Lɛɛ gbɔwɔ ɓa 14:28 - Yálá laawoo hɛɓɛ (dc)

²⁸ Ɲá ə pənə ə hiɛ di mɛ̨i, diɛ, di wɔ wotoloɠaai da tɔɔmun nwɔ hoo mɛ̨i nuąi, diɛ kpɔ tii lɛɛ Israɛlə pulu di lɔ ɲái, dɔ̨nɔ̨ kpɛli hvo kulɔ.

Yálá laawoo hɛɓɛ

²⁸ Ɲá ə pənə ə hiɛ di mɛ̨i, diɛ, di wɔ wotoloɠaai da tɔɔmun nwɔ hoo mɛ̨i nuąi, diɛ kpɔ tii lɛɛ Israɛlə pulu di lɔ ɲái, dɔ̨nɔ̨ kpɛli hvo kulɔ.

Bible

²⁸ Ǹyái è pà pôlu é sia géleŋ-ŋai mɛi da zoo sia-ƃelai é pɛ́lɛ máŋ Gâloŋ ŋɔkɔ-kuluƃa-ŋai kélee dîa, nyii-ŋai lɛ̀ɛ Eezuɛ-ŋai pôlui ǹyái sui. Ǹúui dɔnɔ kpîŋ fé kula ni zu.

Lɛɛ gbɔwɔ ɓa 14:28 ပူးပေါင်းရင်းမြစ်များ

Zɛnɛse 50:9

Wotolo kpulu kɛnɛ̨ ə kɛ nuąi tii pulu, nąą mąąwiai kpɔ kɛ kɛnɛ̨.

Zɛnɛse 7:18

Ɲá ə hvɛɛ, ə tɛ lɔi mɛ̨i nąą kəlee, gələn yɛ ɓo ɲa ŋą.

Kɔlɔnikɔ Veerɛi 20:24

Ɓɛlɔwai Ɉuda nuą di həli la ɲee nwuɔ̨, ɓɛi nu yá kɛ laa yɛ́ nɔi pun ɉu kaa, di tínɛ̨n di gɔ́laɠai tii mɛ̨i kaa, nu powa a pu, dɔ̨nɔ̨ kpɛli hvo kɛ ɉu a vúlu.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Mąątɛ̨nɛ̨ 106:22

Yɛ kwɛlɛɛn mɛ̨nįɠaa kɛ Kamə nwɔ lɔi hu, da mɛ̨nį mąą ɲɔwuɔɠaa Vəəngbɔ̨nɔ̨ gboloyá kwɛlɛ.

Mąątɛ̨nɛ̨ 136:15

Ə Faraɔn da nwɔ kɔ́ laɠái di pili gboloyá kpɔlu hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 78:53

Ə kɛi li a diɛ a nɛlɛɛ, di hvo kɛi ɲɔw, gboloyá ə hiɛ la di yowoɠaa mɛ̨i.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Lɛɛ gbɔwɔ ɓa 15:10

Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Lɛɛ gbɔwɔ ɓa 15:19

Eziptə tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą, di lɔ gboloyá hu, Yɛ́ ɓə ɲá hiɛ di mɛ̨i. Kɛlaa, Israɛlə lonnii di wɛi, di ɲá teen a di kɔ́wɔ mąą kpalaa.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Dutɛrɔnome 11:4

mɛ̨nįi ə naa Eziptə kɔ́kulááɠaa diɛ, di wɔ hooɠaa da di wɔ kɔ́ wotoloɠaa diɛ, ə veen gbɔ̨nɔ̨ gboloyá yali ə naa di mɛ̨i, ɓɛlɔwai di hvilɛn na ka pulu. Yai-Laa ə di nwun na pili kpɔ tɛ̨ɛ̨tɛ̨ɛ̨.

Hebreu 11:29

Laa na laa háálai ɓə, Israɛlə lonnii di gboloyá kpɔlu teen na a di kɔ́wɔ mąą kpalaa, ya pa, Eziptə nuąi kɛ bɔ di ɉukɔɔn, ɲá ə di mɛ̨i kpulu.

Nwun mąąɓo 4:16

Barakə ə hvilɛn gɔ́ kɔ́ wotoloɠaa da gɔ́laɠaɠaa pulu, ə həli kpɔ Harosɛtə-Goimə lɔi hu, Sisera nwɔ kɔlaɠaɠaai kəlee di lɛɛ a kɔ́ kɔ́ ɓɔwa kɔ̨nɔ̨n, da lɔpee hvo kulɔ ɉu.