Dutɛrɔnome 9:1 - Yálá laawoo hɛɓɛ (dc)

¹ Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.

Yálá laawoo hɛɓɛ

¹ Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.

Bible

¹ “Óo Eezuɛ-ƃelai, ka káwoli tɔ́ɔ. Kaâ pá Zɔdiŋ Ya-leei tiyenîi ká núu kpaya-kpaya wála-wala-ŋa dílɔii ŋuŋ-ŋai síɣe. Ǹûai ŋí wála-wâlaai é tɛ́ɛ kâa. Ǹɔii ŋuŋ-ŋai ŋí su taa-lee-ŋai maa tínaŋɔɔ̂i a siɣãŋ-ŋa zeriɛɛ ŋ̀ele-kɔ̂lɔŋ su.

Dutɛrɔnome 9:1 ပူးပေါင်းရင်းမြစ်များ

Zɛnɛse 11:4

Yili pulu, di mo di kee ɓa diɛ mą: «Ka gu taa tɔ̨nɔ̨ tɔɔ a pɛlɛ, yɛ həli yələkɔlɔn ma, ə gɛ, gu laa ə kɛ mą, ɛlɛɛ, ə gɛ, gu hvo pa taɠa taɠa lɔi mɛ̨i nąą kəlee.»

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Danîa 4:11

Ə kɛi tomą kpɔ a nwoo kɛnɛ̨ yɛ kɛ mą: Ka nwului ŋɛ̨i pɔn, ka ɉonwoɠaa hu tee, ka naa kulɔ ma, ka maɠaa hu taɠa-taɠa. Ɉuwɔɠaai da kɛ pɛlɛi mu, di taɠa-taɠa. Nwɛ̨niɠaa diɛ kpɛli, di kulɔ naa hu, di taɠa-taɠa.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Lonon mo 33:51

«'Mo Israɛlə lonnii diɛ, yɛ́ diɛ: «Ka pa Ɉurdɛn teen ɉii, ka lɔ Kanaan lɔi hu,

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 11:23

Yai-Laa kaa pai nu huwuɠaa tii kəlee hu kalai ka ɲɛ̨i tɔwɔ. A nu huwu kpulu kɛnɛ̨ɛ tii, di hvaŋą kɛnɛ̨ di tɛɛ kaa; ka káá pai di wɔ lɔi kulɔi di yəi.

Dutɛrɔnome 11:31

Ka hvo gaai, ka káá pai Ɉurdɛn yá teen ɉii, kaa li heei nɔi tii Yai-Laa ka wɔ Yálá kaa pai dɛɛi ka pɔ ɉu. Ka káá pai gɛɛnąą tii hɔlɔɓoi a ka kwɛlin, ka hee laa.

Dutɛrɔnome 27:2

Ɲələi ka káá pai Ɉurdɛn yá teen ɉii la, nɔi ŋɛ̨i Yai-Laa ka wɔ Yálái ə dɛɛ ka pɔ, kaa li ɉu, ka kwɛni kpuwulu kpɛa kpɛaa həɠə, ka di tɔɔ, ka di kwələ a wee.

Dutɛrɔnome 3:18

Nąąlɔwai ɓə ŋį́ mɛ̨nįi ŋɛ̨i ɓo la kaa, gɛ́ kaa: «Yai-Laa ka wɔ Yálái ɓə nɔi ŋɛ̨i tɛɛ ka pɔ a ka wɔɔ. Kaai kpɔ a gɔ́kulááɠaa, ka Ɉurdɛn teen, ka ka hąą yili, ka tɔɔ ka nąn nonnii Israɛlə nuą tɔwɔ.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 4:38

Nu huwu kpɛa kpɛaɠaa, di hvaŋą kɛnɛ̨ɛ, di tɛɛ kaa, ə di wɔ lɔi kulɔ di yəi, yɛ dɛɛ ka pɔ, kaa hee ɉu a ka wɔɔ, yɛ bələi gaa la háákələi.

Dutɛrɔnome 6:10

Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 1:11

«Ka tɛɛ daa nąą kəlee, kaa nuą diɛ: ‹Ka kɔnɔ̨nŋaa pɛli, mąąhɔlɔɓo hvóló haaɓa yeemu, gu kaa pai Ɉurdɛn yái ŋɛ̨i tee ɉii, nɔi ŋɛ̨i Yai-Laa ka wɔ Yálá ə dɛɛ ka pɔ ka nąą hɔlɔɓo a ka wɔɔ.›»

Zasua 1:15

ə lɛɛ ɉu, Yai-Laa ə hvįįtɔɔ tɛɛ di pɔ, yɛ kaa, di di wɔ lɔi hɔlɔɓo diɛ kpɛli. Nɔi ŋɛ̨i Yai-Laa ka wɔ Yálá ə dɛɛ ka pɔ ɉu. Yili pulu, ka pənə ka pa, ka hee ka wɔ lɔi hu, ɓɛi Yai-Laa nwɔ tímun Moisə ə nąą tɛɛ ka pɔ a ka wɔɔ Ɉurdɛn yá pulu voló həɠəi pələ.»

Zasua 14:12

Ɲee ŋɛ̨i tɛɛ kɛa bɔ́, ya ɓə Yai-Laa ə vaa ɓo a volói tii. Kɛlɛi ə́ bələ mɛ̨n a yələ ta diɛ kɛ Anakə nu huwu kaa laa da taa kpɛa-kpɛa, di mąą tínɛ̨n ŋąą a hįi. Kɛlaa, Yai-Laa a tɔɔ búlu, gáá pai di kpɛi laa, gɛ́ hee laa, yɛ bələi Yai-Laa ə mo la.»

Zasua 3:14

Ɓɛlɔwai Israɛlə lonnii di kulɔ la di wɔ həɠə pɛlɛ́ɠaa mu, əgɛ di ɲá teen, ɉaláá laa həli nuąi ŋɛ̨i mįnɛ̨ kəhi ə kɛ di yəi, di kɛ nuą tɔwɔ.

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Zasua 3:6

Ɉosue ə mo ɉaláá laa həli nuą diɛ, yɛ diɛ: «Ka mįnɛ̨ kəhi həɠə, ka tɛɛ la nuą tɔwɔ. Di mįnɛ̨ kəhi həɠə, di tɛɛ la nuą tɔwɔ.»

Zasua 4:19

Ɲąnįn dɔlɔɔ nwɔ hvóló pow yələ ɓə Israɛlə lonnii di Ɉurdɛn teen na, di muwu pu Gilgalə, Ɉeriko voló həɠəi pələ.

Zasua 4:5

yɛ diɛ: «Ka tɛɛ Yai-Laa ka wɔ Yálá nwɔ mįnɛ̨ kəhi tɔwɔ, ka li Ɉurdɛn hąąi, nu tɛi tɛi ə kwɛni kpuwulu tɛi tɛi həɠə ə naa galan ŋą, yɛ bələi Israɛlə huwu tɛi tɛi lonɔɔ kaa la.