Dutɛrɔnome 9:3 - Yálá laawoo hɛɓɛ (dc)

³ Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Yálá laawoo hɛɓɛ

³ Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Bible

³ Kɛ́lɛ ka láa la a gɛɛ Káɣâlai ƃé pâi tɔɔ̂i kátuɛ. Gáa yɛ̂ɛ kwaa ma kara ŋɔŋ. A pâi gɛ̂i ká dísoŋ ká dísu kara yɛ̂ɛ berei è góno tèe lai.

Dutɛrɔnome 9:3 ပူးပေါင်းရင်းမြစ်များ

Lɛɛ gbɔwɔ ɓa 23:23

«‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Azaya 27:4

Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Mise 2:13

Nui wolo ɓɔ daa mąąkpɛ hį́í ɓa, aa tɛɛ di ɲɛ̨i tɔwɔ, daa wolo ɓɔ ɉį́i ɓa, daa tɛɛ a pɛlɛ́ laaləi tɔ̨nɔ̨, daa kulɔ nąą bələ, di wɔ tɔɔmun aa tɛɛ di ɲɛ̨i tɔwɔ, Yai-Laa ɓə di nwun na.

Maafîu 15:10

Yili pulu, ə nu kpului tii təli yɛ diɛ: «Mɛ̨nįɠaa ŋɛ̨i gáá moi kaa, ka ka wəli tɔɔ ka mɛ̨n a nəlɛɛ.

Markə 7:14

Yili pulu ə nu kpului tii təli, yɛ diɛ: «Ka kəlee ka ka wəli tɔɔ mą́ą́, ka nwóó ŋąą kaa.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Dutɛrɔnome 7:16

Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Dutɛrɔnome 7:22

Yai-Laa ka wɔ Yálái gaa pai nu huwuɠaa tii hu kalai a bɛlɛɛ pɛlɛɛ ka ɲɛ̨i tɔwɔ. Hvo pai nu huwui tii kpɛɛi ɲąąɓa; ə gɛ, lɔwɔ huwɔɠaa di hvo pa tamą di hvo hee ka hu.

Dutɛrɔnome 9:6

Mąąnɛ̨ɛ̨ ka gɔlɔn kaa kɛ, ka haŋą bələ hvəi gɛ Yai-Laa ka wɔ Yálái yɛ nɔi lɛlɛɛ ŋɛ̨i tɛɛ la ka pɔ. Ka káá a nu huwu nwun ɉu walawalaa.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Zasua 11:12

Ɉosue ə daaɠaa kəlee hon, da ɉu tɔɔɓɛlaa, ə di kɛ a kɔ́ kɔ́ ɓɔwa kɔ̨nɔ̨n da daai nuą kəlee, yɛ bələi Yai-Laa nwɔ tímun Moisə ə mo la.

Zasua 11:8

Yai-Laa ə di lɔ Israɛlə yee ŋą, di yee ə tɛɛ diɛ. Di hvilɛn di pulu, di lɛɛ di kpɛi, di həli Sidɔn kɛnɛ̨mun ma Misrefotə-Maimə, da Mispe ɲɛɛ kɔ́wɔ hu, voló ɓɛlai pələ. Ɉosue yee ə tɛɛ diɛ, di hvo kpɛli nu tɔ̨nɔ̨ kpɛli lɛɛ a vulú.

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

Zasua 3:11

Lɔi kəlee Nąmu nwɔ mįnɛ̨ kəhi kaa pai tɛɛi ka tɔwɔ Ɉurdɛn yá hu.

Zasua 3:14

Ɓɛlɔwai Israɛlə lonnii di kulɔ la di wɔ həɠə pɛlɛ́ɠaa mu, əgɛ di ɲá teen, ɉaláá laa həli nuąi ŋɛ̨i mįnɛ̨ kəhi ə kɛ di yəi, di kɛ nuą tɔwɔ.

Nwun mąąɓo 4:14

Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.