Egaa 2:7 - Yálá laawoo hɛɓɛ (dc)

⁷ Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Yálá laawoo hɛɓɛ

⁷ Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Bible

⁷ Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Egaa 2:7 ပူးပေါင်းရင်းမြစ်များ

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Tɔɔɓɛlaa dɔlɔɔ 8:10

Ɓɛlɔwai ɉaláá laa həli nuą di kɛi kulɔ la gɛɛnąą mąąhəɠɛɛ ɓa, tulɔ kpinįn ə Yai-Laa nwɔ pɛ́lɛ́i mu hvɛɛ.

Tɔɔɓɛlaa dɔlɔɔ 8:11

Ə lɛɛ ɉaláá laa həli nuą di hvo pɛli góló kɛ pələ kaai dulɔ kpinįn tii ɓa. Mąąhɔlɔɓo, Yai-Laa nwɔ mąąwiɛ bɛlɛ́ laahvɛɛ.

Kɔlɔnikɔ Veerɛi 5:14

Ɉalaa laa həli nuą di hvo kɛli pɛli di wɔɔ mąątii kɛi dúlɔ kpįnįn tii mąą mɛ̨nį ɓa, gbala ə tɔɔ, Yai-Laa mąąɲįnɛ̨n aa kɛ Yálá nwɔ pɛ́lɛ laa hvɛɛ.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Azaya 2:19

Ka lɔ gwɛni woloɠaa hu, ka lɔwa tee ka lɔ ɉu, ə gɛ, Yai-Laa nwɔ liiɲąnwąnąai pai, ka pu ka həɠə dɔwɔ, ka ka mąąkilɛ nwɔ nwąną kulɔ vaŋąi tɔwɔ, ɓɛlɔwai gaa pai muhəɠəi la, lɔi hutɔɔ mɛ̨nį ɓa.

Azaya 60:4

'Ə́ ɲɛ̨i hee, 'ə́ kwɛlɛ kaa, di kəlee, di kaa di ɲąą kpɔn ɉii, diɛ pa ə́ pɔ, ə́ lon ɉinąą kaa həɠəi kwɛaala, diɛ pa, daa ə́ lonnɛąą pɛlɛ kpɔ di pulu a nwala walaa.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Izikiɛ 31:16

Ŋą́ lɔiɠaa mąą kpɛlin, doo tin ma; ɓɛlɔwai ŋą́ ɲɛɛ laa haa nuą taa, da nuąi daa yɛɛ nowa hu, lɔi mu pələ lɔiɠaa hu, Edɛn wuluɠaa kəlee lii ə laa. Wuluɠaa, Liban wulu nɛlɛɛɠaa, a diɛi tii da kɛ ya pui diɛ,

Izikiɛ 38:19

A tɛ̨ą, ya ka tii gáá moi, lɔi a kpɛlin a gɛnɛ̨ Israɛlə lɔi hu, nwɔ́ tolo kulɔ pələ ɓa da nííholi pələ ɓa.

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Egaa 1:8

Ka tɛ ɲeeɠaa tona, ka wulu tee, ka pa ka bɛlɛ́i ŋɛ̨i muhəɠə la, yili ɓə a gwə́inɛ̨ɛ̨, ŋą́ mąąwiɛ hɔlɔɓo, ɲą́ą́ Yai-Laa, nwóó li.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lukə 19:47

Jesus ə kɛi nuą kalan hvóló kəlee Yálá hee pɛlɛ́ mu. Ɉaláá laa həli nuą kpɛa-kpɛaɠaa, tɔ́n galamɔ̨ɔ̨ɠaa da nɔi kalanɉonŋaa di kɛi baa pələ kwɛli.

Lukə 2:27

Yálá nwɔ Kilii ə gɛ Simeɔn ə pa Yálá hee pɛlɛ́ mu. Nąąlɔwai, Jesus nwɔ nuą di ɉəɠə di paa la, əgɛ, mɛ̨nį dɔ́n di bɔ mɛ̨nį kɛ.

Lukə 2:46

Voló haaɓa yələ, də li di gaa Yálá hee pɛlɛ́ mu, ɉiɛ Ɉuifə kalamɔ̨ɔ̨ɠaa lɔwai, nwəli tɔɔ di woo ɓa, ɛlɛɛ, yɛ di mąąni kɛ.

Lukə 20:1

Hvóló ta, Jesus ə kɛi nuą kalan Yálá hee pɛlɛ́ mu, yɛ wɛlɛɛ lɛlɛɛ hukulɔ nuą diɛ. Ɉaláá laa həli nuą, tɔ́n galamɔ̨ɔ̨ɠaa da nɔi kalanɉonŋąą di pa.

Lukə 21:38

Nuą kəlee di kɛi pa yələ wala pɔ Yálá hee pɛlɛ́ mu, əgɛ, di di wəli tɔɔ Jesus woo ɓa.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.