Dutɛrɔnome 8:2 - Yálá laawoo hɛɓɛ (dc)

² Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Yálá laawoo hɛɓɛ

² Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Bible

² Berei Káɣâlai Yâwɛɛ è káteniŋ tɔ̀ɔ la vɛ̃ɛ-kpâlaŋ su a góraŋ buu náaŋ maa mɛni kíli é lɛ́ɛ káŋa. È gɛ̀ ká kɛ́ a maa yeŋ-ƃela é su-kɔɔŋ tɛɛ kápɔ a gɛɛ é kálii su kɔ́lɔŋ à kɛ̀ ka pâi ŋɔtɔ̂ŋ-ŋai mɛi kâai.

Dutɛrɔnome 8:2 ပူးပေါင်းရင်းမြစ်များ

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Kɔlɔnikɔ Veerɛi 32:31

Yili ɓə gɛ, ɓɛlɔwai di Babilonə kalanɉonŋąą tɔɔ la diɛ pa di woo pilii mą, ɛlɛɛ, gbalo mɛ̨nįi kɛ nɔi, di mąąni kɛ kɛ ɉu, Yálá ə Ezekiasə lɛɛ laa, əgɛ, ə ɉukɔɔn yɛ pɛli gwəi mɛ̨nį kəlee kɔ́lɔn ɉii.

Kɔlɔnikɔ Veerɛi 33:12

Yii kɛa Manase ə kɛ mɔ̨nɔ̨ hu, ə nɛɛ mą, ə nwɔ Yálái Yai-Laa təli, ə gbɔwɔ mąąyɛɛ kpɔ kɛnɛ̨ nąnni di wɔɔ Yálái lííla;

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Nehemi 9:19

Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Zôo 33:17

ə gɛ, nu ə həɠə nwɔ túwɔ́ pələ ɲɔn bulu, ə lɛɛ, diɛ ɲɔw kpɔɔ ŋąą kɛnɛ ɓa.

Mąątɛ̨nɛ̨ 103:2

Nį́i, Yai-Laa mąąwiɛ, 'Hvó lɛ̨ą ɲəi mɛ̨inɛ̨ɛ̨ ta lɔpee ɓa.

Mąątɛ̨nɛ̨ 106:7

Ku nąnni di hvo yɛ́ kwɛlɛɛn mɛ̨nįɠaai, mukulaa kɔ́lɔn ni, Eziptə lɔi hu. Di lɛ̨ą yɛ́ mɛ̨inɛ̨ɛ̨ɠaa tamąą diɛ, di di kwɛli tee Veengbɔ̨nɔ̨ gboloyá kwɛlɛ.

Mąątɛ̨nɛ̨ 136:16

Ə li a nwɔ nuąi nɔi pun ɉu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 77:11

Gɛ́ diɛ, nąą ɓə nwɔ́ mɔ̨nɔ̨i ə həɠə laa. Hééɓo Gəlee Nąmu aa ɲee mąąhvalin.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Lɛɛ gbɔwɔ ɓa 15:25

Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

Lɛɛ gbɔwɔ ɓa 16:4

Yai-Laa yɛ Moisə ɓa: «Gáá pai kɔ̨nɔ̨n dɛɛi ka pɔ yɛ həɠə yələi. Nuą kaa pai kɛi kulɔi a yələ kəlee, diɛ hvóló tɛitɛi kɔ̨nɔ̨n ɉəɠə, gáá pai ka hukɔɔn ɉii ti, akɛ di kaa pai hiɛi a nwɔ́ tɔ́n nwooi, a wala kɛ ti, a kɛ di hvo pai hiɛi la!

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Lonon mo 14:33

Ka kwəi lonnii di kaa ka wɔ túwɔ́ pələ ɲɔ̨n tii ɉu mɔ̨nɔ̨ mįi kwɛlan bow nąąn ɲee mu, ə lɛɛ ɉu ka powa ə too ɓɛ nɔi pun ɉu.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Dutɛrɔnome 1:3

Israɛlə lonnii kulaa Eziptə lɔi hu, kwɛlan bow nąąn dɛɛ pulu, ɲąnin bow kɔ́w tɔ̨nɔ̨ nwɔ hvóló dɔlɔɔ yələ ɓə mɛ̨nįi Yai-Laa ə mo Moisə ɓa, yili ə naa həli la Israɛlə lonnii diɛ.

Dutɛrɔnome 1:33

A yai tii kɛ ka tɔwɔ bələ pɔ, yɛ ka hviitɔɔi kwɛli. Ə kɛ nwɔ̨n nən ɉu kwiihɛ̨ą, bələi ka kɛi hiɛ ɉu, yɛ ɉu pɔ̨nɔ̨ ka tɔwɔ. Hvóló ŋą, a kɛ tulɔ kpinįn ɉu.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Dutɛrɔnome 29:5

Lɛɠɛ hvəi kɛ a ka kɔ̨nɔ̨n, lɔɔ da hɛn a nu nwun ɉu tinɛ̨n, ya hvəi kɛ a ka kpələ yá. Mąą nɛ̨ɛ̨i kɛ ka gbaɠala kaa, kaa diɛ: Ɲą́ą́ gáá a Yai-Laa ka wɔ Yálá.

Dutɛrɔnome 32:7

Ə́ kiliŋąhiɛ tɔwɔ-tɔwɔ hvólóɠaa hu, Gwɛlanŋąąi daa tɛɛ, ə́ kiliŋąhiɛ diɛ! Ə həɠə kpɔ tɔwɔtɔwɔ yələ ɓa, ə́ nąnni mąąnikɛ, da nɛ yɛ́. Ka wɔ kalanɉonŋąąi mąąnikɛ, da ɉukulɔ yɛ́.

Dutɛrɔnome 7:18

Ka hvo ɲɔw diɛ, mɛ̨nįɠaa kpɔ Yai-Laa ka wɔ Yálái ə gɛ Eziptə tɔɔmun da nwɔ lɔi hu nuą diɛ, yili nąą kili ə too ka ŋą.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Zĩi 1:3

'Ká kili ə pu kani ɉu, káá, hukɔɔn mɛ̨nįɠaai a həli ká wɔ laa na laa ɓa, a kɛ a ɉuwalawala hɛn.

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Nwun mąąɓo 2:22

Bələ ɓə gáá pai Israɛlə hu kɔ́ɔn ɉii la, akɛ di kaa pai hvilɛn ɉii Yai-Laa pulu, yɛ bələi wɔlɔ di nąnni di gɛ la.

Nwun mąąɓo 3:4

Yai-Laa ə Israɛlə hu kɔ́ɔn a nu huwuɠaai tii, ə gɛ, ə gaa a kɛ di kaa pai Yai-Laa nwɔ tɔ́nŋaa hon ɉii, yaa tii wɔlɔ ə dɛɛ Moisə pɔ, yɛ nɛ di nąnni diɛ.