Lɛɛ gbɔwɔ ɓa 1:7 - Yálá laawoo hɛɓɛ (dc)

⁷ Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Yálá laawoo hɛɓɛ

⁷ Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Bible

⁷ Kɛ́lɛ Eezuɛ-ŋai dí ƃûu ƃò dí táma dí ǹɔii láa fɛ́ɛ, wála-wala kɛ́ ƃò díyêei.

Lɛɛ gbɔwɔ ɓa 1:7 ပူးပေါင်းရင်းမြစ်များ

Zɛnɛse 1:20

Yálá yɛ nwɔ̨nɔ̨ diɛ: «Gɛ́ yáɠaa di huwɔ huwu tamąą kulɔ, ɛlɛɛ, nwɛ̨niɠaa di koon yələ kwəi!»

Zɛnɛse 1:28

Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 26:22

Di həɠə nwɔ̨nɔ̨ laa, di li di ɲálɔwa ɉaaɓanąą tee, yili nwɛi, hvaa hvo tee ɉu. Isaakə ə nąą laa hee a: Rehovotə, mukulaa ɓaa a: «ɲee kɔ́nwɔ̨n ɉu kɛnɛ̨». Mąąhɔlɔɓo, Isaakə ə kɛ diɛ: «Yai-Laa aa ku ɲąąnɛ̨ɛ̨, ə gɛ, ku yee kɔ́nwɔ̨n ɉu ə kɛnɛ̨ ɓɛ nɔi.»

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Zɛnɛse 47:27

Israɛlə pai ə mo Eziptə da ɲəi bɛlɛ́n nuą, Gosɛn ɓə di hee laa. Di hɛn ɉɔlɔɓo, di lonŋąą kaa, di huwu hu ə kɛnɛ̨.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Zɛnɛse 48:4

Yɛ mą́ą́: ‹Gáá pai ə́ kwəi nwun ɉii, ə́ huwu ə ɓɛlɛ, ŋį́ ə́ kɛ a nu kpulu kɛnɛ̨. Nɔi ŋɛ̨i ə́ kaa ɉu ɓɛi, gáá pai dɛɛi ə́ huwu pɔ a nwɔɔ a yələ kəlee mɛ̨nį.›

Zɛnɛse 9:1

Yálá ə lúwɔ́ too Noe da non ɉinąą diɛ, yɛ diɛ: «Ka ka káá, ka lɔi mɛ̨i laa hvɛɛ.

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Mąątɛ̨nɛ̨ 105:24

Yálá ə nwɔ nu huwui hu kɛ̨nɛ̨ lɔ poto poto, di hvąŋą ə tɛɛ di yowoɠaa diɛ.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Lɛɛ gbɔwɔ ɓa 1:12

Kɛlaa, bələi lɔ di kɛi di laanɔ̨nwɔ̨ ɓo la, bələ lɔ ɓə di kpulu hu ə kɛi kɛnɛ̨ la, diɛ tamą, bələ lɔ ɓə di wɛli ə kɛi kpɛɛ la Eziptə nuą diɛ.

Lɛɛ gbɔwɔ ɓa 12:37

Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Lɛɛ gbɔwɔ ɓa 5:5

Ka tamą mɛ̨nį nɔi ɓə ka káá bɔ ka ka kwɛli tee la, ka góló hu kala?»

Izikiɛ 16:7

Ŋą́ ə́ huwalawala, yɛ kpomói kala tiliin; ə́ gbala tɔɔ kɛa ə́ hu yɛ hvɛɛ, yɛ́ kɛnɛ̨; ə́ lɛlɛ kɛa naai və kɛ mą; ə́ ɲįnįɠaa di tɔɔ kɛa, ə́ ləɠaɠaa di kulɔ; kɛlaa həɠə hvo kɛ yɛ́; ə́ kɛ lɔ a ə́ kpuɠulu.

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 26:5

Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.