Dutɛrɔnome 7:24 - Yálá laawoo hɛɓɛ (dc)

²⁴ Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Yálá laawoo hɛɓɛ

²⁴ Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Bible

²⁴ A pâi díkâloŋ-ŋai tɛɛ̂i kápɔ, ǹyaŋ ka pâi dísu-karai. Núu da fé pâi pɔ̂rii kɔ̂i kápɔ. Ka pâi díkelee dísu-karai.

Dutɛrɔnome 7:24 ပူးပေါင်းရင်းမြစ်များ

Mąątɛ̨nɛ̨ 9:5

Mąąhɔlɔɓo, ə́ mą́ą́ mɛ̨nį ɓo, ə́ nwɔ́ tɛ̨ą ɓo, ə́ ɓo heeni, yɛ́ tɔɔkpəlin hu, Yɛ́i a giti teemun ɉaŋąŋąą.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Sofoni 1:4

Gáá pai ɲéé pɛlɛi Ɉuda nuą, da Ɉerusalɛmə nuą diɛ. Hɛn kpɔ gaa gɛɛnąą tii a Baalə nwɔɔ, ŋą́ gəlee hukala, ə mą kɛ, a nuąi kɛi tí mą, da di wɔɔ haláá laa həli nuą, ŋą́ gəlee laa kpɛɛ.

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Korɛntə dɔlɔɔ 15:57

Káni kookwəi! 'Ká gu Yálá hɛɠɛɛɓo, yai aa yeetɛɛmąąlaa tɛɛ gu pɔ gu gu Ną́mu Jesus Kristə háálai.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Dutɛrɔnome 25:19

A kɛ tii Yai-Laa ka wɔ Yálái a pa hvįįtɔɔ tɛɛi ka pɔ, yɛ ka kulɔ ka yowoɠaa kəlee yəi nɔi hu, a nɔi Yai-Laa ka wɔ Yálái kaa dɛɛi ka pɔ a ka kwɛlin yɛ ka hee ɉu; Amalɛkə laa kulɔ yələkɔlɔn mu; ka hvo lɛ̨ą yili ɓa.

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Dutɛrɔnome 9:14

Nɛ́ɛ́ laa ŋį́ di nwun na pili, gáá di laa kpɛɛi yələkɔlɔn mu; kɛlaa, gáá ə́ kɛi a nu huwu hvaŋą kɛnɛ̨ɛ dɛɛ diɛ.»

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zasua 10:23

Di dɔɔɓɛlaa lɔɔlii tii kulɔ gwɛni wolo hu, də li a diɛ Ɉosue pɔ: Ɉerusalɛmə tɔɔmun, Hebrɔn tɔɔmun, Yarmutə tɔɔmun, Lakisə tɔɔmun da Ɛglɔn tɔɔmun.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Zasua 11:17

Ə həɠə Halakə yee ɓa, yaai tɔɔni Seirə pələ, ə həli la Baalə-Gadə ɓa, Liban yɛɛ kɔ́wɔ hu, Hɛrmɔn yee kɔ́wɔ mu. Ə nąą tɔɔɓɛlaa kəlee hon, ə di paa a ɓɔwa.

Zasua 12:24

Tirsa tɔɔmun nu tɔ̨nɔ̨. Dɔɔɓɛlaa tii kəlee pɛlɛɛ gee ɓa, di kɛ a nu pow haaɓa kɔ́w tanɔ̨n.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 23:3

mɛ̨nįi Yai-Laa ka wɔ Yálá ə naa nu huwuɠaa ŋɛ̨i diɛ, kaa kpinįi kaa nąą kaa! Yai-Laa ka wɔ Yálá ɓə kɛi gɔɠaa tii kɔ́ a ka wɔ kɔ́.

Zasua 23:9

Ka gɛ tii, nu huwu kpɛa-kpɛaa ŋɛ̨i di hvaŋą kɛnɛ̨ɛ̨, Yai-Laa aa di kpɛ ka tɔwɔ; ka hvo gaai, nu ta hvo pɛli li tɔɔi ka la aa lɛɛ ɉu háákələi aa həli.

Zasua 6:2

Yai-Laa yɛ Ɉosue ɓa: «Ə́ ɲɛ̨i hee laa, gáá Ɉeriko taa tɛɛi ə́ pɔ, yaa, da nwɔ tɔɔmun, ə mą kɛ, ɉu kulaaɠaa.