Lɛɛ gbɔwɔ ɓa 15:26 - Yálá laawoo hɛɓɛ (dc)

²⁶ Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Yálá laawoo hɛɓɛ

²⁶ Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Bible

²⁶ Ǹyɛɛ diai, “À kɛ̀ kà ŋ̀óo mɛ̀ni kpɔ́ a ǹɛ́lɛɛ ńyãa Yâwɛɛ Káɣâlai, ka mɛni-ŋai kɛ́ ŋá ŋ̀wɛ̂lii ká gɛ́i ká ŋátɔ̂ŋ-ŋai kélee mɛi káa, gɛ̀ ní fé pâi tɔ̂ŋ kpɛ̂i kâa a gɔlɔ-fela sîi ŋai ŋá dɛ̀ɛ Ize-ŋai mɛni mai. Ńyãa ƃa Yâwɛɛ nyii káƃaloi.”

Lɛɛ gbɔwɔ ɓa 15:26 ပူးပေါင်းရင်းမြစ်များ

Tɔɔɓɛlaa dɔlɔɔ 11:33

Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Tɔɔɓɛlaa dɔlɔɔ 11:38

Mɛ̨nįɠaa kpɔ gáá pai naai ə́ nwuɔ̨, yá ə́ wəli tɔɔ diɛ, yá hiɛ nwɔ́ pələɠaa hu, mɛ̨nįi ɉaŋąą ɲɛ̨́i ɓa yɛ́ gɛ, ə́ yee ə ɓo nwɔ́ tɔ́n nwooɠaai da nwɔ́ tiɓoɠaa diɛ, yɛ bələi nwɔ́ tímun Davidə ə gɛ la, ŋą́ kɛ ə́ pɔ, ŋą́ pɛlɛ́ tɔɔ yɛ́, a nwalawalaa yɛ bələi ŋą́ dɔɔ la Davidə ɓa; ŋą́ Israɛlə tɛɛ ə́ pɔ,

Tɔɔɓɛlaa veelɛ 2:21

Elise ə kulɔ ə li ɲá nwun gulɔi pələ, ə gboloi tii taɠa laa yɛ mą: «Yai-Laa yɛ diɛ: ‹Ŋą́ą́ ɲái ŋɛ̨i mąąhəɠə, hvo kɛa pai nu ta paai, gaa pai nɔi lɛlɛi hihɛnŋąą diɛ.›»

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Tɔɔɓɛlaa veelɛ 22:2

Ɉosiasə ə hiɛ a ɉaŋąą Yai-Laa ɲɛ̨i ɓa, ə hvilɛn gbɔlɔɔ gala Davidə nwɔ pələi mɛ̨i, hvə li ŋɛ̨i hvo li ŋɛ̨i.

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Mąątɛ̨nɛ̨ 103:3

Ya ɓə a ə́ hɔn gəlee mąąhvaalɛɛ kpɔ tɛ̨ɛ̨tɛ̨ɛ̨, yɛ ə́ mąą ɲɔ̨n gəlee kpɛɛ.

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Mąątɛ̨nɛ̨ 81:9

Nwɔ́ nu huwu, ə́ wəli tɔɔ, ŋį́ ə́ kilaa pɔ̨nɔ̨, Israɛlə a kɛ yá ə́ wəli tɔɔ nwóó ɓa!

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Ɉeremi 11:7

Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Ɉeremi 17:24

Yai-Laa yɛ: Káá ŋɛ̨i, ka ka wəli tɔɔ a nɛlɛɛ, ka wala tɛɛ a tiɛ̨ daa ŋɛ̨i gbonŋaa laaləi, ka wala kóló huwui lɔpee da kɛ a mąą yələi, kaa vįitɔɔ yələ mąąhəɠə,

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Izikiɛ 18:5

«Tələnmo mun da akɛi túwɔ a ɉaŋąą, a gwəi kwəlɛɛ,

Osia 11:3

Ya pa ɲą́ą́ ɓə Ɛfraimə mąąkwɛli hiɛ ɓoɔ ɓa, gɛ́ ɉon a ɲee, kɛlaa, di hvo gɔlɔn ni diɛ kɛ ɲą́ą́ ɓə di mąą mɛ̨nį kaa mą́ą́.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Dutɛrɔnome 12:25

Ka hvo da mįi, bələ ɓə ka káá pai kɛi la nwunnąnɛ̨ɛ̨ hu. Kaa-oo, ka lonnii-oo, ka haa pulu. Hvo gaai, mɛ̨nį ɉaŋąą Yai-Laa ɲɛ̨i ɓa ya ka tii ka káá pai gɛi.

Dutɛrɔnome 12:28

Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.

Dutɛrɔnome 28:58

«Ka wala tɔɔ a ka nwąnąąi, kaa dɔ́n ŋɛ̨i bɛ̨ɛ̨ ɉɛɓɛ́i ŋɛ̨i hu, kaa ɉu wooɠaa kəlee kɛ, kaa ɲɔw naa ɓa, yii mąąwia mąą ɲɔuwɔ, naa tii ɓaa: ‹Yai-Laa›, ka wɔ Yálá.

Dutɛrɔnome 28:60

Mɛ̨nį nwąnąąɠaai ka kɛi ɲɔw diɛ Eziptə lɔi hu, a pənə ə yili laa kaa, diɛ kanąn kaa.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 7:15

Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.