Lɛɛ gbɔwɔ ɓa 12:14 - Yálá laawoo hɛɓɛ (dc)

¹⁴ «Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Yálá laawoo hɛɓɛ

¹⁴ «Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Bible

¹⁴ Fɛ̂ɛ ŋ̀elei ŋí é kɛ́ káyêei a kili-too-ŋa ɣele, ká ziɣe a kúu kɛ́-ɣele Yâwɛɛ mɛni ma. Fɛ̂ɛ ká suu kélee é ŋ̀elei ŋí mɛi káa ká ziɣe a ɣele kɛ́tɛ wɔ́lɔ-wɔlɔ da wɔ́lɔ-wɔlɔ.”

Lɛɛ gbɔwɔ ɓa 12:14 ပူးပေါင်းရင်းမြစ်များ

Tɔɔɓɛlaa veelɛ 23:21

Tɔɔmun Ɉosiasə ə mo nɔi nuą kəlee diɛ, yɛ diɛ: «Ka Yai-Laa ka wɔ Yálá nwɔ pakə hɛlii pu naa hu, yɛ bələi bɛ̨ɛ̨ la mįnɛ̨ hɛɓɛ́ hu.»

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 135:13

Yai-Laa, di kaa pai kɛi ə́ laa ɓoi a yələ kəlee, Yai-Laa, ə́ laa kili kaa pai lɛɛi nuą ɲą, ɲɛ̨n deei hvo mą.

Lɛɛ gbɔwɔ ɓa 12:17

«Ka ka yee kanąn lɛɠɛi dɛ hɛn və ɉu nwɔ hɛli ɓa. Mąąhɔlɔɓo, ɲələ ɓə ŋį́ ka kulɔ la Eziptə lɔi hu. Ka ka yee kanąn vólói tii ɓa, kaa ɉɛli pu la a kwɛlan nwoo kwɛlan, gaa pai kɛi ka mɛ̨i a tɔ́n hva ɉəɠə mą.

Lɛɛ gbɔwɔ ɓa 12:24

'Ka ka yee kanąn mą, kaa, ka ka lonnii a yələ kəlee mɛ̨nį.

Lɛɛ gbɔwɔ ɓa 12:43

Yai-Laa yɛ Moisə da Aarɔn diɛ: «Bələi mąąnɛ̨ɛ̨ ka pakə hɛli pu la, bələ ka: «‹Mąą hvo nɛ̨ɛ̨li nwɛ̨ą lɔpee hvo da mįi.

Lɛɛ gbɔwɔ ɓa 12:6

Ka ɉon, a lɛɛ ka yəi, ə lɛɛ ɉu, ɲąnin nwɔ hvóló pow gɔw nąąn ɲələ, yələwulii pɔ, nu kəlee ə nwɛi paa.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 5:1

Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Izikiɛ 46:14

Yii a Yálá kɔ́ mɛ̨nį yələ wala pɔ tɛi tɛi, da Eifa ɓɛlaɓo ɉu mɛ̨ida, yá gɔ́ a ɉeei tɔ̨nɔ̨; nwulɔ nwɛi, da hin ɓɛlaɓo ɉu haaɓa, ə́ ɉeei tɔ̨nɔ̨ tɛɛ a nɛɠɛ hunwɔ yɔwɔ hɛn. Yai-Laa kɔ́ hɛn ni, yili kaa a yələ kəlee tiɓo, kpɛɛ hvo mą.

Levetekɔ 23:6

«Ɲąnin tii nwɔ hvóló pow kɔ́w lɔɔli yələ ɓə gaa a lɛɠɛi dɛ hɛn və ɉu nwɔ hɛli, Yai-Laa nwɔ li. Hvóló mɛ̨ihveelɛ yee mu lɛɠɛi dɛ hɛn və ɉu, ya ɓə ka mįi.

Zakari 6:14

«Ɲąąwooɓo kálán nwɛi, gaa lɔ pai kɛi Yai-Laa hvɛli pɛlɛ́ mu, a yii a Hɛldai, Tovia, Yedaya di kili too hɛn nuą ŋą, ɛlɛɛ yɛ Sefania lon nwɔ mɛ̨nį lɛlɛ pələ kili too nuą ŋą.»

Lonon mo 10:8

«Aarɔn lonnii a ɉaláá laa həli nuą, diɛ ɓə da dúlúɠaai tii hvɛɛ. Dúlú mɛ̨nįi tii kaa pai kɛi ka yíi pələ hu, mąą hva hvalin.

Lonon mo 15:15

Yɛ bələi ka káá la kɛa a kpulu tɔ̨nɔ̨, ɉɛnŋąą laakwɛlanmo pələ kaa lɔ tanɔ̨n ka yəi, ə kɛ a nwɛ̨ą, ə kɛ a taa hee. Ka wɔ yii pələ ta li hva ɉəɠə mą, ə mą kɛ ka mąą nwɛ̨ąą.

Lonon mo 18:8

Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Maafîu 26:13

Gáá moi kaa a tɛ̨ą, ɓɛi lɔpee di kaa pai kɛi mą́ą́ wəlɛɛ lɛlɛɛ laa həli la, di kaa pai nɛ̨ɛ̨nu ŋɛ̨i mąą mɛ̨nį ɓoi, diɛ nwɔ mɛ̨nį lɛlɛɛ mɛ̨nį ɓo.»

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 6:8

Ka di kpulɔn ka yee kwaną, a di kili too pələ ka ŋą; ka di yili ka tɔwɔla.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Samuɛlə dɔlɔɔ 30:25

Ə həɠə ɲələi tii ɓa, ə yili kɛ a Israɛlə nwɔ tɔ́n da ɉiɛ pələ ta ə lɛɛ, gaa nii mą, ə mą kɛ yiihu.