Dutɛrɔnome 9:6 - Yálá laawoo hɛɓɛ (dc)

⁶ Mąąnɛ̨ɛ̨ ka gɔlɔn kaa kɛ, ka haŋą bələ hvəi gɛ Yai-Laa ka wɔ Yálái yɛ nɔi lɛlɛɛ ŋɛ̨i tɛɛ la ka pɔ. Ka káá a nu huwu nwun ɉu walawalaa.

Yálá laawoo hɛɓɛ

⁶ Mąąnɛ̨ɛ̨ ka gɔlɔn kaa kɛ, ka haŋą bələ hvəi gɛ Yai-Laa ka wɔ Yálái yɛ nɔi lɛlɛɛ ŋɛ̨i tɛɛ la ka pɔ. Ka káá a nu huwu nwun ɉu walawalaa.

Bible

⁶ Yâwɛɛ fé ǹɔii lɛ́lɛɛi ŋí tɛɛ̂i kápɔ kásɔŋ lɛ́lɛ mɛni ma. Kákaa a ǹûai nyii dílii su kpanaŋɔɔ̂i.

Dutɛrɔnome 9:6 ပူးပေါင်းရင်းမြစ်များ

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Lɛɛ gbɔwɔ ɓa 32:9

Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Izikiɛ 2:4

Nu huwu nwun nwala walai tii, da gili wala wala nuąi tii ɓə gáá ə́ tɔɔi di pɔɔli, yɛ́ diɛ: ‹Ną́mu Yálá woo ka!›

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 36:22

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ka mąą mɛ̨nį hvəi gáá mɛ̨nįi ŋɛ̨i kɛi la, kaai a Israɛlə lonnii; kɛlaa, gáá gɛi tii, náá mąąhəɠɛɛi ka mɛlɛ too nɔiɠaai ka li di hu, mąą mɛ̨nį ɓa.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Dutɛrɔnome 10:16

Yili ɓa, ka ka kpɔɔ lɛɛ kan Yai-Laa ka wɔ Yalai yee kɔ́nma, ka hvo tɔɔ na.

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 9:13

Ɛlɛɛ Yai-Laa yɛ mą́ą́: «Ŋą́ą́ nuą tii kaa, nu huwu nwun ɉuwalawalaa ɓaa diɛ!

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.