Lɛɛ gbɔwɔ ɓa 16:15 - Yálá laawoo hɛɓɛ (dc)

¹⁵ Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Yálá laawoo hɛɓɛ

¹⁵ Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Bible

¹⁵ Tãi Eezuɛ-ŋai dí gàa lai, dí díkîe-ni marê kɛ̀ dîyɛɛi, “Lé ƃé ŋí?” Kpɛ́ni fêi, dífe kɛ́ ní a gɔ́lɔŋɔɔ. Nya ƃe Mose è mò dîa ǹyɛɛi, “M̀ii-sɛŋ ká tí Yâwɛɛ a dɛɛ kápɔ mìi mɛ̂ni mai.

Lɛɛ gbɔwɔ ɓa 16:15 ပူးပေါင်းရင်းမြစ်များ

Nehemi 9:15

Ə́ pulu kulɔ diɛ, a yələi pələ kɔ̨nɔ̨n, ə́ kpələ wɛli kulɔ diɛ, a yai ə́ gulɔ kwɛni hu, ə́ mo diɛ, yɛ diɛ nɔi ə́ naakwɛlanmo diɛ, yɛ́ ə́ kwɛla la, di pa di hee ɉu.

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Mąątɛ̨nɛ̨ 105:40

Di vɛli, ə haɉaliɠaa tɛɛ di pɔ, ə di pilɛ a yələi pələ kɔ̨nɔ̨n.

Mąątɛ̨nɛ̨ 78:24

Ə manə kulɔ yələi yɛ bu a di kɔ̨nɔ̨n, ə kɔ̨nɔ̨n dɛɛ di pɔ, yɛ kulɔ yələi pələ.

Lɛɛ gbɔwɔ ɓa 16:31

Israɛlə lonnii di ɉɛn ti laa hee a mannə. Mannə ə kɛ yɛ mąlaan ɲa, gbuwulu kɛɛ, gwəlɛɛ, nɛ̨ɛ̨ nu la yɛ da nwɔmįi pɛli a kwɛin nwulɔ.

Lɛɛ gbɔwɔ ɓa 16:33

Moisə yɛ Aarɔn ɓa: «Hɛn ɲąŋą ta həɠə, ə́ manə kəgən ɉu tɔ̨nɔ̨ həɠə, ə́ bu ɉɛnɲąŋąi ti hu, yili pulu, ə́ ɉee Yai-Laa lííla, ka naa hɔn mo ka huwu hu nuą mąą mɛ̨nį ɓa.»

Lɛɛ gbɔwɔ ɓa 16:4

Yai-Laa yɛ Moisə ɓa: «Gáá pai kɔ̨nɔ̨n dɛɛi ka pɔ yɛ həɠə yələi. Nuą kaa pai kɛi kulɔi a yələ kəlee, diɛ hvóló tɛitɛi kɔ̨nɔ̨n ɉəɠə, gáá pai ka hukɔɔn ɉii ti, akɛ di kaa pai hiɛi a nwɔ́ tɔ́n nwooi, a wala kɛ ti, a kɛ di hvo pai hiɛi la!

Hanwon 9:5

«Ka pa ka nwɔ́ kɔ̨nɔ̨n mįi, nɔɔi ŋį́ bɛli, ka gbələ.

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Lukə 12:30

Nuąi di hvo laa li Yálá la, diɛ ɓə da yiliɠaai kwɛli mɛ̨nį niihɛlɛn ɉee. Kɛlaa, ka wɛi, ka nąn ə ka mąą kpaan gɔlɔn.

Ɉaan 6:49

Ka kalapɔlɔni di manə mįi nɔi pun ɉu, di haa.

Ɉaan 6:58

Gɔ̨nɔ̨n ka kalapɔlɔni di mįi nɔi pun ɉu, di haa; kɛlaa, gɔ̨nɔ̨n ŋɛ̨i həɠə yələi nwɛi, nu a da mįi a yɛnɛ̨ɛ̨i kpɛɛ hvo mą hɔlɔɓo.»

Korɛntə dɔlɔɔ 10:3

Di kəlee di Yálá-taa kɔ̨nɔ̨n mįi,

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Zasua 5:12

Nɔi tii di lɔ ɉu, ɉu hɛn da mįi di mo, yili ɓə gɛ manə yɛ kpəla puɔɔ ɓa. Mąą yələ laa ɓoɔ, manə hvo kɛa pu; nɔi tii hu kɔ̨nɔ̨n mə Israɛlə lonnii di kɛi mįi a gwɛlan tii.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»