Lɛɛ gbɔwɔ ɓa 14:10 - Yálá laawoo hɛɓɛ (dc)

¹⁰ Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Yálá laawoo hɛɓɛ

¹⁰ Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Bible

¹⁰ Tãi Gâloŋ è lɛ̀ɣɛ la a Eezuɛ-ŋai, dí Ize-ŋai kàa díkɛ pà dîa. Dí kɛ̀ yaôi. Nya ƃe dí wɔ̀lɔ Yâwɛɛ ma.

Lɛɛ gbɔwɔ ɓa 14:10 ပူးပေါင်းရင်းမြစ်များ

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Mąątɛ̨nɛ̨ 106:44

Ə di wɔ mɔ̨nɔ̨i kaa, a ɓɛlɔwai ə di tómą woo mąn na.

Mąątɛ̨nɛ̨ 107:13

Di lɛɛ di wɔ mɔ̨nɔ̨i tii hu, di wɔlɔ Yai-Laa ɓa, ɛlɛɛ, ə di ɓalo, ə di kulɔ di wɔ kwəipili mąą mɛ̨nįɠaa hu;

Mąątɛ̨nɛ̨ 107:19

Di lɛɛ di wɔ mɔ̨nɔ̨ɠaai tii hu, di tomą Yai-Laa pɔ pələ, Yai-Laa ə di ɓalo, ə di kulɔ di kwəi pilimąą mɛ̨nįɠaai tii hu.

Mąątɛ̨nɛ̨ 107:28

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, Yai-Laa ə di kulɔ di wɔ liihɛlɛn gɛnɛ̨i tii hu.

Mąątɛ̨nɛ̨ 107:6

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, ə di kulɔ di wɔ liihɛlɛn mɛ̨nįɠaai hu;

Mąątɛ̨nɛ̨ 34:17

Yai-Laa a kɔ́ pɛlɛ mɛ̨nį ɲɔ̨n gɛ nuą diɛ, əgɛ, ə di laa kili kpɛɛ nuą ŋą.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Lɛɛ gbɔwɔ ɓa 13:17

Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Lɛɛ gbɔwɔ ɓa 15:25

Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Ɉeremi 22:23

Yɛ́i kɛ heeni Liɓan, yáá ə́ taa tɔɔ Liban kpitiliɠaa hu. Ə́ ɲiŋɛ hiɛ ka tii, mɔ̨nɔ̨ɠaai pai laai yɛ́ di yəi, yɛ kwəi nwąną kɛ nɛ̨ɛ̨nu nwɔ mɔ̨nɔ̨.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Zasua 24:6

Ŋį́ ka nąnni kulɔ Eziptə lɔi hu, ka həli gboloyá ɓa, Eziptə nuą di hvilɛn ka nąnni pulu diɛ di kpɛ, a wotoloɠaa da hoo gilɛ həɠə nuą, ə lɛɛ ɉu di həli la veegbɔnɔ gboloyá ɓa.

Zasua 24:7

Nąąlɔwai, ka nąnni di tomą Yai-Laa pɔ pələ, yili ə nąląąn ɉu kpinɛ̨ɛ̨ pɛlɛ ka lɔwai ka Eziptə nuą, əgɛ, gboloyá ə hiɛ di mɛ̨i, ə di mɛ̨i kpulu. Mɛ̨niɠaai ŋį́ naa Eziptə ɓa, ka nąą kaa. Ka lamun nɔi pun ɉu a ɉu kwɛa.

Zɔ̂ŋ Maa-ŋuŋ 4:18

Ɲɔw hvo wɛlikɛmąą laa hu. Kɛlaa wɛlikɛmąą laa kpɔ-kpɔɔ a ɲɔw pili bulu, mąąhɔlɔɓo hutɔɔ mɛ̨nį ɓə ɲɔw a kulɔ ɉu, ɛlɛɛ, nui a ɲɔw, mąą mɛ̨nį laa hvo kulɔ li wɛlikɛmąą laa hu.