Dutɛrɔnome 7:26 - Yálá laawoo hɛɓɛ (dc)

²⁶ Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Yálá laawoo hɛɓɛ

²⁶ Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Bible

²⁶ Káfe pà a ɣâla-pɔkɔɔŋ-ŋa kápɛrɛ-ŋai mu. Náɣaŋ káa dîa. Ka gɛ̀ tí, náɣaŋ a pâi kɛ̂i kâa. Ka díkelee díkereŋ.

Dutɛrɔnome 7:26 ပူးပေါင်းရင်းမြစ်များ

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Izikiɛ 11:18

Di kaa pai pai laa di gili kpɛɛ ɲəi mɛ̨nįɠaa da mowo mɛ̨nįɠaai tii kəlee kulɔ laa.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Lomaŋ 2:22

Yɛ́ kɛ diɛ: Nu hvo wɛli hon, yɛ́mun, yɛ wɛlikɛ. Yɛ́ kɛ: Hali wɛli hvo yɛ́, yɛ́mun, yɛ́ hali kɔi hɛnŋąą nwuɔ̨!

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.