Dutɛrɔnome 7:23 - Yálá laawoo hɛɓɛ (dc)

²³ Ə mą kɛ tii Yai-Laa ka wɔ Yálái kaa pai nu huwuɠaa tii lɔi ka yee ŋą; ə ɲɔw kɛnɛ̨ too di hu, ə lɛɛ ɉu di kpɛɛ kpɔ tɛ̨ɛ̨tɛ̨ɛ̨.

Yálá laawoo hɛɓɛ

²³ Ə mą kɛ tii Yai-Laa ka wɔ Yálái kaa pai nu huwuɠaa tii lɔi ka yee ŋą; ə ɲɔw kɛnɛ̨ too di hu, ə lɛɛ ɉu di kpɛɛ kpɔ tɛ̨ɛ̨tɛ̨ɛ̨.

Bible

²³ A pâi dítɛɛ̂i kápɔ é díkili ŋá pú. Díkili ŋá a pâi lɛɛ̂i a búɔɔ é lɛ́ɛ la zu ka díyee mɛi ɣále.

Dutɛrɔnome 7:23 ပူးပေါင်းရင်းမြစ်များ

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Dutɛrɔnome 2:15

Yai-Laa yee ə wiɛ di mɛ̨i, ə lɛɛ ɉu di kpɛɛ kpɔ tɛ̨ɛ̨ tɛ̨ɛ̨.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Dutɛrɔnome 8:20

Ka wala ka wəli tɔɔ Yai-Laa ka wɔ Yálái woo ɓa, bələi kpɔlɔɔ ə nuą ŋɛ̨i nwun na pili la ka ɲɛ̨i tɔwɔ, bələ lɔ ɓə a ka nwun na pili la.

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Zasua 10:10

Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Nwun mąąɓo 4:15

Yai-Laa ə ɲɔw too Sisera kɔ́lɔi, ə pu Barakə tɔwɔ, da nwɔ kɔ́ kɔ́ wotoloɠaai kəlee, da nwɔ kɔlaɠai kəlee, gəlee di lɛɛ a kɔ́ kɔ́ ɓɔwa kɔ̨nɔ̨n. Sisera ə kulɔ nwɔ kɔ́ kɔ́ wotolo hu, ə hvilɛn gɔwɔ ŋą, ə pu.