Dutɛrɔnome 7:16 - Yálá laawoo hɛɓɛ (dc)

¹⁶ Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Yálá laawoo hɛɓɛ

¹⁶ Nu huwuɠaa kpɔ tii Yai-Laa ka wɔ Yálái kaa pai di lɔi ka yee ŋą, ka gəlee paa, ka hvo da mąąwɛli kaa. Ka hvo kwɛli hvilɛn di wɔ haliɠaa diɛ, yili a nəi kɛ a hɛlɛn dɛɛ ka tɔwɔ.

Bible

¹⁶ Fɛ̂ɛ ka diai kélee su-kara Káɣâlai Yâwɛɛ a dítɛ̀ɛ kápɔi. Káfe díŋɛi malôŋ kàa, káfe tela díɣâla-ŋai da fɛ̀li. Ka gɛ̀ tí, da pâi kɛ̂i a ƃáre kámɛni ma.

Dutɛrɔnome 7:16 ပူးပေါင်းရင်းမြစ်များ

Mąątɛ̨nɛ̨ 106:34

Nu huwuɠaai Yálá ə kɛ diɛ; di di kəlee di paa, di hvo gɛ di hvo gəlee paa.

Mąątɛ̨nɛ̨ 106:36

Diɛ tí di wɔ haliɠaai diɛ, yili ə kɛ a hɛlɛn dɛɛ di tɔwɔ.

Lɛɛ gbɔwɔ ɓa 23:33

Di hvo pai lɛɛi ka wɔ lɔi hu, ə gɛ di hvo pa nɛ̨ŋɛ̨n nɔ ka yee pɔ gwa kaa ni gu lɔwai, ka hvo kwɛli hvilɛn di wɔ haliɠaai diɛ. Yili hvo pa kɛ a hɛlɛn dɛɛ ka tɔwɔ.›»

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Lonon mo 33:55

Kɛlaa, ka wala nɔi hu nuą kpɛ ka tɔwɔ, yiiɠaai ka káá pai di lɛɛi laa, di kaa pai kɛi a kiə́n, yɛ lɔ ka ɲɛ̨i. Diɛ kɛ a ɲąąlən, diɛ lɔ ka kɔ́lɔ hu. Di kaa pai kɛi heei ka hu nɔi tii hu. Ɓɛi ka káá pai kɛi laa.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Dutɛrɔnome 13:8

nu huwuɠaa kpɔ tii ka kwɛlɛ, ə həɠə nɔi kpala tɔɔi pələ, yɛ li la naa kulɔi pələ, di kɛ a di lɛɠɛɛ kaa-o, di kɛ a di mąą kwɛaa kaa-o, di wɔ yáláɠaa tii,

Dutɛrɔnome 13:9

nu a kɛ yɛ́ gwə li di pɔ, hvó hvaa nui tii woo ɓa, hvó mąą hvaalɛɛ, hvó mąą wɛli kaa, hvó tɔɔ bulu.

Dutɛrɔnome 19:13

Ka hvə mąą nu mąąwɛli kaa, gwəi kwələ mun ɲąmąi tii ə bu mąą mɛ̨nį ɓa. Ka yili kulɔ Israɛlə lɔi hu, ə gɛ, ka kɛ a nwun na nɛ̨ɛ̨ nuą.

Dutɛrɔnome 19:21

Ka hvo nu taaləi tii mąąwɛli kaa, mąąnɛ̨ɛ̨ di ɉutɔɔ. Nu nɔ̨ɔ̨ pɔɔi ɓaa nu nɔ̨ɔ̨, nu ɲɛ̨ikɔw pɔɔi ɓaa nu ɲɛ̨ikɔw, nu ɲin bɔɔi ɓaa nu ɲin, nu yee pɔɔi ɓaa nu yee, nu kɔ́wɔ pɔɔi ɓaa nu kɔ́wɔ.

Dutɛrɔnome 25:12

Ka nɛ̨ɛ̨nui tii yee tee mą, ka hvo ɲɛ̨imąąwɛli kaa.

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Zasua 11:20

Mąąhɔlɔɓo, Yai-Laa aa kɛ mąą kili tee gwəi, yɛ di kili walawala diɛ kɔ́ pɛlɛ Israɛlə ɓa. Israɛlə ə di kaa a nuąi di hva pɛli di mąąwɛli kaai. Yili ɓə gɛ di gəlee di nwun na pili, yɛ bələi Yai-Laa ə mo la Moisə ɓa.

Nwun mąąɓo 2:12

Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.

Nwun mąąɓo 2:3

Ŋą́ mo gɛ́ diɛ və́ pai di kpɛi ka tɔwɔ, di wɔ haliɠaai di kaa pai kɛi ka tɔwɔ a hɛlɛn.»

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.