Dutɛrɔnome 9:12 - Yálá laawoo hɛɓɛ (dc)

¹² Nąąlɔwai Yai-Laa yɛ mą́ą́: «Ə́ muhəɠə, ə́ kɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Yálá laawoo hɛɓɛ

¹² Nąąlɔwai Yai-Laa yɛ mą́ą́: «Ə́ muhəɠə, ə́ kɔɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Bible

¹² “È mò ḿâ ǹyɛɛi, ‘Ye lí pôlu ǹyeei kwára, kpɛ́ni fêi, ínûai í díkùla Ize lɔii sui daâ kɛ́ fili támaa kɛ̂i. Mɛni-ŋai ŋá mò diai daâ gula díwôlii dí kɛ́ ɣâla da kpɛ́ni-ŋa kpɛtɛ díkpîŋ mɛni ma.’

Dutɛrɔnome 9:12 ပူးပေါင်းရင်းမြစ်များ

Mąątɛ̨nɛ̨ 78:57

Di di pulu tinɛ̨n, di di pulu tɔɔ Yálá ɓa, yɛ di nąnni; di yali di pulu, yɛ kilɛn ɲɛli a tee.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Galatə 1:6

Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Dutɛrɔnome 4:16

Yili ɓa, ka hvo tɔɔ, kaa ka kpɔwɔ ɓowo a hɛn da mąą nįnįn bɛliɛ, kaa kɛ Yálá mąą nįnįn ni; ə kɛ a hɛn ɉilɛ, a wala kɛ tii, ɉaa;

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Dutɛrɔnome 9:16

Ŋą́ gaa kpɔ tii, kaa kɛ nɛ̨ŋɛ̨n ɉəɠə Yai-Laa ka wɔ Yálái ɓa; a gɛ mɛ̨nį ka kwɛli həɠeen, kaa nįŋɛ̨ lon bɛli la; ɛlɛɛ, ɉu hvo mą kɛ kwɛa li, bələi Yai-Laa ə nɛ kaa, kaa mąn həɠə mɛ̨i.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.

Nwun mąąɓo 2:17

Kɛlaa, di hvo kpɛli kɛi di wəli tɔɔ di nwun mąąɓo nuąi woo ɓa, mąą hɔlɔɓo, di kɛi lɔ kwɛli hvilɛn haliɠaa diɛ, di lɛ̨ą kpɔlɔ tii, bələi di nąnni di kɛi hiɛ mɛ̨i, mą; diɛi kɛi Yai-Laa nwɔ liɛwooɠaai hon.