Lɛɛ gbɔwɔ ɓa 12:48 - Yálá laawoo hɛɓɛ (dc)

⁴⁸ «‹Nwɛ̨ąi gaa ka yəi bɛlɛ́n, a kɛ bɔ ka diɛni ka ɉɛlii tii pu a Yai-Laa mąąwiɛ mɛ̨nį, hvo kɛ li di, ɉinąą hee kɛ́nɛ̨ ɓa. Yili pulu ɓa ɓə ka diɛni ka pɛli ka ɉɛli pu la gee ɓa; ə kɛ lɔ yɛ nɔi lon da. Kɛlaa nui gɛ́nɛ̨ hvo kɛ li hvo da mįi.

Yálá laawoo hɛɓɛ

⁴⁸ «‹Nwɛ̨ąi gaa ka yəi bɛlɛ́n, a kɛ bɔ ka diɛni ka ɉɛlii tii pu a Yai-Laa mąąwiɛ mɛ̨nį, hvo kɛ li di, ɉinąą hee kɛ́nɛ̨ ɓa. Yili pulu ɓa ɓə ka diɛni ka pɛli ka ɉɛli pu la gee ɓa; ə kɛ lɔ yɛ nɔi lon da. Kɛlaa nui gɛ́nɛ̨ hvo kɛ li hvo da mįi.

Bible

⁴⁸ À kɛ̀ ŋɔ̃ya káa íyêei nyii ŋ̀wɛ̂lii a gɛɛ ka dia-ni ká dɛɛ-mɛi kûui kúlai, fɛ̂ɛ dí ŋɔpɛ́rɛ mu kpakolo-ŋai kélee sée kpono-mɛi. Gɛ̀ ní a pɔ̂ri pâi kápɔ ka dia-ni ká gûui kúla. Ǹyaŋ fɛ̂ɛ ká tûa la yɛ̂ɛ lɔii-loŋ. Kɛ́lɛ kpakolo nyii kélee vé see-ni kpono-mɛi, vé gúu mii-sɛŋ ŋí da mìi.

Lɛɛ gbɔwɔ ɓa 12:48 ပူးပေါင်းရင်းမြစ်များ

Zɛnɛse 17:11

Gɛ́nɛ̨ mɛ̨nįi tii ɓə pai kɛi gwa kaa ni gu lɔwai a nwɔ́ mįnɛ̨ mąą pɔɔ kɔ́ɔn.

Zɛnɛse 17:12

Ə həɠə yiihu ɓa, ə lɛɛ la ɉu kɛa lɔwai kəlee, ka lon ɉulɔnu hɔlɔɓo, voló mɛ̨ihaaɓa yələ, ka ɉee kɛ́nɛ̨ ɓa, ə mą kɛ a luwɔ lon yii hɔlɔbo ka yee bɛlɛ́n, ə mą kɛ a yii ka ɲa, hvo a ka huwu ta, ka gəlee hee kɛ́nɛ̨ ɓa.

Lɛɛ gbɔwɔ ɓa 12:19

«Hvóló mɛ̨ihveelɛ yee mu, lɛɠɛ tɛ hɛn da hvo kɛ ka yəi bɛlɛ́n, nui lɔpee a kɔ̨nɔ̨n da mįi lɛɠɛ tɛ hɛn ə ɓo ɉu, da naa kulɔ Israɛlə lonnii laa pɔ; ə kɛ a Israɛlə lonnii ta, ə kɛ a nwɛ̨ą.

Lɛɛ gbɔwɔ ɓa 12:43

Yai-Laa yɛ Moisə da Aarɔn diɛ: «Bələi mąąnɛ̨ɛ̨ ka pakə hɛli pu la, bələ ka: «‹Mąą hvo nɛ̨ɛ̨li nwɛ̨ą lɔpee hvo da mįi.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Izikiɛ 44:9

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Nwɛ̨ąi lɔpee a kɛ́nɛ̨ kpolɔwa, gili mąą kuu hvo kɛ li, da kɛ́nɛ̨ kpolɔwa gɔlɔ pɔ pələ, hva lɔ nwɔ́ kɛɛnąą mąąhəɠɛɛi ɓa; nwɛ̨ąąi tii Israɛlə lonnii lɔwai, di ta lɔpee hva lɔ laa.»

Izikiɛ 47:22

Ka nɔiɠaa kɔ́ a kpɛɛn, ka wɛi da nweai da hee ka kɔ́wɔ mɛ̨i; ɛlɛɛ, da lonŋąąi di di kaa ka lɔwai. Mąąnɛ̨ɛ̨ ka di hon yɛ nɔi lon da Israɛlə nu huwui lɔwai. Ka diɛni ka nɔi kɔ́ a kpɛɛn, da Israɛlə nu huwu kəlee.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Lonon mo 9:14

Akɛ nwɛ̨ąi gaa heeni ka kɔ́wɔ mɛ̨i, akɛ bɔ ə pakə hɛli pu Yai-Laa laa hu, bələi lɔ pakə hɛli mąą tɔ́n gaa la, bələ lɔ ɓə a gɛ la. Ɓɛlaɓo hva kɛ ka wɛi pu pələ da nwɛ̨ą nwɛi pu pələ di lɔwai.»

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.