Egaa 2:19 - Yálá laawoo hɛɓɛ (dc)

¹⁹ Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Yálá laawoo hɛɓɛ

¹⁹ Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Bible

¹⁹ Ka kákili ŋá sía: Mɔlɔŋ káa nii gêrei su? Kákpɔmɔ-ƃa-kpalaŋ, káfîi wuru-ŋai, kátulê-wuru-ŋai da káwɔlɔ-wuru-ŋai dífe niî kɛ́ ní ƃâi? É síɣe sâa ma, ŋa pâi kɛ̂i nâa lûwa lâai kâa.

Egaa 2:19 ပူးပေါင်းရင်းမြစ်များ

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zôo 39:12

Ə́ kaa pai ə́ nii laa mɛ̨i ə́ wɔ hɔlɔɓo hɛn mɛ̨nį hu? Yɛ́ ə́ wɔ kɔ̨nɔ̨n gələi laa hvaa.

Mąątɛ̨nɛ̨ 133:3

Gaa yɛ nɛ̨nɲái a yɛɛ a Hɛrmɔn yee, yɛ yɛɛ Siɔn yeeɠaa nwuɔ̨. Nąą ɓə Yai-Laa ə naa gwəi, yɛ lúwɔ́ kɛ laa; a yíinɛ̨ɛ̨i kpɛɛ hvo mą!

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Zooɛ 1:12

Viɲəɠaa daa kpɛɛ ɉu. Mɔɔlaa wuluɠaa daa hvilingbɛ ɲɛa wuluɠaa kəlee daa kpala. Grenadə wuluɠaa, tow wuluɠaa, daa pomə wuluɠaa kəlee. Nuą kwəinɛ̨ɛ̨ mɛ̨nįɠaa daa kpɛɛ.

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Egaa 1:11

Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Dutɛrɔnome 15:10

Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Dutɛrɔnome 28:22

Yai-Laa kaa pai huhaa ɲɔ̨n, kwɛlɛ ɲɔ̨n, kɔ́lɔ kələn mąą, da kwəi kulɔ ɲɔ̨n bɛlɛi kaa, yɛ ka wɔ tíiɠaai kala, ɲɔ̨nŋąą tii da lɛɛ ka pulu, ə lɛɛ ɉu, di ka nwun na pili.