɔ luwɔɠaai di yálɔwa tee laa.

Zɛnɛse 26:30

Isaakə ə di ɓɛlɛ hee, di di laamįi, di di kpələ.

Zɛnɛse 31:54

Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Zɛnɛse 43:25

Ɉakɔbə lonnii, ɉąmą tiyɛ̨ɠąąi tii di paa la, di gələə pɛli diɛ Ɉosɛfə paa mąąkpɔn. Daa kɛ mo diɛ, diɛ kɛ mą: «Da diɛni di kaa pai hvóló ŋą kɔ̨nɔ̨n mį́i gee ɓa.»

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Lɛɛ gbɔwɔ ɓa 18:13

Yələɓɔɔ, Moisə ə hee yɛ nuą lɔwai mɛ̨nįɠaa ɓo, nuą di lɛɛ tɔɔni nííla, ə həɠə yələwala pɔ ɓa, ə lɛɛ ɉu, yələ ə wulu.

Lɛɛ gbɔwɔ ɓa 2:16

Ɉaláá laa həli mun ŋɛ̨i kɛ Madian, nonnii nɛ̨ąą di kɛ mɛ̨ihveelɛ, nɛ̨ąą tii di pa ya haɠai di bu daatɛlɛɛɠaa kpələi, di naahvɛɛ, di nąn nwɔ taatɛlɛɛɠaai kpələ mɛ̨nį ɓa.

Lɛɛ gbɔwɔ ɓa 2:20

Di nąn yɛ diɛ: «Nu kpɔ kaa mį? Lə mɛ̨nį ɓa, ka nɛɛ laa kaa pa? 'Ka li ka dəli, ə pa, gwa diɛni gu kɔ̨nɔ̨n mįi.»

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Lɛɛ gbɔwɔ ɓa 24:11

Israɛlə kalanɉonŋaai ti, Yálá hvo mɛ̨nį ɲɔ̨n gɛ a diɛ, di pɛli Yálá kaai, di di laa mįi, di di kpələ.

Lɛɛ gbɔwɔ ɓa 24:5

Yili pulu, ə Israɛlə hilɛlɛa tɔɔ yiliɠaai di Yálá mąąwiɛ haláá kulɔ, di nįŋɛ̨ gbɔnŋaa paa Yai-Laa ɓa a liilaa haláá.

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Lɛɛ gbɔwɔ ɓa 33:7

Moisə ə gelə tɔɔ kwɛa la muwu ɓa, ə naa hee a: Kee kaa kələ. Nui lɔpee a kɛ bɔ ə Yai-Laa kwəi mɛ̨nį kɔ́lɔn, a kulɔ ə li gee kaa kələ mu daa pulu.

Danîa 10:3

Nąąlɔwai tii hu, və́ kɛi kɔ̨nɔ̨n nɛɛ mįi, və́ kɛi huwɔ mįi, ə ma kpɛli kɛ lɔɔ və́ kɛi gbələ, nɔwɔ haaɓai tii kuu mu, və́ kpɛli nwún ɉu pili, və́ kpɛli gɔ́lɔ mąą liihlɛn ɉee.

Lonon mo 10:29

Reuɛlə lon Hobabə, yai kɛ a Madian mun, yɛ ɓo a Moisə mɔ́lɔ; Moisə ə mo mą, yɛ mą: «Ku kaa lii nɔi ɲɛ̨i Yai-Laa ə kɛ yɛ gaa dɛɛi ku pɔ ɉu. Pa gwəli, gwa li, mɛ̨inɛ̨ɛ̨ Yai-Laa aa naakwɛlanmo kuɔ, ə́ ə́ wɔɔ nąą hɔlɔɓo ɉu.»

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 14:15

Yii kɛa Jesus ə kpɛɛ a nwooɠaa tii ɓoɔ, nuąi da diɛni di kɛi kɔ̨nɔ̨n mį́į́ gee ɓa, dɔ̨nɔ̨ ə mo yɛ mą: «Nui pai ɉeei hɔlɔɓo Yálá-taa tɔɔlaa kɔ̨nɔ̨n ma, nwun na nɛ̨ɛ̨i.»

Korɛntə dɔlɔɔ 10:18

'Ká Israɛlə lonnii kaa; nuąi da ɉaláá hɛnŋaa mįi, di yee lɔɔi lɔ gii hu da ɉaláá kulɔi.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 27:7

Ka liilaa halááɠaa kulɔ, kaa ka laa mįi laa; kaa ka kwəinɛ̨ɛ̨ Yai-Laa ka wɔ Yálái lííla.