Lɛɛ gbɔwɔ ɓa 12:29 - Yálá laawoo hɛɓɛ (dc)

²⁹ Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Yálá laawoo hɛɓɛ

²⁹ Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Bible

²⁹ Yâwɛɛ è Ize lɔii su-lonii sinaai maa-ŋuŋ-ŋai kélee pàa a kpíni sáma, é síɣe Gâloŋ ǹóŋ-surɔ̂ŋ màa-ŋuŋ mâ nyii kɛ̀ pâi bɔ́ɔ ŋá siɣêi, é seri pêlesinɛi nyii gáa gbini-pɛrɛ mui ǹóŋ-surɔ̂ŋ màa-ŋuŋ ma é pɛ́lɛ daa-tulɛ-ŋai kélee dílônii maa ŋuŋ-ŋai nyii-ŋai kɛ́ a dísirɛi dîa.

Lɛɛ gbɔwɔ ɓa 12:29 ပူးပေါင်းရင်းမြစ်များ

Zɛnɛse 15:14

Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Zôo 34:20

Di haa pələ kaa lɔ tanɔ̨n kpinį tɔ̨nɔ̨ yeemu, nuą da di ɲąąkpɔn, di naa kɛ ɉuwu ɉuwu, di taɠa laa, a tɔɔmun kulɔ tɔɔ kpəlin ɉu ə doo, yii nu ta yee hvo ɉu.

Mąątɛ̨nɛ̨ 105:36

Ə lon doloo tolooɠaa kəlee paa nɔi, a diɛi ti a di ląŋą lonnii.

Mąątɛ̨nɛ̨ 135:8

Ya ɓə Eziptə lɔi hu lon dɔlɔɔɠaa paa, ə həɠə nukanŋaa pɔ, ə həli la daatɛlɛɛɠaa pɔ.

Mąątɛ̨nɛ̨ 136:10

Ə Eziptə hutɔɔ a non doloo tolooɠaai ə di paa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 78:50

Hvo ɲee pulu lɛɛ nwɔ liiholii kulaa hu, hvo hɛn da lɛɛ a vúlu; ə di wɔ yɛnɛ̨ɛ̨ lɛɛ lɔi kala ɲɔ̨nŋaa yəi.

Mąątɛ̨nɛ̨ 78:51

Ə Eziptə lon dɔlɔɔɠaa kəlee kɛlɛ, ə di laŋą lonnii tɔlɔɔɠaa paa, Kamə nwɔ pɛlɛ́ɠaai mu.

Lɛɛ gbɔwɔ ɓa 11:1

Yai-Laa yɛ Moisə ɓa: «Gáá pai mɛ̨nį nwąnąą gbəli laai Eziptə tɔɔmun ma da nwɔ nuą kəlee. Yili pulu, gaa pai ɓoi kaa, ka kulɔ di wɔ lɔi hu. Di kaa pai ka kpɛi kpɔ tɛ̨ɛ̨tɛ̨ɛ̨, ka kulɔ di wɔ lɔi hu.

Lɛɛ gbɔwɔ ɓa 12:12

«Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Lɛɛ gbɔwɔ ɓa 12:28

Israɛlə lonnii kəlee di li, di di yee pɛlɛ goló ɓa, di gɛ kpɔlɔ yɛ bələi Yai-Laa ə Moisə da Aarɔn di tí la.

Lɛɛ gbɔwɔ ɓa 13:15

Eziptə tɔɔmun ə ganąn bili ku mɛ̨i, hvo kɛi gɛ ku hvo kulɔ nwɔ lɔi hu. Nąąlɔwai, Yai-Laa ə Eziptə nuą lon dɔlɔɔɠaa kəlee paa, ə mą kɛ di yəi taatɛlɛɛ lon dɔlɔɔɠaa kəlee. Mɛ̨nįi gɛi kuɔ huwɔ lon dɔlɔɔɠaa tɛɛ Yai-Laa pɔ, kuɔ lon ɉinąą dɔlɔɔɠaa nwun mąąɓo yaa li.›

Lɛɛ gbɔwɔ ɓa 4:23

Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»

Lɛɛ gbɔwɔ ɓa 9:6

Mąą yələ laa ɓoɔ, mɛ̨nį tii Yai-Laa ə mo, ə gɛ. Daatɛlɛɛɠaai kpɔ kɛ Eziptə nuą yəi, gəlee di haa. Kɛlaa, Israɛlə lonnii di wɛi dɔ̨nɔ̨ kpɛli hvo haa.

Azaya 24:22

Di kaa pai di pui di kee mɛ̨i nowa hu, di ɓo a luwɔɠaa; diɛ di lɔ gaho ŋą, ɛlɛɛ, ɉu a kwɛa, di di kiti tee.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Azaya 51:14

Nui kɛ tooni a hviikpɛɛ, ya ka muhəɠəi, hvo pai haai, kámą nwɔ mɛ̨nį hvo mą, ɛlɛɛ, hvo pai hvɛɠɛi kɔ̨nɔ̨n ɉu.

Ɉeremi 38:13

di Ɉeremi yala a gɔ́tɔ́yɛli, di gulɔ ɲálɔwa hu. Ɉeremi ə lɛɛ dɔɔ pɛlɛ́ mąąkpɛ nuą yəi gwəlii.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Habakukə 3:5

Ɲɔ̨n gaa ɲɛ̨ tɔwɔ yɛ hiɛ, ɓɛi a tɛɛ laa, ɉiɉi ə lɛɛ nąą pulu.

Zakari 9:11

Ə́ wɛi, mįnɛ̨i gwa yɛ́ gu ɉəɠə a ɲąmą, nowai yá hvo ɉu, gáá pai ə́ wɔ luwɔɠaai kulɔi ɉu.

Lonon mo 3:13

Mąąhɔlɔɓo, lon dɔlɔɔ kəlee kaa a nwɔ́ɔ́; ə həɠə ɲələi ŋį́ Eziptə nuą lon ɉinąą dɔlɔɔɠaa paa la, Israɛlə lonnii hinąą dɔlɔɔ kəlee kaa a nwɔ́ɔ́, ə mą kɛ daatɛlɛɛ lonnii dɔlɔɔ da nu kan nonnii dɔlɔɔɠaa. Ɲą́ą́ ɓə gáá a Yai-Laa.»

Lonon mo 33:4

Eziptə nuą kəlee yee ə kɛ di wɔ nuą loo mɛ̨nį ɓa; di lon dɔlɔɔɠaai tii Yai-Laa ə di paa, yɛ nwąną kulɔ la di wɔ haliɠaai diɛ.

Lonon mo 8:17

Mąąhɔlɔɓo, nwɔ́ɔ́ ɓaa, Israɛlə lon dɔlɔɔɠaa kəlee; yɛi kɛ a nu kan, yɛi kɛ a taatɛlɛɛɠaa. Ɲələi ŋą́ lon dɔlɔɔɠaa paa la Eziptə lɔi hu, ɲələ ɓə ŋį́ Israɛlə lon dɔlɔɔɠaa kɛ la a nwɔ́ɔ́.

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.