Dutɛrɔnome 7:15 - Yálá laawoo hɛɓɛ (dc)

¹⁵ Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.

Yálá laawoo hɛɓɛ

¹⁵ Yai-Laa kaa pai ɲɔ̨n ɉuwui lɔpee gəlee mąą kwɛai kaa, mɛ̨nį ɲąąnwąnąą ɲɔ̨nwɔ̨ɔ̨ɠaa ka di kaa yɛ laa Eziptə nuą diɛ, hvo pai da laai kaa, gaa pai yiliɠaai laai nuąi da wɛli kpɛɛ mąą laa kulɔ a kaa diɛ.

Bible

¹⁵ A pâi káŋuŋ ma ƃôi kɔlɔ-fela sii kélee yêei. Vé pâi gɔlɔ-fela nyɔ́mɔɔ-ŋai da piliî kâa nyii-ŋai ká gàa Izei, kɛ́lɛ a pâi gɛ̂i tí a kákpɔara-ƃelai.

Dutɛrɔnome 7:15 ပူးပေါင်းရင်းမြစ်များ

Mąątɛ̨nɛ̨ 91:10

Mɛ̨nį ɲɔ̨n və pai həlii yɛ́, mɛ̨nį ɲąąnwąnąą ta hva lɛɠɛ ə́ wɔ yíi-pɛ́lɛ́i ɓa;

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 23:25

Yai-Laa ka wɔ Yálái ɓə ka káá pai kɛi kwɛli hvilɛn ɉii mą, ka gɛ tii, gáá pai lúwɔ́ tooi ka kɔ̨nɔ̨n ma, da ka wɔ yáɠaai diɛ, gɛ́ ɲɔ̨n mąą kwɛa kaa.

Lɛɛ gbɔwɔ ɓa 9:11

Bənən gɛ nuą di hvo pɛli tɔɔi Moisə lííla, dɔɔhɛnŋąą tii kɛ diɛ mąą mɛ̨nį ɓa. Mąąhɔlɔɓo, dɔɔhɛn ə tɔɔ bənən gɛ nuą da Eziptə nuą kəlee diɛ.

Dutɛrɔnome 28:27

«Yai-Laa kaa pai munwɔ̨ɠaa da nwɔ tɔɔ hɛnŋąą pɛlɛi kaa; da lɔ́wɔ́ ɲɔ̨n, ə mą kɛ tiha yɛ bələi ə gɛ la a Eziptə nuą; ɛlɛɛ, ka nwun va kulɔ ɉu.

Dutɛrɔnome 28:60

Mɛ̨nį nwąnąąɠaai ka kɛi ɲɔw diɛ Eziptə lɔi hu, a pənə ə yili laa kaa, diɛ kanąn kaa.

Dutɛrɔnome 30:7

Mɛ̨nįɠaa kpɔ Yai-Laa ka wɔ Yálái ə mo, yɛ hvilɛn na ka yowoɠaa diɛ, diɛi kɛ di hvilɛn ŋąą ka pulu a yowo laa kɛnɛ̨, Yai-Laa ka wɔ Yálá a mɛ̨nįɠaa tii kəlee pɔ mɛ̨nį kɛ.