Lɛɛ gbɔwɔ ɓa 18:11 - Yálá laawoo hɛɓɛ (dc)

¹¹ Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Yálá laawoo hɛɓɛ

¹¹ Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Bible

¹¹ Ŋa nâa gɔ́lɔŋ a gɛɛ Yâwɛɛ kɛ̂tɛi é tɛ́ɛ ŋ̀âla-ŋai kélee ǹûai da kɛ̀ vɛlii dîa. Kpɛ́ni fêi, a ǹûai kula Ize-ŋai yée mu, nyii-ŋai dí díŋɛi nàŋiŋ dímɛi.”

Lɛɛ gbɔwɔ ɓa 18:11 ပူးပေါင်းရင်းမြစ်များ

Tɔɔɓɛlaa dɔlɔɔ 17:24

Nɛ̨ɛ̨nui yɛ Eli ɓa: «Ŋą́ą́ gbaɠala kaa kɛa gbalo mɛ̨nįi ŋɛ̨i pɔ pələ, gɛ́, Yálá nwɔ nu ɓaa a yɛ́. Ɛlɛɛ, mɛ̨nįi ya mo a Yai-Laa laa, tɛ̨ą li.»

Tɔɔɓɛlaa veelɛ 5:15

Ə nɛɛ ɲąąɓa, ə pənə da bɔ nuą kəlee, diɛ li Yálá nwɔ nui pɔ. Naaman ə li ə too Yálá nwɔ nui lííla, yɛ mą: «Yiihui, ŋą́ą́ gɔlɔn gɛ́ Yálá hvo lɔi mɛ̨i nąą takpɛli ɓa, hvo kɛli Israɛlə lɔi hu. Yili ɓa gáá ə́ mąąnɛ̨ɛ̨i gɛ́ ə́ ə́ yee hee ə́ wɔɔ luwɔi nwɔ towələ mu, yai yɛ ə bu ə́ yəi.»

Kɔlɔnikɔ Maa-ŋuŋ 16:25

Mąąhɔlɔɓo, Yai-Laa kɛnɛ̨i, mąąwiɛ ə ɓo mą kɛnɛ̨. Ɲɛ̨i mąą ɲɔwuɔi, gɛnɛ̨ dɛɛ haliɠaa kəlee diɛ.

Kɔlɔnikɔ Veerɛi 2:5

Gbɛɛ kpɔ ɓə hvąŋą a pɛli kɛi ɲəi, yɛ pɛli Pɛlɛ́ tɔɔi mą, a yai tii yələ kɔ́lɔn da yələ kɔ́lɔn mɛ̨i pələ di hva pɛli mui? Ɛlɛɛ, lə kpɔ ɓə níí kpələ gɛ́ pɛli Pɛlɛ́ tɔɔi mą, a wala kɛ kɛ́ diɛ pɛli halááɠaa kələn ɉi Nííla?

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Mąątɛ̨nɛ̨ 119:21

Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Mąątɛ̨nɛ̨ 135:5

A tɛ̨ą, gbaɠala kaa tii mą́ą́, Yai-Laa kɛ̨nɛ̨i, ku Nąmu yee tɛɛi yáláɠaa kəlee diɛ.

Mąątɛ̨nɛ̨ 31:23

Ya pa, ɲą́ą́n gwə́i pilɛɛi kɛ mą́ą́, gɛ́ kɛ diɛ; «Yáá mą́ą́kwɛa ə́ ɲɛ̨ilai ɓa.» Kɛlaa, nwɔ́ hvɛli woo mąąwɛliɛi, ə́ mu hon, ɓɛlɔwai ŋį́ tomą la ə́ pɔ pələ.

Mąątɛ̨nɛ̨ 95:3

Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Lɛɛ gbɔwɔ ɓa 1:10

Ka gu kpaalə ta kwɛli, gu tɛɛ la, di kpulu ta hvo kɛa pɛlɛ mą, ə gɛ, kɔ́ a tee, di hvo pa too gu yowoɠaa pɔ, di hvo kɔ́ pɛlɛ guɔ, di hvo kulɔ ɓɛ nɔi.»

Lɛɛ gbɔwɔ ɓa 1:16

«Ka lɛɛ Hebreu nɛ̨ąą tii ta kwɛlɛ, yɛ kwəinwąną kɛ, non a kɛ a hulɔnu, 'ka baa. Akɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Lɛɛ gbɔwɔ ɓa 14:18

Eziptə nuą kaa pai gɔlɔn ɉii diɛ ɲą́ą́ ɓə gáá a Yai-Laa, ɓɛlɔwai gáá pai nwɔ́ huwalawala laa mąąwiɛi lɛi la Eziptə tɔɔmun, nwɔ wotoloɠaai da ɉoo mɛ̨i nuą diɛ.»

Lɛɛ gbɔwɔ ɓa 14:8

Yai-Laa ə Eziptə tɔɔmun gili walawala, ə həɠə ə hvilɛn Israɛlə lonni pulu. Yaan, Israɛlə lonnii kɛɛ kulɔi Eziptə lɔi hu, di hvo pu.

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Lɛɛ gbɔwɔ ɓa 5:7

«Ka hvo kɛa pa a kala di pɔ, diɛ kpinįi di kɛ lii diɛ gwɛli di kpɔwɔ ɓa diɛ bu bɔlɔ hu.

Lonon mo 33:4

Eziptə nuą kəlee yee ə kɛ di wɔ nuą loo mɛ̨nį ɓa; di lon dɔlɔɔɠaai tii Yai-Laa ə di paa, yɛ nwąną kulɔ la di wɔ haliɠaai diɛ.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.