Lɛɛ gbɔwɔ ɓa 12:27 - Yálá laawoo hɛɓɛ (dc)

²⁷ Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Yálá laawoo hɛɓɛ

²⁷ Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Bible

²⁷ Ka m̀ó dîa kâa, ‘Gáa a Kúnuu-namui Ŋɔtɛɛ-mɛi sala. Kpɛ́ni fêi, è tɛ̀ɛ Eezuɛ ŋai dípɛrɛ-ŋai mɛi Ize lɔii su a tãi è Ize-ŋai pàa lai. È kúpɛrɛ-ŋai maa láai.’ ” Nya ƃe ǹûai dí pɛ̀lɛ díŋume ŋá dí Ɣâla fɛ̀li.

Lɛɛ gbɔwɔ ɓa 12:27 ပူးပေါင်းရင်းမြစ်များ

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Veerɛi 20:18

Ɉosafatə ə kwɛli hvilɛn, ə pɛlɛ nɔi ɓa. Ə kɛ lɔ tii, Ɉuda nuą da Ɉerusalɛmə nuą kəlee di pɛlɛ nɔi ɓa di kwɛli hvilɛn Yai-Laa ɓa.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Nehemi 8:6

Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Mąątɛ̨nɛ̨ 44:1

Wələ ɲɛ̨itɔwɔmun, Kore lonnii di wɔ kililaa pono wələ woo.

Mąątɛ̨nɛ̨ 78:5

Ə Ɉakɔbə hiɛ pələ lɛ mą, ə tɔ́n naa Israɛlə lɔi hu, dɔ́n ti ə kɛi ku nąnni kpaan; diɛ mɛ̨nįɠaai tii lɛ di lonnii diɛ.

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Lɛɛ gbɔwɔ ɓa 12:11

Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Lɛɛ gbɔwɔ ɓa 12:28

Israɛlə lonnii kəlee di li, di di yee pɛlɛ goló ɓa, di gɛ kpɔlɔ yɛ bələi Yai-Laa ə Moisə da Aarɔn di tí la.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:8

«Ka kɛi ɉɛlii ti pu, mąąnɛ̨ɛ̨ ka ɉukulɔ ka lonnii diɛ, kaa diɛ: ‹Ku kulɔi ŋɛ̨i Yai-Laa ə mo luwɔlaa hu Eziptə, mąą hɛlii ka ŋɛ̨i ku kaa bui.›

Lɛɛ gbɔwɔ ɓa 34:25

«'Hvo taatɛlɛɛ haláá kulɔ mą́ą́ a lɛɠɛ yii dɛ hɛn gaa ɉu. Mąą hvo nɛ̨ɛ̨li taatɛlɛɛɠaai da baa a pakə hɛli, da hvo lɛɛ yələ hvo ɓɔ mą.

Lɛɛ gbɔwɔ ɓa 34:8

Moisə ə nɛɛmą ə pu nwungbəla, ə gwɛli hvilɛn.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Korɛntə dɔlɔɔ 5:7

'Ká nɛɠɛ tɛ hɛn bɔlɔ pɔlɔi tii kulɔ kani káá, káá pɛli kɛi a lɛɠɛ yɔwɔɔ nįnɛ̨; hvo gaai, ká tɛ hɛn və ká hu, mąąhɔlɔɓo, Kristə ŋɛ̨i a guɔ tɛɛ nwun mɛ̨i haláá hɛn, daa baa.

Dutɛrɔnome 16:2

Ka pakə hɛli haláá kulɔ a nįŋɛ̨, a taatɛlɛɛɠaa, Yai-Laa ka wɔ Yálái ɓa. Ka gɛ tii, ɓɛi ŋɛ̨i Yai-Laa ka wɔ Yálái kaa pai ɲeekpiɛ lɛi laa, yɛ naa hee laa.

Dutɛrɔnome 16:5

Daaɠaa ŋɛ̨i Yai-Laa ka wɔ Yálá ə dɛɛ ka pɔ, mąą hvo nɛ̨ɛ̨li ka hvo pakə hɛli pu da hu.